Jeremiah 17:9 - Tedim Bible

⁹ “Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Tedim Bible Revision 2017

⁹ “Na khempeuh lakah lungsim a khem hat pen hi a, a kisia pha mahmah ahi hi. Kua in lungsim thei zo ding ahi hiam?

Jeremiah 17:9 Referans Kwoze

Mattiu 15:19

A hoih lo ngaihsutna, mithahna, mi’ zi tungah mawhna, numei tawh mawhna, mi’ sum gukna, zuauthu teci pan’na, mi gensiatna, tuate in lungsim sung pan a paikhia hi.

Thuhilh-sia 9:3

Mi khempeuh’ thumong kibang kim a, hih thu in leitunga thupiang lakah a man het lo khat ahi hi. Mihingte a nuntak lai teng, gitlohna leh a mawkna thu tawh a lungsim uh kidim a, theih kholh lohin mihingte si pak uh hi.

Paunak 28:26

Ei leh ei kimuan’na in haina hi a, mipilte’ hilhna zuihna in lungmuan’na hi.

Hebru 3:12

ute naute aw, note lakah khatpeuh peuh in mawh nopna uplahna lungsim tawh a nungta Pasian kiang pan na kinkhiat loh nadingun na kikeem un.

Piancilna 6:5

Leitungah mihing’ gitlohna a liatna leh mihing' lungsim ngaihsutna peuhmah a sia a hih ngitngetna thu Topa in mu hi.

Piancilna 8:21

Topa in a namtui gimnam a nap ciangin, a lungsim sungah, “Mi’ hangin leitang ka samsiat kik ngei nawn kei ding hi, bang hang hiam cih leh mi’ lungsim ngaihsutna pen a neucil panin gilo hi; tu-a ka hih bangin nuntakna a neite khempeuh zong ka susia ngei nawn kei ding hi.

Mattiu 13:15

Bang hang hiam na cih uh leh, hih mipawlte in a mit un khua mu lo, A bil un khua za lo, A lungsim un thei lo, A gamtatna uh kikhel lo, Amau cinatna uh ka damsak loh nadingin, Amau lungsim uh khauh a, A bil uh ngong a, A mit uh a si uh hi,’ a ci hi.

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Late 51:5

En in, a khialsa mahin kei ka suakkhia a, ka nu in hong paai cil-a kipan a mawhsa ka hi hi.

Marka 2:17

Zeisu in a zak ciangin, “Cidamte in zato deih lo uh hi. Cinate bek in a deih uh hi. Miphate sam dingin hong pai ka hi kei hi. Mawhneite sam dingin hong pai ka hi hi,” a ci hi.

ROM (Romans) 1:21

Amaute in Pasian a thei uh hi napi-in Pasian phat ding a kilawm zahin a phat kei uh a, ama hehpihna phat lo uh tham loin, amau in mawkna-in a ngaihsun uh a, ciamteh thei loin amau lungsim uh a mial hi.

ROM (Romans) 7:11

Bang hang hiam na cih uh leh, mawhna in thukham hangin thu ngah a, thukhamna tawh hong kheemin hong that hi.

2 SAMUEL NIHNA 11:15

A lai sungah, “Galdo a haksatna pen madawkah Uriah koih in la, amah ki-vat tukin a sih theih nadingin ama kiang panin nungkik un,” ci-in gelh hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Isaiah 1:6

Khe nuai-a kipan lutang dong nangawnin a cidamna om lo a, satnim gawpnate leh meimapite leh si luang liammate om hi; tuate pen a nai kisaal lo, kitun lo, sathau tawh kinomsak lo hi.

Isaiah 6:10

amaute in a mit uh tawh a muh loh nading, a bil uh tawh a zak loh nading, a lungsim uh tawh thu a theihtel loh nading, amaute kihei-in damna a ngah lohna dingun hih mite lungsim mawl sak in la, amau bil uh ngong sak in la, a mit uh va si sak in,” hong ci hi.

Late 64:7

Ahih hangin Pasian in a thaltang tawh amaute kap ding hi; amaute thakhatin liam ding uh hi.

Jeremiah 7:24

Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.