Jeremiah 17:18 - Tedim Bible

¹⁸ Kei a hong bawl siate na zahhuaisak in la, ahih hangin kei hong zahhuai sak kei in. Amaute na lungamsak in, ahih hangin kei hong lungamsak kei in. Amaute’ tungah siatna ni tungsak in la, a zah nih-in susia in!

Tedim Bible Revision 2017

¹⁸ Kei hong bawlsiate na zahhuaisak inla, ahih hangin kei hong zahhuaisak kei in. Amaute lung-amsak inla, ahih hangin kei hong lung-amsak kei in. Amaute tungah siatna ni tungsak inla, a zah nihin susia in!

Jeremiah 17:18 Referans Kwoze

Late 35:4

Kei hong sawmte mai zumin mindaisak ta in! Keima siat nading a bawlte nungkiksak in la siasak ta in!

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Jeremiah 11:20

Ahih hangin thuman tak-a thu khen a, mite’ lungsim leh ngaihsutna a entel a vanglian Topa aw, amaute na thukkikna kei hong musak in; bang hang hiam cih leh nang’ tungah ka thu kong ap khin hi.

Late 40:14

Kei, thah dingin a hong zongte zahhuaisak in la maisia sak in; keima siat nading a deihte nungkiksak in la minsia sak in!

Late 35:8

A phawk loh kalun amau tungah siatna tung sak in! Amau ngenthang siahsimna uh ah amaute mah awksak in la, a kisia dingin amaute kiasak in.

Mangmuhna 18:6

Amah in mi a piak bangin piakik in. Ama gamtatna a zahnih thukkik in. Ama bawl hai, amah ading a zahnih bawlsak in.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Jeremiah 16:18

Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Late 71:1

Topa aw, nangmah kong bel hi; keimah hong zahhuaisak ngei kei in!

Late 70:2

Kei, thah hong sawmte maizumin kibuaigawpsak in! Keima siat nading a deihte nungkiksak in la, mindaisak in!

JOB (Job) 16:14

Amah in kei hong liamsak thuahthuah a, galkap a hehpa bangin hong hih gawp hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Jeremiah 1:17

Tua ahih manin Jeremiah aw, na kawng gak in, Tho in la, kong sawl khempeuh amaute’ kiangah va gen in. Amaute kihta kei in; na kihtak leh amau mai-ah kong lau sak zawlai ding hi.

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.

Jeremiah 17:13

Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 17:19

Topa in hih bangin kei hong hopih hi: “Va pai in la, Judah gam kumpite’ lutna le pusuahna Mipite’ Kongpi leh Jerusalem khua kongpi khempeuh ah va ding in la, hih bangin va gen in:

Thu-hilhkikna 33:11

Topa aw, ama’ nate tungah thupha pia in la, a khut tawh a nasepnate saang in; a galte’ kawng su-tan in la, a din’ kik nawn loh nadingun amah a mudahte sugawp in,” a ci hi.