Jeremiah 17:13 - Tedim Bible

¹³ Aw Topa, Israel mite’ lametpa aw, nang a hong taisan mite a zahhuai ding uh hi. Nang a hong lehngat san mite leivui laka min gelh bangin a mang thang ding uh hi. Bang hang hiam cih leh nuntakna ciktui ahi Topa a hong taisan zo uh hi.

Tedim Bible Revision 2017

¹³ Aw Topa, Israel miteʼ lamet pa aw, nang a hong taisan mite a zahhuai ding uh hi. Nang a hong lehngat san mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisan zo uh hi.

Jeremiah 17:13 Referans Kwoze

Mangmuhna 7:17

Bang hang hiam na cih uh leh, tokhom laizangah a om Tuuno in amaute’ tuucing suak a, amaute nuntakna ciktui omna-ah lam a hilh ding hi. Pasian in zong amaute mittang pan khitui khempeuh a nul siang ding hi,” ci-in hong gen hi.

Mangmuhna 22:1

Tua nung ciangin vantungmi in kei kiangah kristal suangmanpha tawh kibangin tangin, Pasian leh Tuuno’ tokhom pan pusuakin, khuapi lampi laizang tawntungah a luang nuntakna gun hong lak hi.

Johan 4:14

Ahih hangin ke’n ka piak tui a dawnte in a tawntungin a dangtak nawn kei ding hi. Ke’n ka piaksa tui in tua mi sungah nuntak tawntungna tuikhukin a piang ding hi,” a ci hi.

Johan 4:10

Zeisu in, “Pasian’ hehpihna leh ‘Dawn ding tui hong pia in,’ ci-a hong ngenpa kua mi ahih thei le-cin ama kiangah tui na ngen ding a, amah in nuntakna tui a hong pia ding hi,” a ci hi.

Mangmuhna 21:6

“Tua bangin a piang khin zo hi. Keimah in Alfa leh Omega, a kipatna leh a tawpna ka hi hi. Tuiduh mite nuntakna ciktui man nei loin ka pia ding hi.

Isaiah 1:28

Ahih hangin a lehdo mite leh a khial mite pen kisusia khawmin Topa a nusiate pen kibeimangsak ding hi.

Luka 10:20

Note bangmah in hong bawlsia kei ding hi. Ahih hangin dawite na zawh uh hangin lungdam kei un. Vantung khua sungah na min uh a kigelh manin na lungdam ta un,” a ci hi.

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gamsung uhah mikhual bangin om-in khualzin, zan khat bek a taam bangin hong om na hi hiam?

Mangmuhna 20:15

Nuntakna laibu sungah a min om lo mi peuhmah tua mei li sungah a khiasuk hi.

Isaiah 66:5

Ama thu ah lau-in a liing mite aw, Topa’ thu za un: Kei tungah note nong cihtakna hangun na mipihte pawlkhat un note hong mudahin hong hawlkhia ding uh a, zahpihna tawh note hong hopihin, “Lungdamin na om ding uh hong deihsak ka hih manun, Topa in ama liatna hong lak hen la, note hong honkhia ta hen,” hong ci vial ding uh hi. Hih banga hong paute pen mindaina a thuak ding mite ahi uh hi.

Late 73:27

Bang hang hiam cih leh, en in, nangmah tawh a kigamlate kisia ding a, nangma tunga hong khialte na beisak hi.

Jeremiah 2:13

Bang hang hiam cih leh ka mite in mawhna nam nih a bawl zo uh hi: nuntakna ciktui ahi keimah a hong taisan zo uh hi; tuikhuk a to tawm uh a, tuikhuk keh-in tui a vung thei kei hi.

Joel 3:16

Zion Mual panin Topa hong hawk suk a, Jerusalem panin hong awngkeek a, vanpi leh leipi liing damdam hi. Ahi zongin Topa in, ama mite’ belhpa hi a, Israel mite’ munmuanhuai ahi hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin hih teng nang’ tungah hong tung hilo ahi hiam?

