Jeremiah 17:27 - Tedim Bible

²⁷ Ahih hangin ka thu nong ngaih kei uh a, sabbath ni siangthosak loin, sabbath ni-in Jerusalem khua kongpite pan van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin a kangtum ding a, mei a kiphelh zo kei ding hi,’ va ci in,” hong ci hi.

Tedim Bible Revision 2017

²⁷ Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite ah van pua-in nong lutpih uh leh, tua kongpite ka hal ding hi. A mei in Jerusalem khua kumpi innte lawhin kaang tum dinga, a mei a kiphelh zo kei ding hi,’ va ci in,” hong ci hi.

Jeremiah 17:27 Referans Kwoze

2 KUMPI NIHNATE 25:9

Amah in Topa’ inn, kumpipa’ inn leh Jerusalem khua sung inn khempeuh hal hi; inn lian khempeuh amah in haltum hi.

Jeremiah 7:20

Tua ahih manin Topa in kong cih-inah: En in, ka hehna leh ka thangpaihna hih munah ka bua ding-a, mihingte tung leh ganhingte tung, lo lai-a singkungte leh lei laka singgahte tungah ka sung ding hi. Ka hehna a kuang ding a, a kisumit kei ding hi.

Jeremiah 21:14

Na nasepna gahte tawh kituakin nang kong daantat ding hi, Topa in kong ci hi. Tuulak-a sing hoihte tawh a kilam na kumpi innte uh mei tawh kihal ding a, a kimkot khempeuh ka kangtum sak ding hi,” a ci hi.

Amos 1:14

Tua ahih ciangin Rabbah khuapi kulh ka hal ding a, a mun muanhuai teng kangtum ding hi. Gal do-a kikona aw ging ding a, tua kidona awging khuapi huih nung bang ding hi.

Ezekiel 22:8

Mun siangthote zong zahtakna mel kinei loin, sabbathte zong kitang lo hi. Mi pawlkhat te in midangte a sih theih nadingin zuau thu phuak uh hi.

Kah la 4:11

Topa in a hehna khempeuh siit nawn loin hong buakhia-a, meikuang tawh Jerusalem hong hal ahih manin a kangtum hi.

Jeremiah 52:13

Amah in Topa’ biakinnpi akipan kumpipa’ inn leh Jerusalem khua-a inn lian khempeuh a hal hi.

Jeremiah 49:27

Damaskas khua kulhpi mei tawh kihal ding a, Benhadad kumpipa’ inn zong a kangtum ding hi,” a ci hi.

Jeremiah 39:8

Khadea mite in kumpipa’ inn leh midangte’ innte a hal uh a, Jerusalem khua kulhpi a susia uh hi.

Isaiah 1:20

Ahih hangin note in kei hong nialin nong lehdo uh leh namsau in note hong vatmai ding hi; bang hang hiam cih leh Topa in hih thu gen khin zo hi.”

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Amos 2:2

Tua ahih ciangin Moab gamsung ka kangsak ding a, Kerioth khuapi munmuanhuai teng kangtum ding hi. Galkapte’ otna leh peengkul kitumna lak, gal kidona gamlum sungah Moab mite si ding uh hi.

Amos 1:12

Tua ahih ciangin Teman gamsung ka kangsak ding a, Bozrah khuapi mun muanhuai teng kangtum ding hi.

Amos 1:10

Tua ahih ciangin Tai-ar khuapi kulh ka kangsak ding a, a mun muanhuai teng kangtum ding hi.

Amos 1:7

Tua ahih ciangin Gaza khuapi kulh ka kangsak ding a, a mun muanhuai teng kangtum mang ding hi.

Amos 1:4

Tua ahih manin Hazael innkuante mei tawh ka hal ding a, a meikuang in kumpi Benhadad’ munmuanhuaite kangtum ding hi.

Ezekiel 16:41

Amaute in na innte hong haltum sakin, na daantuahna, numei honpi en sak ding uh hi. Numei paktat na hihna kong khawlsak ding a, na mawhpih ding pasalte sum tawh na guaihna kong khawlsak ding hi.

