Jeremiah 16:5 - Tedim Bible

⁵ “Bang hang hiam cih leh Topa in kong cih-inah, mi’ kahna inn sungah lut kei un la, thuum-in kuamah va kah se kei un. Bang hang hiam cih leh lungnopna lianpi leh ka hehpihna hih mite kiang panin ka lakhia khin zo hi, Topa in kong ci hi.

Tedim Bible Revision 2017

⁵ “Bang hang hiam cih leh Topa in kong cih in ah, miʼ kahna inn sungah lut kei unla, thumin kuamah va kah se kei un. Bang hang hiam cih leh lungnopna, itna lianpi le ka hehpihna hih mite kiang panin ka la khia khinzo hi, Topa in kong ci hi.

Jeremiah 16:5 Referans Kwoze

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Thu-hilhkikna 31:17

Tua hun ciangin amaute tungah ka hehna so-in, amaute nusia-in ka mai ka seel ding a, amaute beimang ding uh hi; tua ni ciangin amaute in, ‘Eite lakah i Pasian a om loh manin hih siatnate i tungah hong tung hilo ahi hiam? a cih theih nadingun amaute tungah siatna leh gimna tampi tung ding hi.

Mangmuhna 6:4

A san ahi sakol dang khat hong pusuak hi. Tua sakol tung tuang mi in leitung pan nopsakna lakkhiat theihna thu leh leitung mi khat leh khat kithahsak theihna thu a pia hi. Amah namsau saupi khat zong a kipia hi.

Zekhariah 8:10

Tua hun ma-in mi ahi a, ganhing ahi zongin na a sem dingin kuamah in cial zo lo a, galte kihtakna hangin kuamah a ut utin om thei lo hi. Mi khat leh khat ka kidosak hi.

Late 25:6

Topa aw, taang pek-a kipan a omsa ahih manin, na hehpihna leh na itna kip phawkkik in.

Jeremiah 12:12

Sehnel gam mualsang panin a susia dingte hong pai zo uh hi. Gam mong khat panin gammong khat dongah a lungmuang kuamah om lo hi. Bang hang hiam cih leh Topa’ namsau in mi khempeuh a vattuk hi.

Jeremiah 13:14

Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Kah la 3:17

Lungnopna, cidamna, kipahna cihte bang ahi hiam cih mel ka thei nawn kei hi.