Jeremiah 17:1 - Tedim Bible

¹ “Judah mite’ mawhna sik laikung khat tawh kigelh hi. Suangmanpha muk zum tawh amaute’ lungtang pek tung leh biakna tau kite tungah khuak-in ki-at hi.

Tedim Bible Revision 2017

¹ Topa in a genna ah, “Judah miteʼ mawhna sik laikung khat tawh kigelh hi. Suang manpha mukzum tawh amauteʼ lungtang peek tung le biakna tau kite tungah khuakin ki-at hi.

Jeremiah 17:1 Referans Kwoze

Paunak 3:3

Thumanna leh cihtakna khahsuah ngei kei in la, na ngawng-ah tuate ok in, na lungtang tungah gelh in.

2 KORIN NIHNA 3:3

Koici bang hiam na cih uh leh, note in laitui tawh kigelh hi lo a, a nungta Pasian’ Kha Siangtho tawh kigelh na hi uh ahi zongin, suangpeek tungah kigelh ahi lo, lungtang satak peek tungah kigelh na hi uh ahi zongin, kote’ nasepna ah Khazih laikhak na hihna uh kitel takin na lak zo uh hi.

Paunak 7:3

Kong hilhnate kem tawntung in la, na lungtang tungah gelh in.

Siampi Laibu 4:25

Tua ciangin siampipa in a khutme tawh khialhna hanga biakna si tawm la-in meihal biakna tau kite nuh-in, meihal biakna tau bulah si a om lai teng sung ding hi.

Hosea 12:11

Gilead gamah milim biakna om a, tuate in a kiman’na om lo hi. Gilgal gamah bawngtal tawh bia uh a, lo khote in a suang deih loh teng uh a phualphualin a cian’ kawikawi tawh kibangin, a biakna taute uh bangmahin kimang lo ding hi.

Isaiah 49:16

Jerusalem aw, ka khut peekte sungah nang kong gelh khin zo a, na kulhpite ka mai-ah om den hi.

Jeremiah 2:22

Vuttui tawh na kisil-a satpiang tampi na zang zongin na mawhna nin ka mu lai veve hi, Topa Pasian in kong ci hi.

Jeremiah 4:14

Jerusalem khua aw, nang hong kihotkhiat nadingin, na lungsim sung panin gitlohna sawpkhia in. Na sungah gitlohna lungsim bang tan vei kem cip ding na hi hiam?

Hosea 7:2

Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.

Zekhariah 7:12

Amaute in a lungsim uh suangtum bangin saksak uh a, Vanglianpen Topa in taanglai kamsangte tung tawnin a Kha Siangtho tawh a gen thuhilhnate ngai nuam lo uh hi. Tua ahih manin Topa heh mahmah hi.

Jeremiah 11:13

Bang hang hiam cih leh, Judah aw, na khua om zahzah uh pasian na nei uh a, Jerusalem khua kongzing om zahzah meihal biakna tawh Baal biak nading a zum huai biakna taute na bawl tazen uh hi.

Jeremiah 31:33

Ahih hangin Topa in kong cih-inah, tua hun hong tun’ ciangin Israel minamte tawh hih bangin thuciamna ka bawl ding hi: amaute sungah ka thukham ka koih ding a, amaute’ lungtang tungah ka gelh ding hi. Keimah in amaute’ Pasian ka hi ding a, amaute in keima’ mite ahi ding uh hi.

Hosea 8:11

Israel mite in mawh maisak nading mun biakna tau tam bawl semsem leh mawh nading mun tam a behlap semsem suak zawsop uh hi.