Jeremiah 17:4 - Tedim Bible

⁴ Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Tedim Bible Revision 2017

⁴ Note kong piak na gam uh zong na taan ding uh a, na theih ngei loh uh gam khat ah na galte uhʼ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

Jeremiah 17:4 Referans Kwoze

Jeremiah 15:14

Na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi,” hong ci hi.

Kah la 5:2

Ka neihsa teng uh gamdang mite’ khut sung tung khin a, ka innsung uhah gamdang mite a teeng uh hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Isaiah 5:25

Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Isaiah 14:3

A haksa nasep hong kisep sakna, gimna, salsuahna leh lungkhamna panin Topa in note tungah tawldamna hong piak ciangin,

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote khut sungah note kong pia ding hi.

Kah la 1:12

A kim a pama pai mi khempeuh kiangah, “Hong en in, kei’ thuak zah a gimna a thuak, Topa in a heh lai taka a hong thuaksak gimna a thuak kei longal midang kuamah om lo hi” ci-in a kiko hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.

Jeremiah 5:29

Hih thute hangin amaute daantat lo ding ka hi hiam? Topa in ka ci hi. Hih bang minam’ tungah thukkik lo ding ka hi hiam?”

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi; bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding uh hi, a ci hi.

Isaiah 30:33

Tofeth a kihal nading mei phualpi mun, sawt pekin kibawl khin zo hi; hi hi, kumpipa’ adingin a baihsa-in kikoih a, a mi-halna pen lianin kisangsak a, sing a sangpi-in vum venvan hi. Topa in kaat kuang hu sang khia ding a, tua meiphualpi tawh kuang ding hi.

Nehemiah 9:28

Ahi zongin a tawldam khit uh ciangin nangma muhna ah a sia gamta zel uh a, nangmah in amau’ galte khut sungah na nusia a, a galte un amaute ukgawp uh hi. Ahi zongin amaute in nang tungah huhna hong nget uh ciangin vantung panin amau’ ngetna za-in na hehpihna tawh amaute tam veipi na honkhia hi.

2 KUMPI NIHNATE 25:21

Tua ciangin Babilon kumpipa in amaute vat a, Hamath gam sung Riblah ah amaute that hi. Tua ahih ciangin amau’ gam panin sal-in Judah mite kilakhia hi.

1 KUMPI MASATE 9:7

amaute ka piaksa leitang panin Israel ka lakhia ding hi; tua ciangin ka min dingin ka apsa inn pen ka muhna panin ka lawnkhia ding hi; tua ciangin Israel in mi khempeuh lakah paunak leh thugentehna suak ding hi.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Jeremiah 2:14

“Israel sal ahi hiam? Sila namte ahi zenzen hiam? Hi lo ahih leh bang hangin a galte in luhgawp zo ahi hiam?

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Jeremiah 22:28

Jekoniah in kuama’ deih loh a kipaimang beel kitam tawh kibang ahi hiam? Bang hangin amah leh a tate kilawnkhia a, a theih loh gamah kipaai mang ahi hiam?

Isaiah 50:11

Ahih hangin mei vaksak a, meilah kuang a kiguan note khempeuh aw, tu-in na meivakna leh na meilah kuang pana khuavak sungah pai-in, kalsuan un; hih in ka khut pana na ngah ding uh ahi hi. Lungkhamin na lumsuk ding uh hi.

Jeremiah 5:19

Na mipihte un, ‘Bang hangin Topa i Pasian in hih bangin ei’ tungah hong bawl hiam? a cih uh ciangin nangmah in, ‘Topa nusia-in na gam sung uhah gamdang pasiante’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Ezekiel 7:24

Minam gilo pente hong paipihin na innte uh ka luahsak ding hi. Minam dangte in na biakna mun ngeite uh a nitsak ciangin mi thahat-a a kineite’ kimuan’na beita ding hi.