Jeremiah 17:7 - Tedim Bible

⁷ “Topa muangin, Topa a beel mi in thupha a ngah hi.

Tedim Bible Revision 2017

⁷ “Topa muangin amah a beel mi in thupha a ngah ahi hi.

Jeremiah 17:7 Referans Kwoze

Late 34:8

Topa’ hoihna sin un la, hoih hi, ci-in thei un! Amah a bel mi in lungdam hi.

Late 40:4

Topa muang a, mi kiphasakte lam-a kihei lo, pasian manlote lamah a paikhial lo mi in thupha ngah ahi hi.

Late 125:1

Topa a muang mite pen, ling loin a om tawntung Zion Mual tawh kibang hi.

Isaiah 30:18

Tua ahih ciangin note hehpih nuamin Topa in hong ngak hi; note tungah hehpihna hong lah ding amah kipakta hi. Bang hang hiam cih leh Topa pen a thutang Pasian ahi hi; amah a muangte khempeuh thupha ngah ahi hi.

Paunak 16:20

Thuhilhna a mang mite, a maa vang ding a, Topa a muang mite, thupha ngah ahi hi.

Late 84:12

Mi honte Topa aw, nangmah hong muang mi in thupha ngah mi ahi hi!

Late 146:5

Jakob’ Pasian pen ama huhpa hi-in, ama Topa Pasian, a muangpa in mi lungdam ahi hi.

Efesa 1:12

Tua bang ahihna in Khazih hanga a muang zo eite in a vangliatna phat dingte i suah na’ng hi.

Late 71:5

Topa aw, bang hang hiam cih leh ka neu lai-a kipanin nangmah in keima lametna, ka muan’na na hi hi, Topa aw.

Isaiah 61:3

amaute pen a thuman mite kici-in, amah a kiminthan’sak theih nadingin Topa’ suan kungte a kicih theih nadingin, Zion ah a om a dah mite tungah vut tawh kibuak a, lukhu khuk tangin a hoih kumpi lukhu khuksak nading, tauna tangin lungdamna sathau nilhsak theih nading, a lunggimna tangin Pasian phatna puan a silh theih nadingun amah in kei hong sawl zo hi.

Jeremiah 39:18

Bang hang hiam cih leh nang kong honkhia taktak ding a, namsau tawh thahna na thuak kei ding hi. Topa in kong cih-inah, kei hong muang na hih manin na nuntakna na suahtak liailiai ding hi, hong ci hi,’ ci-in va gen in,” a ci hi.

Daniel 3:28

Tua ciangin kumpipa in “Shadrak,’ Meshak,’ Abednego’ Pasian phat un. Amah in a vantungmite sawl a, amah a muang ama nasem hih mite a honkhia hi. Amaute in ka thupiakna mang loin, amau’ Pasian longal pasian dang mai-ah kunin bia nuam lo uh ahih manin mei phualpi sunga khul ding a ut zaw uh hi,” a ci hi.

Late 20:8

Amaute kinawmsawm-in puk ding uh a, ahih hangin eite tho-in i dingtang ding hi.

Zefaniah 3:12

Note lakah a kiniamkhiat, mi lungnemte bek, ka suakta sak lai ding a, keima min suangin thu hong ngen ding uh hi.