Jeremiah 18:10 - Tedim Bible

¹⁰ amah in ka thu hong ngai lo-a hoih ka sak lohte a bawl teitei leh, ama tung-a hoihna bawl dinga ka sehsa pen ka kisikkik dinga ka bawl nawn kei ding hi.

Tedim Bible Revision 2017

¹⁰ amah in ka thu hong ngai loin, hoih ka sak lohte a bawl teitei leh, ama tungah hoihna bawl ding ka seh sa pen ka kisikkik dinga, ka bawl nawn kei ding hi.

Jeremiah 18:10 Referans Kwoze

Ezekiel 33:18

Mi hoih khat in a gamtat hoih, khawlin gamtat siat ding hong kipan leh, tua a gamtat siatna hangin a mah si ding hi.

1 SAMUEL MASA 2:30

Tua ahih ciangin Israelte’ Pasian, Topa in thu genin: ‘Nangma innkuan leh na behte in keima mai-ah sung tumin pusuak tawntung ding hi, ci-in thu ka ciam hi,’ a ci hi; ahih hangin tu-in Topa in thu genin: ‘Tua bang hi het lo ding hi: bang hang hiam cih leh kei hong pahtawite ka pahtawi ding a, kei hong simmawhte ka simmawhbawl ding hi.

Ezekiel 18:24

Ahi zongin mihoih khat in a gamtat hoihna teng khawlin, migilote’ gamtat bangin a mindaihuai, gamtat siate gamtat ding hong kipan leh, amah nungta paisuak ding ahi hiam? Nungta het lo ding hi. A hoih ama gamtatnasate kiphawksak lo ding hi. Ama cihtaklohna leh ama mawhna hangin si ding hi.

1 SAMUEL MASA 13:13

Tua ciangin Samuel in Saul kiangah, “Na hai gamtat hi; amah in nang hong thupiak ahi Topa na Pasian’ hong thupiakna na zui kei hi; bang hang hiam cih leh tu-in Topa in Israelte tungah kumpi dingin nang leh na suan na khakte a kipsak suak ding ahi hi.

Late 125:5

Ahih hangin amau’ gitlohna a zui mite pen siatna bawlte daan na piak ciangin, amaute tawh pia khawm in. Israelte tungah nopna om ta hen!

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

Zefaniah 1:6

Lam pial a, kei hong zui nawn lote, thu dong dingin kei kiangah hong pai lote, ka susia ding hi,” ci hi.

1 SAMUEL MASA 15:35

Samuel in ama sih ni dong Saul mu kik lo hi; ahih hangin Saul hangin Samuel dah hi. Israelte tungah kumpi-in Saul a koih manin Topa kisik hi.

Gamlak-vakna 14:22

Izipt leh gamlakah ka hihsa ka minthan’na leh ka limte mu khin napi-in sawm vei kei hong ze-etin keima aw a ngai lo mite,

Ezekiel 45:20

Tua mah bangin tua kha a ni sagih ni-in zong, tup lohpi leh theih lohna hangin a khial kha mite’ adingin sian’ suahna a bawl ding na hi uh hi. Tu-a bang danin biakinn na siangthosak ding uh hi.

Gamlak-vakna 14:34

Na gam vaan sung uh ni phazah tawh kizui-in, ni sawmli, ni khat ciangin kum khat, note in na mawhna uh kum sawmli sung na thuak ding uh a, keima lungkim lohna na thei ding uh hi,’ a ci hi.

Gamlak-vakna 14:23

amau’ pate tungah piak dinga ka kiciam leitang a mu kuamah om lo ding uh hi; kei hong simmawh mi kuamah in tua leitang mu lo ding hi.

Ezekiel 33:12

“Ezekiel aw, tu-in Israel mite kiangah hih bangin gen in: Midik khat in mawhna bawl leh, a beisa-a ama hoihna in amah suaktasak thei lo hi. Mi gilo khat a gitlohna khawl leh daan kipia lo ding a, midik khat in mawhna bawl leh nungta suak tuan lo ding hi.