Jeremiah 17:11 - Tedim Bible

¹¹ Thu manlo pi tawh a hau mi in ama’ tui lopi keuhsak dinga a op sim vasa tawh kibang hi. A khan’ lai-in a neihsa teng a taan ding a, a tawpna-ah mihaipi a suak ding hi.

Tedim Bible Revision 2017

¹¹ Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khan lai-in a neihsa teng taan dinga, a tawpna ah mi haipi a suak ding hi.

Jeremiah 17:11 Referans Kwoze

Paunak 28:20

A citak mipa in thupha tampi ngah ding a, a hau baih nuam mipa in daan tuak pelmawh ding hi.

Paunak 21:6

Zuau genna tawh hauhna in beimang pak a, sihna khuk sung hong tun’pih hi.

Jeremiah 22:17

Ahih hangin note in thu manlo tawh ngah nading ahi zongin, mimawh lote’ sisan luan’ nading ahi zongin, mi nuaisiahna leh ngongtat nading ahi zongin, na mitte uh leh na lungsim uh na zang uh hi.

Jeremiah 22:13

Thumanlo pi-a inn lam a, zuauthu tawh in dei tungnung a lam mi, a mawkna-a ama’ na a innvengte a semsak mi, a thaman a pia lo mi in gimna thuak ta hen.

Paunak 28:8

A meet a pung lakna tawh a hau mipa in, mizawngte a hehpih thei mipa’ adingin sum zong hi lel hi.

Paunak 15:27

A man lo-a sum ngahna in innsung lungkham sak a, sumgolh a deih lote a nuntak sauvei nuam hi.

2 PETER NIHNA 2:14

Amaute in mi’ zi tungah mawh nop lunggulhna tawh a dim uh a, a kham thei lo mittang nei mi ahi uh hi. A kip lo mite a zol thei uh hi; huaiham luatna-ah a siam thei lungsim nei-in, hamsiatna’ tate ahi uh hi.

Titu 1:11

Tua mite kam kihu cip ding hi. Bang hang hiam na cih leh, amaute in sum siangtho lo hangin ahilh tuak lo thu hilhin, innkuanpih khempeuh lumlet thei uh hi.

Zefaniah 1:9

Midangte’ sangkil kanin zawhthawh bawl a, khemna leh thahna tawh a ngah uh vante tawh, a Topa uh inn a dimsakte khempeuh, tua ni mahin daan ka pia ding hi,” ci hi.

Paunak 28:22

A huaiham mi in a hauh nadingin huai mengmeng a, a tawpna-ah a zawn’ ding lam tak phawk kha lo hi.

Paunak 13:11

Ol tak-a hauh pakna in kiam kik pah a, haksapi-a hauh tohna in khang semsem hi.

Late 55:23

Ahih hangin Pasian aw, dum thukpenna munah nangmah in amaute na lawnsuk ding a, mi a thatte leh mikhemte pen amau nuntak ding zah lang hing lo ding hi. Ahih hangin keimah in nang kong muang ding hi.

Luka 12:20

Ahih hangin Pasian in, ‘Mi haipa aw, tu nitakin na kha a kila ding hi. Na kholsa nate kua in luah ding hiam?’ a ci hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

1 TIMOTI MASA 6:9

Sum a hau nuam mite in kheemna sungah, thang awkna sungah, hai-a noptuamna a siasak thei, deihgawhna atuam atuamte sungah a kia thei uh hi. Tua bang deihgawhna in mite kisiatna sungah a tum mangsak thei hi.

Mattiu 23:13

“A simtat laitheite leh Farisaite aw, note in gimna na thuak ding uh hi. Bang hang hiam na cih uh leh, Vantung Gam kongkhak mi mai-ah na khak uh hi. No lah lut loin, a lut nuamte zong na kham uh hi.”

Malakhi 3:5

Vanglianpen Topa in hih bangin ci hi: “Note tungah thukhen dingin ka hong pai ding a, ai tawite, numei tawh mawhte, a man lopi-a teci pangte, nasemte’ thaman piakna ah khemna a zangte, meigong, tagah, leh gamdang mite a zawhthawh bawlte, leh kei hong zahtak lo mi khempeuhte’ lang khatah thakhatin teci pangin thu ka khen ding hi.

Zekhariah 5:4

Vanglianpen Topa in hih samsiatna a khahkhiatna ding thu gen a, guta mite khempeuh leh a man loin ka min tawh thuciam mite khempeuh’ inn sungah lut ding hi. Tua bang mite’ inn sungah a tawntungin hamsiatna omin, amaute-a kipan a sing a suang, a vekpi-in kisumai ding hi,” hong ci hi.

Micah 7:3

A sia lam-a gamtat ding siam mahmah uh a, uliante leh thukhente in sumgolh ngenin, mi liante in amau’ deih teng pulak uh a, kipawlin vaihawm khawm uh hi.

Micah 2:9

Ka mihingte’ numeite amau’ inn nuam panin na hawlkhia uh a, a tate un a ngah ding keima thuphate na taan paisuak sak uh hi.

Amos 3:10

Topa in hih bangin ci hi: Hih mite in a manin gamtat ding thei lo uh a, giloin mi’ na a suh uh vante tawh, a inn lianpipite uh kidimsak uh hi.

Paunak 28:16

Ngaihsut siamna a nei lo gam ukpa in a gilo kumpi hi ding a, thuman lo-a ngahna a deih lo mipa in sau veipi uk ding hi.

Paunak 23:5

Na ngahsa, sumte, mitphiat kalin bei mang thei a, muvanlai bangin thakhatin lengmang thei hi.

Late 49:13

Hih in a kihai muan’te’ ngah hi a, amau ngahsa tawh a lungkimte’ thumong ahi hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

JOB (Job) 20:21

Amah in a nek ciangin a khamval om nawn lo a, tu-in a hauhna teng bei ta hi.