Jeremiah 18:18 - Tedim Bible

¹⁸ Tua ciangin amaute in, “Hong pai un, Jeremiah sawm ni. Bang hang hiam cih leh eite hong hilh dingin siampite ahi zongin, i dot dingin mipilte ahi zongin, Pasian’ thu hong gen dingin kamsangte ahi zongin i nei hi. Hong pai un, amah mawhsakin ama’ thu peuhmah mal khat zong i mang kei ding hi,” a ci uh hi.

Tedim Bible Revision 2017

¹⁸ Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasianʼ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 18:18 Referans Kwoze

Late 52:2

Zuau nasempa aw, na leii in mulkiatna temhiam khat tawh kibang hi.

Malakhi 2:7

Siampite’ nasep in Pasian a man-a theih nading a hilh ding uh ahi hi. Amaute pen Vanglianpen Topa’ kamtaite ahih manin, mite in keima deihna a theih nadingun amaute tungah thu a dot ding uh ahi hi.

Jeremiah 11:19

A kithatlum dinga kipaipih mawhna nei lo tuuno bang ka hi hi. Amaute in, “Singkung a gah phat hun lai takin phuktan ni; ama’ min a kiphawk nawn loh nadingin, amah that lum ni,” ci-in a gen uh, kei hong sawmna uh ahih lam ka thei kei kha hi.

Jeremiah 18:11

Tua ahih manin tu-in, Judah mite leh Jerusalem khua mite kiangah, ‘Topa in a cih-inah, En un, note’ siat nadingin ka gal-a note’ langkhat ah ngimna khat ka nei hi. Na vekpi-un na siatna uh pan kilehkik un la, na dan uh leh na nasepnate uh bawlpha un,’ va ci in.

Late 21:11

Na langah siat nading vaihawm a, gitlohna a bawl uh leh, tangtung lo ding uh hi.

Jeremiah 43:2

Hoshaiah’ tapa Azariah leh Kareah’ tapa Johanan-a kipan mi gilo dangte khempeuh in Jeremiah kiangah, “Nang in zuau na phuak hi. Topa i Pasian in, ‘Izipt gamah a teeng dingin pai kei un,’ ci-a gen dingin nang hong sawl lo hi.

Paunak 18:21

Kampauna in sihna ahi a, hin’na ahi zongin piangsak thei a, i kampauna banga piangte san’loh phamawh hi.

Late 64:3

namsau banga a leii uh a tatte, thaltang banga thu hoih lo a ngimte,

Late 57:4

Mihing tate, huaihamna tawh a netum humpinelkaite laizang ah ka om hithiat hi; amau hate in teipi leh thaltangte hi a, amau leite in namsau hiamte ahi hi.

Jeremiah 2:8

Siampite in, ‘Topa koi-ah a om hiam?’ ci-in dong lo uh hi. Thukham theite nangawn in kei hong thei lo uh hi. Kumpi uliante kei’ tungah hong khial khin uh a, kamsangte in Baal min tawh thu genin, kiman’na nei lo nate’ nung a zui uh hi.

Isaiah 32:7

Mi gina lote’ ginat lohna in sia hi; zuauna kam tawh mizawngte siasak leh mi cimawhte’ thu a thuman ciang nangawnin a siasak dingin amah in gitloh nasepna bawl hi.

JOB (Job) 5:13

Amah in migilote amau’ gitlohna mah-ah awk sak a, ngian a zangte’ geelna lumlet sak hi.

1 KUMPI MASATE 22:24

Tua ciangin Khena-anah’ tapa Zedekiah a nai-ah hong pai-in Mikaiah a paang bengin, “Nang tungah thu a gen dingin keima tung panin Topa’ Kha hong bangci pai hiam?” a ci hi.

2 SAMUEL NIHNA 17:14

Tua ciangin Absalom leh Israel mite khempeuh in, “Arkhi mi Hushai’ thugen in Ahithofel’ thugen sangin hoihzaw hi,” a ci uh hi. Bang hang hiam cih leh Topa in Absalom tungah siatna a tun’sak theih nadingin Ahithofel’ thugen hoih tawh a zawh ding Topa in a sehsa ahi hi.

