Jeremiah 18:12 - Tedim Bible

¹² Amau in, ‘Tua bang gen kul lo hi. Ko’ ngimna bangin ka zui ding uh a, mi khempeuh in ama’ lungsim sia’ deihna bangin ka gamta ding uh hi,’ hong ci ding uh hi.

Tedim Bible Revision 2017

¹² Amaute in, ‘Tua bang gen kul lo hi. Koʼ ngimna bangin ka gamta ding uh a, mi khempeuh ama lungsim siaʼ deihna bangin a gamta ding uh hi,’ hong ci ding uh hi.

Jeremiah 18:12 Referans Kwoze

Jeremiah 2:25

Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.

Thu-hilhkikna 29:19

Note lakah numei ahi a, pasal ahi a, innkuan ahi a, minam khat ahi zongin, tua minamte’ pasian na a sem dingin Topa i Pasian kiang panin tu ni-in a lungsim a heikhia a om khak ding kidawm un; tua hi kei leh note lakah gu a nei gah kha a gah singkung hong bang ding a, hih kiciamna kammalte za napi-in a lungsim ah amah thupha kipia tawmin, ‘Ka lungsim khauhna tawh ka gamta zongin ka suakta veve ding hi,’ a ci hong om kha ding hi. Hih in mihoih leh misia, a kibangin phiatkhiatna hong suak sak ding hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.

Isaiah 57:10

A gamla na khualzinna tawh nang na gim a, ahih hangin nangmah in, “Lametna om kei,” na ci kei hi; nangmah in thahatna thak na ngah a, tua ahih manin na gim kei hi.

Luka 1:51

Ama ban tawh vangliatna a lak zo hi. Amau ngaihsutna lungsim uh a kiphasakte kikhenthang sak zo hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Ezekiel 37:11

Tua ciangin Pasian in kei kiangah, “Ezekiel aw, Israel mite pen hih guhte tawh kibang uh hi. Amaute in, ‘I keucip a, lamet ding bangmah om lo a, i nuntakna guipi beita hi,’ ci uh hi.

Jeremiah 44:17

Ahih hangin ka ciamsa uh bangin kote, ka pute ka pate, ka kumpite uh leh kumpi uliante in Judah gam khuapite leh Jerusalem khua kongzing lakah ka hih ngei uh bangin vantung kumpinu kiangah paknamtui hal-in tuidawn biakna ka hih zaw ding uh hi. Bang hang hiam cih leh ka tuacih uh ciangin an tampi ka nei uh a, hau-in gimna zong ka thuak kei uh hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial uh ahih manin tua sunga thute a vekpi-in ka tung sak ding hi,” hong ci hi.

2 KUMPI NIHNATE 6:33

Amaute tawh amah a kiho lai takin ama kiangah kumpipa hong paisukin, “Hih lungkhamna Topa’ kiang pan ahi hi! Bang hangin Topa ngak lai ding ka hi hiam?” a ci hi.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Malakhi 3:14

Note in, ‘Pasian’ na i sep a mawkna hi. Ama hong sawl bangin i sep hangin bang a kiman’na om a, i gamtatnasate hangin i dahna lim, Vanglianpen Topa’ mai-ah i lah hangin bang phattuamna om ahi hiam?

Isaiah 65:2

A hoih loin gamta-in, amau’ ngaihsutna bang a zui teitei a genhak mite lam nga-in, sun ni tawntungin ka khut ka zak hi.

Jeremiah 6:17

Topa in, “Peengkul tumna aw ngai dingin galvil ding mi ka koih hi,’ kong ci hi,” a ci hi. Ahih hangin amau in, “Ka ngai kei ding uh hi,” a ci uh hi.