Jeremiah 19:11 - Tedim Bible

¹¹ amaute kiangah, a vanglian Topa in a cih-inah, hih beelsekpa’ beel kisukham a, a kibawl phatkik theih nawn loh mah bangin hih mite leh hih khuapi ka sukham ding hi. Mun dangah si vui nading mun om nawn lo ding ahih manin Tofeth nangawn-ah a kivui ding uh hi.

Tedim Bible Revision 2017

¹¹ amaute kiangah, Vanglian Topa in a cih in ah, hih beelseek paʼ beel kisukham a, a kibawl phatkik theih nawn loh bangmahin hih mite le hih khuapi ka sukham ding hi. Mun dangah si vui nading mun om nawn lo ding ahih manin Tofeth nangawn ah a kivui ding uh hi.

Jeremiah 19:11 Referans Kwoze

Late 2:9

Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

Isaiah 30:14

tua cipna pen iplah loin a kidengkham beel seekpa’ beel themte lak pan meikhuk a, mei lak nading ahi zongin, tuikhuk a, tui dip nading ahi zongin a om het lo tawh kibang ding hi,” a ci hi.

Kah la 4:2

Kham banga manpha Jerusalem tangval note, tu-in leibeel bang lel-in a kibawl hi.

Mangmuhna 2:27

kei in ka Pa kiangpan thu ka ngah bangin beel seekte in beelte a suk khap zan bangin, amah in sik ciangkhut tawh a uk ding hi.

Jeremiah 13:14

Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Jeremiah 19:6

Tua ahih manin, en un, Topa in kong cih-inah, hih mun pen Tofeth ahi zongin Ben-Hinnom Mualkuam ahi zongin a kicih nawn loh hun hong tung ding hi. Kithahna Mualkuam a kici zaw ding hi.

Sawltak 21:11

Tua pa in kote kiangah hong tung a, Paul’ kawnggak la-in, a khut a khe a hen khit ciangin, “Hih kawnggak neipa Jerusalem khua-ah a om Judah mite in hih bangin henin, Gentailte’ khut tungah a pia ding uh hi,’ ci-in Kha Siangtho in hong ci hi,” a ci hi.

Paunak 6:15

Tua ahih manin theihkholh lohin ama tungah lungkhamna tung ding a, bawlkik zawh nawn loh dongin siatna ngah ding hi.

Jeremiah 19:12

Topa in kong cih-inah, hih mun leh hih mun-a teeng mite tungah tu-a bangin ka hih ding a, hih khuapi Tofeth ka bang sak ding hi.

Jeremiah 48:38

Moab gam innkhum khempeuh leh lam lianpi khempeuh ah kahna bekbek a om hi. Bang hang hiam cih leh Topa in kong cih-inah, leibeel suktap bangin Moab gam ka sutam a, kuamah in phamawh a sa kei hi.

Jeremiah 51:63

Hih laibu mite’ zakin na sim khit ciangin suang khat tawh hen khawm in la, Eufrates gun sungah paai in. Tua khit ciangin,

Jeremiah 25:34

“No makaite aw, tau un la, kap un, no uliante aw, vut lakah kikhuk un. Bang hang hiam cih leh hong kithahlup ni ding leh na kikhenthang ni ding uh hong tung zo hi; tuutal teelte bangin hong kithatlum ding hi.