Mangmuhna 22:17

Kha Siangtho leh a kipi Mo in, “Hong pai in!,” ci-in a gen uh hi. A za mi in zong, “Hong pai in,” ci ta hen. A dangtak mi hong pai ta hen. A dawn nuam mi in nuntakna tui man pia loin dawn ta hen.

1 TIMOTI MASA 1:1

Eite Honpa Pasian leh i lametna Khazih Zeisu thupiakna tawh Khazih Zeisu sawltak keimah Paul in:

Sawltak 28:20

Tua ahih ciangin note mu-in, hong hopih dingin kong sam hi. Bang hang hiam na cih uh leh, Israel pawlte’ lametna thu hangin hih sikkhau khihna ka thuak hi,” a ci hi.

Daniel 12:2

A sisa mi tampite in nuntakna a ngah kik ding uh hi. Pawl khatte in nungta tawntung ding uh a, pawl khatte in a tawntung zumna leh minsiatna a ngah ding uh hi.

Ezekiel 36:32

Israel mite aw, hih thute khempeuh, note’ hangin a bawl ding ka hih lohna thu na theih ding uh ka deih hi. Na gamtatnasate uh hangin maizumin na mindai ding uh ka deihna ahi hi. Topa Pasian in hih thu kong gen khin hi.

Ezekiel 16:63

Na gamtatnasa khempeuh kong maisak khit ciangin na gamtatnasa khempeuh na phawkkik ding a, maizum lua-in cihna ding mel thei loin na om ding hi, Topa Pasian in ci hi,” hong ci hi.

Jeremiah 17:17

Kei hong lausak kei in; gimna hong tun’ cianga kong belhpa na hi hi.

Jeremiah 17:5

Topa in kong cih-inah: Mi bek muangin mi’ hatna bek suanga a lungsim Topa tawh a kilehngat mi in haamsiatna a ngah hi.

Paunak 14:14

Misia in siatna thaman ngah a, mipha in phatna thaman ngah hi.

Paunak 10:7

Mihoihte kiphawkphawk a, migilote kimangngilh pah hi.

Late 97:7

Bangmah man lo milimte a kisak theihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Late 22:4

Ka pate un nangmah hong muang hi; amaute in hong muang uh a, nangmah in amaute na honkhia hi.

Late 71:5

Topa aw, bang hang hiam cih leh ka neu lai-a kipanin nangmah in keima lametna, ka muan’na na hi hi, Topa aw.

Jeremiah 17:18

Kei a hong bawl siate na zahhuaisak in la, ahih hangin kei hong zahhuai sak kei in. Amaute na lungamsak in, ahih hangin kei hong lungamsak kei in. Amaute’ tungah siatna ni tungsak in la, a zah nih-in susia in!

Jeremiah 19:4

Bang hang hiam cih leh hih mite in kei hong taisan khin zo uh a, amaute-a kipanin a pu a pate uh leh Judah kumpite’ theih ngei loh pasian dangte’ kiangah paknamtui a hal uh a, hih mun a ninsak uh hi. Hih mun mawhna nei lo mite thahna sisan tawh a dimsak uh a,

Jeremiah 50:7

Amau a mute in na negawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate uh a muan’ leh a lametna uh ahi Topa’ tungah amaute a mawh uh hi,’ a ci uh hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.

Zekhariah 9:12

Lametna a om ta, no salte aw, ciahkik un la, a muanhuai na mun ngei uh zuankik un. Note’ thuaknasa a zah nihin, thupha ka hong piak nading, tu ni-in note kiangah ka hong gen hi.

Zekhariah 13:1

Tua ni hong tun’ ciangin David’ suan-le-khakte leh Jerusalem khuamite’ mawhna leh nitna teng khempeuh a silsiang dingin tuinak khat hong kihong ding hi.

Late 69:29

Ahih hangin kei in gimna thuakin na ka sa hi; Pasian aw, na hotkhiatna in keimah a sangna munah hong koih ta hen!