Jeremiah 44:16

“Topa’ min a, nong gen thute kong mang kei ding uh hi.

Jeremiah 32:29

Hih khuapi a sim Khaldea mite hong pai-in khuapi mei tawh a hal ding uh a, ka heh nading-a inn khum tunga Baal milimte paknamtui halna tawh a biakna innte uh leh pasian dangte’ kianga tuidawn biakna a piakna uh innte zong a haltum ding uh hi.

Jeremiah 22:5

Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.

Jeremiah 21:12

David’ suante aw! Topa in a cih-inah: Zingsang simin man takin thu khen un la, mi bawlsiapa’ khut sung pan a bawlsiatpa hon khia un. Tua bang na hih kei uh leh na siatna bawlnate hangun ka hehna mei bangin a kuang ding a, kuamah in a phelh zo kei ding hi.

Jeremiah 17:24

“Ahih hangin Topa in kong cih-inah, note in ka thu nong ngaih uh a, sabbath ni-in hih khua kongpite pan bangmah hong lutpih loin, sabbath ni siangtho sakin na na sep kei uh leh,

Jeremiah 17:4

Nang kong piak na gam zong na taan ding a, na theih ngei loh uh gam khatah na galte’ na ka hong semsak ding hi; bang hang hiam cih leh ka hehna kitawh kuang a, a mit nawn kei ding hi.

Jeremiah 6:17

Topa in, “Peengkul tumna aw ngai dingin galvil ding mi ka koih hi,’ kong ci hi,” a ci hi. Ahih hangin amau in, “Ka ngai kei ding uh hi,” a ci uh hi.

Isaiah 1:31

A thahat mipa pen patlom tawh kibang ding a, ama nasepna pen mei-ek suak ding hi; kuamah in phelh zo loin amaute gel kangtum khawm ding uh hi.

2 KHANG TANGTHU NIHNATE 36:19

Tua ciangin amaute in Pasian’ inn halin Jerusalem kulh nusia uh a, a kumpi inn khempeuh mei tawh halin a um-le-beel manpha khempeuh susia uh hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau’ khut tawh a bawl milimte tawh kei hong hehsak uh ahih manin hih mun tungah ka hehna kitawhkuang ding a, kimitsak lo ding hi.

Thu-hilhkikna 32:22

Bang hang hiam cih leh ka hehna in mei tawh kuang a, Leinuai thukna mun dong kuang hi, leitung leh a tunga piangte kangtum a, mualte’ bulpite’ kuangsak hi.

Late 122:7

Na kulhte sungah lungnopna om hen la, na galvilna tausangte’ huam sungah lungmuan’na om ta hen” ci un.

Jeremiah 18:1

Topa in Jeremiah hong hopih-a,

Kah la 2:6

Amah i biakna Biakinnpi a zan gawpsak hi. Amah in ni siangtho nite leh sabbath nite a beisak hi. Kumpite leh siampite in a nasia Ama hehna a thuak khawm uh hi.

Ezekiel 21:15

Tua namsau in ka mite meidawi sakin puk sak hi. Khuaphia bangin a tee zalzal, mi that dinga a kithawi ka namsau tawh a khuapi uh ka ngim hi.

Ezekiel 23:38

Amaute’ gamtatna tu-a bang teng bek hilo lai hi. Ka biakinn ninsak uh a, ka sabbathte zong palsat lai uh hi.

Hosea 8:14

Bang hang hiam cih leh Israel mite in amau a Piangsakpa mangngilh uh a, inn lianpipite lam uh hi. Judah mite in zong kulh nei khuapi tampi lam thuah uh hi. Keimah in tua khuapite mei tawh halin a inn lianpite uh ka kangtumsak ding hi, ci hi.

Ezekiel 21:3

Israel gam mite tungah Topa ahi keima thugen, hih bangin gen in: ‘Note ka hong langpan’ hi. Ka namsau dokin, note a sia a pha a kibangin kong that mang khin ding hi.