2 SAMUEL NIHNA 15:31

Tua ciangin David kiangah, “Ahithofel zong mi sawmsimte lakah Absalom tawh om hi,” ci-in kigen hi. Tua ciangin David in, “Topa aw, kong thum hi, Ahithofel’ thugente haina-in na heisak in,” a ci hi.

Siampi Laibu 10:11

Topa in Moses’ tung tawnin amaute tunga a gensa thukhamte khempeuh note in Israel mite a hilh ding na hi uh hi,” a ci hi.

Johan 9:40

Ama kiangah a om Farisaite kimkhat in tua thu a zak uh ciangin, “Ko zong mittaw ka hi uh hiam?” ci-in a dong uh hi.

Jeremiah 26:11

Tua ciangin siampite leh kamsangte in kumpi uliante leh mi khempeuhte’ kiangah, “Note in na bil uh tawh na zak ciat uh mah bangin hihpa in hih khuapi langpan’in thu hilh ahih manin sihdaan piak tuak hi,” a ci uh hi.

Luka 11:45

Thukham siate khat in, “Sia aw, tua bang na gen ciangin ko zong na hong taai hi,” a cih ciangin,

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 8:8

“Bangci bangin note in, ‘Ko ka pil uh a, Topa’ thukham ka nei uh hi,’ ci thei ding na hi uh hiam? En un, thuman lo laitheite in tua thukham zuauthu a suah uh hi.

Jeremiah 18:19

Hong en in, Topa aw, ka galte hong langpan’nate hong ngai in.

Jeremiah 20:10

Mite’ kihuau simna tampi ka za a, mun khempeuh lauhuai hi. Ka lawm itte khempeuh in, ka cihmawh ding hong ngak gige uh a, “A mawhna pulak un! A mawhna pulak ni! Amah i khem zo kha ding hi. Tua hi leh i zo pah ding a, tua ciangin i thukkik ding hi,” a ci uh hi.

Jeremiah 37:13

Benjamin Kongpi a tun’ ciangin Shelemiah’ tapa, Hananiah’ tupa Irijah a kici kong cingpa in kamsangpa Jeremiah kiangah, “Nang Khaldea mite lama tai sim ding na hi hi,” ci-in a na man hi.

Ezekiel 7:26

Lungkhamna khat khit khat a ban banin na tuak ding uh a, thusia bekbek na za za ding uh hi. Kamsangte kiangah thu na dong ding uh hi. Siampite in mite tungah hong hilh ding thu thei lo ding uh a, upate in hong gen ding mel thei lo ding uh hi.

2 KHANG TANGTHU NIHNATE 24:21

Ahih hangin amaute in amah sawmsim uh a, kumpipa’ thupiakna tawh amaute in Topa’ inn tual-ah suang tawh amah denglum uh hi.

Jeremiah 1:19

Amaute in nang’ lang khatah hong do ding uh hi. Ahih hangin a hong zo kei ding uh hi; bang hang hiam cih leh, Topa in kong cih-inah, nangmah hong dal dingin kong ompih ding hi,” hong ci hi.

Jeremiah 44:16

“Topa’ min a, nong gen thute kong mang kei ding uh hi.

Kah la 3:62

Sun tawntung kei bawlsiat nading bekbek kamkumin vai a hawm tawntung uh hi.

Micah 3:6

“Ka mite lam khialsak na hih manun, mailam thugen theihna maang na mu nawn kei ding uh a, bangmah na genkhol thei nawn kei ding uh hi. Kamsangte aw, note’ hun bei ta ding a, ni in hong tumsan ta ding hi,” ci hi.

Micah 3:7

Kamsanngte in maizumna thuak ding uh a, thu-mu theite in zumna thuak ding uh hi; amaute in a muk uh hum ding uh hi, bang hang hiam cih leh Pasian’ dawnna om lo hi.