Jeremiah 18:21 - Tedim Bible

²¹ Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Tedim Bible Revision 2017

²¹ Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithat lumsak in.

Jeremiah 18:21 Referans Kwoze

Amos 4:10

Izipt gama kong tun’sak bangin, note lakah gimna kong tungsak hi. Gal sungah na tangval teng uh ka sisak a, na sakolte uh kong paihkhiat sak hi. Na giahphual sungte uh, a uihna na nakngeek uh kong zensak hi. Tua bang hi napi-in kei lamah nong kihei kei uh hi, Topa in ci hi.

Kah la 5:3

Ka pate uh gal in hong thahsak khin a, ka nute uh a meigong khin uh hi.

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

Jeremiah 9:21

Bang hang hiam na cih uh leh tawlet vangte panin sihna hong lutin, kumpipa’ inn sungah zong hong lut hi. Kong zinga naupangte a vatmang a, sumbuka tangvalte a vatlum hi.

Thu-hilhkikna 32:25

Namsau in amaute gamlakah susia in, inn sungah launa lianpi om ding a, tangval leh nungak, naungek nawi nete sam kangsate tawh susia khawm ding hi.

Paikhiatna 22:24

ka hehna so-in namsau tawh note kong that ding a, na zite uh meigong numei leh na tate uh pa nei lo suak ding uh hi.

2 TIMOTI NIHNA 4:14

Sumsungpa Alekzander in keimah tungah a hoih lo tampi hong bawl hi. Amah in a hihna bangin ama tungah Topa in a thuk ding hi.

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.

2 KHANG TANGTHU NIHNATE 36:17

Tua ahih ciangin amah in Khaldea mite’ kumpipa amaute’ lang khatah paipih a, amah in amau’ biakna inn sungah namsau tawh a tangvalte uh that a, tangval ahi a, nungak ahi a, a teek ahi a, a ham ahi zongin khasiat lo hi; amah in a vekpi-in ama khut sungah pia hi.

1 SAMUEL MASA 15:33

Tua ciangin Samuel in, “Na namsau in numeite ta bei-in a bawl mah bangin na nu zong numeite lakah ta bei hi ding hi,” a ci hi. Tua ciangin Samuel in Topa mai Gilgal-ah Agag semnen hi.

Late 63:10

Amaute pen gal sungah si ding uh a, ngiate’ an suak ding uh hi.

Isaiah 9:17

Tua ahih ciangin amau’ tangvalte tungah Topa lungdam lo a, pa nei lote leh a meigong numeite uh tungah hehpihna nei lo hi; bang hang hiam cih leh mi khempeuh in Pasian’ thu khual loin siatna a bawl vive hi a, kam khempeuh in haina thu gen uh hi. Hih thute khempeuh hangin ama hehna dam zo nai lo a, ama khut kilamto lai hi.

Isaiah 13:18

Amau’ thalte in tangvalte that ding hi; amaute in gil sung pan a, piang naungeekte hehpih lo ding uh hi; amaute’ mit in naupangte khasiat lo ding hi.

Jeremiah 14:16

A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Jeremiah 15:7

Na gamsung khua kongpite-ah huihpi’ mut bangin note kong mutmang ding hi. Na tate uh ka beisak ding-a, ka mite ka susia ding hi; bang hang hiam cih leh na gitlohna uh leh na om dan hoihlo panun na kiheikik kei uh hi.

Jeremiah 50:30

Tua ahih manin khua sung laizangah a tangvalte uh si ding uh a, tua ni ciangin a galkapte uh a beimang khin ding uh hi. Topa in kong ci hi.

Kah la 1:15

Topa in ka galkap thahatpente nuihsan lel a, Amah in kei do ding leh ka khangnote susia dingin, galkap honpi a hong kuansak hi. Amah in ka mi thahatpente lenggah gawi zan bangin a hong gawizan sak hi.

Ezekiel 16:38

Midang tawh na mawhna hang leh na mi thahna hangin thu kong khen ding a, ka hehna tawh sihdaan kong pia ding hi.

Ezekiel 22:25

A uliante uh pen ganhing a that humpinelkai hawk tawh kibang uh hi. Amaute in mi thatin, a sum leh a neihsa khempeuh laksak uh a, a mi thahna hangun numei tampi tak meigong suaksak uh hi.

Late 63:11

Ahih hangin Pasian sungah kumpipa lungdam ding hi; amah tawh thuciam khempeuhte zong minthang ding hi; bang hang hiam cih leh zuauthu gente kamte kihubing ding hi.

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.