Jeremiah 18:17 - Tedim Bible

¹⁷ Ni suahna lam huih in nin a mut mang bangin a galte’ mai-ah amaute ka theh thang ding hi. Haksatna a tuah ni-un ka nungngat ding a, ka maingat kei ding hi,” hong ci hi.

Tedim Bible Revision 2017

¹⁷ Nisuahna lam huih in nin a mut mang bangin a galte uh mai ah amaute ka thehthang ding hi. Haksatna a tuah ni-un amaute ka nungngat dinga, ka maingat kei ding hi,” hong ci hi.

Jeremiah 18:17 Referans Kwoze

Jeremiah 13:24

Sehnel gam pan-a hong nung huih in buhvai a mutmang bangin note kong thehthang ding hi.

Jeremiah 2:27

Amaute in singtawng khat kiangah, ‘Nang ka pa na hi hi,’ peuh a ci uh a, suangtum khat kiangah, ‘Ka pian’na ka nu na hi hi,’ peuh a ci uh hi. Bang hang hiam cih leh amaute in kei hong nungngat uh a, a hong maingat kei uh hi. Ahih hangin haksatna a tuah uh ciangin, ‘Tho in la, hong hon in,’ hong ci uh hi.

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh leh a tuinakte uh a kangsak ding hi. Tua huih in a manpha nate leh deih theih peuhmah leen’ mang ding hi.

Late 48:7

Nisuahna huihpi tawh Tarshis kici teembaw liante nang na susia hi.

JOB (Job) 27:21

Nisuahna huihpi in amaute len khia-in, a inn panun gamlapi-ah len khia ding hi.

Jeremiah 46:21

A galkap cialte nangawn amau lakah bawngno dawng hat lote a bang lel uh hi. Pangin do tentan lo uh a, nungkikin a tai kek uh hi. Bang hang hiam cih leh amau’ kisiat ding ni, amau’ daan thuak ding ni hong tung zo hi.

Jeremiah 32:33

Amaute in kei hong nung ngat-in hong thudon lo uh a, ka hilh tawntung hangin ka hilhna a hong mang kei uh hi.

Thu-hilhkikna 32:35

Phulakna leh thukkikna kei’ aa ahi hi, a hun ciangin amaute puk ding uh hi; bang hang hiam cih leh amau’ gim ngah hun ding hong nai a, amau’ siat nading hong tung pah hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Paunak 24:16

Mihoihte, sagih vei dong a puk hangin thokik kik thei a, migilote ahih leh tuahsiatna tuakin kithallot hi.

Ezekiel 7:22

Ka biakinn a kinitsak ciangin ka kho kei ding hi. Gutate in ka biakinn luhin ninsak ding uh hi.

Ezekiel 27:26

Nang hong hotte in tuipi thukna gamlapi-ah hong hot a, nisuahna huihpi-in, tuipi laizangah hong mutsia hi.