Jeremiah 17:6 - Tedim Bible

⁶ Amah in sehnel gam-a po sawlbawk bang hi a, khangin a bawk pha zo kei ding hi. Kuama’ teen’ lohna ci gam, keugaw gamah amah a teeng ding hi.

Tedim Bible Revision 2017

⁶ Amah pen sehnel gamah a po sawlbawk bang hi a, khangin a bawk a pha zo kei ding hi. Kuama ten lohna ci gam, keugaw gamah amah a teeng ding hi.

Jeremiah 17:6 Referans Kwoze

JOB (Job) 20:17

Amah in bawngnawi leh khuaizu guntui bangin a luang mu kha lo ding hi.

Late 1:4

Migilote ahih leh tua bang hi lo a, huih letkhiat ansi tawh kibang uh hi.

Thu-hilhkikna 29:23

a gambup in kaat leh ci, leh nin a kangtum, khai kituh lo, bangmah po lo, lopa zong a po zawh lohna mun Sodom leh Gomorrah, Admah leh Zeboi-im bangin a kilawnthal gawp, a hehna leh a sinsona tawh Topa’ lotgawpte tawh kibang hi, ci ding uh hi—

Jeremiah 48:6

‘Tai un! Na suahtak nadingun tai un! Sehnel gam a, gamlak laate bangin taimang un!’ a ci uh hi.

JOB (Job) 39:6

Amau’ om nadingin gamlak ka pia a, bangmah po zawh lohna zanglei- ah ka teengsak hi.

Zefaniah 2:9

Keimah in a nungta Israel Pasian ka hih mah bangin, Moab mite, Sodom khuamite bangin kisusia-in, Ammon mite, Gomorrah khuamite bangin kisusia-in, a gam sung uhah lingkung bek po zoin, a gam uh cikhuk tawh kidimin a sia tawntung suakin, a suakta lai ka mite in a neihsa uh sutin, a gam uh a laksak tak kei leh, ci-in ka kiciam hi,” ci hi.

Thukhente 9:45

Abimelek in sun tawntung tua khuapi sim hi; amah in tua khuapi la-in a sunga om mite that hi; amah in tua khuapi phiatmai-in ci vawh hi.

Ezekiel 47:11

Ahi zongin tuipi dunga om nawng lakte leh bualte-a om tuite siang lo ding a, cikhuk dingin tuaci-in om lai ding uh hi.

Isaiah 1:30

Bang hang hiam cih leh note pen, a teh a vul tawsaw kung leh tui a ngah lo huan tawh na kibang ding uh hi.

2 KUMPI NIHNATE 7:2

Tua ciangin a ban tungah kumpipa a kingapna galkap ukpa in Pasian’ mipa kiangah, “Topa mahmah in vantungah kongvangneute hong bawl leh zong, hih bang thu hi thei ding ahi hiam?” a ci hi. Ahih hangin amah in, “Nangma mit mahmah tawh hih thu na mu ding a, ahih hangin nang in na ne kha kei ding hi,” a ci hi.

Jeremiah 29:32

Topa in kong cih-inah: En un, keimah in Nehelam khuami Shemai-ah leh a suan a khakte daan ka tat ding hi. Amah in keimah hong langpan nading thu gen ahih manin ka mite ading-a a hoih ka bawl ding nate, amah leh a suan a khakte khat beek in a mu kei ding uh hi,” Topa in kong ci hi,” a ci hi.