Jeremiah 18:7 - Tedim Bible

⁷ Minam khat peuhpeuh ahi zongin gam khat peuhpeuh ahi zongin bot khia-in, khen kham-in, ka suksiat nadingin hun khat peuhpeuh lai-in ka gen khin zo ahi zongin

Tedim Bible Revision 2017

⁷ Minam khat peuhpeuh ahi zongin, gam khat peuhpeuh ahi zongin bot khia-in, khenkhamin, ka suksiatna ding thu, hun khat peuhpeuh lai-in ka gen khinzo ahi zongin

Jeremiah 18:7 Referans Kwoze

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Jeremiah 45:4

Topa in nang’ tungah hih bang a gen dingin hong sawl hi: En in, keimah in ka lam sate ka phel kik a, ka phuh sate ka bot khia kik hi. Keimah in leitung buppi tua bangin ka hih ding hi.

Jonah 3:4

Jonah zong khua sung lam manawh-in kipan-a, nikhat sung lam a pai khit ciangin, “Ni sawmli khit ciangin Nineveh khuapi a kisusia ding hi,” ci-in a kiko hi.

Amos 9:8

Keimah in hih a khial Israel kumpigam ka encik a, hih leitung panin amaute ka susia ding hi. Ahi zongin a vekpi-un susia mang loin, pawlkhat ka siit lai ding hi.

Piancilna 6:6

Leitungah mihing a bawl pen Topa khial kisa a, tua thu in ama' lungsim dahsak hi.

Jeremiah 31:28

Amaute a kibet khiat nading leh a kitap zan nading ahi zongin, a kisuan khiat nading leh a kisiat nading ahi zongin ka vaihawm mah bangin, Topa in ka cih-inah, amaute a kilam nading leh a kiphuh nadingin ka vaihawm ding hi.

Jeremiah 42:10

Hih gamah note na om suak uh leh note kong lam ding a, kong phel kei ding hi. Kong phut ding a, kong botkhia kei ding hi. Bang hang hiam cih leh note’ tungah siatna kong tun’ sak manin ka dah hi.

Ezekiel 33:14

Migilo khat kiangah, na si taktak ding hi, ci-in ka hilhkholh hangin, a mawh gamtatna khawlin a man a hoihin hong gamta kik hen la,

Daniel 11:4

Ahih hangin a thahat pen lai takin a gam hong kitam dinga khen li a kisuah ding hi. A suan a khakte in ama gam uk kha loin ama vangliatna zah vaang a nei zo kei ding uh hi; bang hang hiam cih leh ama ukna kibotkhia-in midangte’ tungah kipia ding hi.

Jeremiah 26:3

Amaute in na thu gen hong ngai-in, a gitlohna uh pan a kihei kha thei ding uh hi. Tua hi leh amau’ gitlohna hanga amau suksiat ding a, ka ngaihsut sa ka khelkik ding hi.

Jonah 3:10

Pasian in amau’ hihnate mu a, a khialhnate uh panin a kihei uh a muh ciangin kisik kik a, amaute tungah hih dinga a cihsa siatna a tungsak nawn kei hi.