Jeremiah 16:4 - Tedim Bible

⁴ Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Tedim Bible Revision 2017

⁴ Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlak a leeng vasate le leilak a ganhingte in a ne ding uh hi.

Jeremiah 16:4 Referans Kwoze

Jeremiah 25:33

“Tua ni-a Topa’ thahlup mite leitung mong khat panin mong khat dongah a kithehthang ding uh hi. Amaute kuamah in a kah kei ding a, kikaikhawm loin kiphum lo ding uh ahih manin lei lakah ek nusiat bangin a kinusia ding uh hi.

Jeremiah 9:22

“Topa in, ‘Gamlaka kitha ek bangin misiluang a kipaaithang ding a, buhlom atsa kinusia bangin kuamah in a khawm kei ding hi,’ ci-in a gen hi, va ci in,’ hong ci hi.

Zefaniah 1:17

Topa in hih bangin thu gen a, “Mihingte tungah lungkhamna lianpi ka tungsak ding a, amaute in mittaw bangin khua zawt ding uh hi. Keima tungah amaute hong khial uh ahih manin, tui bangin a sisan uh kithehthang ding a, a luanghawm uh, leilakah muatcip ding hi,” ci hi.

Jeremiah 34:20

A galte’ khut sungah amaute ka pia ding a, a that nuam mite’ khut sungah ka pia ding hi. A siluangte uh van-a vasate leh leitunga gam sate’ an a suak ding uh hi.

Jeremiah 7:33

Misiluangte huih laka leeng vasate leh leitunga om ganhingte’ an suak ding uh a, tuate a delhmang ding kuamah om lo ding hi.

Isaiah 18:6

Tuate khempeuh pen mual tunga vasate’ nek ding leh leitunga ganhingte’ nek dingin kinusia ding hi. Khuakhal hun ciangin vasate in ne ding a, phalbi hun ciangin leitunga ganhingte in ne ding uh hi.

Ezekiel 5:12

Note seh thum suah seh khat pen cina leh gilkialin khuapi sungah na si ding uh hi. Seh thum suah seh khat, khuapi kiim-ah namsau-in na si ding uh hi. A om lai seh thum suah seh khat ahih leh mun khempeuh ah hong thehthangin namsau tawh kong delh ding hi.

Jeremiah 44:27

En un, keimah in amaute tungah hoihna tung loin siatna a tun’ nadingin ka bawl ding hi. Izipt gam-a om Judah mite khempeuh namsau leh kialpi tawh a si ding uh a, khat beek a suakta kei ding uh hi.

Jeremiah 36:30

Tua ahih ciangin Judah kumpipa Jehoiakim’ thu tawh kisai-in Topa in kong gen-inah, amah in David’ tokhom tunga tu ding suan leh khak a nei kei ding a, ama’ luang in sun laitak-a ni sa kap ding leh zan laitaka vuksan vukngo tuam dingin a kipaaidak ding hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

Isaiah 5:25

Tua ahih ciangin, Topa’ hehna ama mite’ tungah hong khangin, a khut zanin amaute vat gawp a, mualte liing hi; amaute’ luang hawmte pen kongzing lampite ah nin bangin om hi. Hih bang teng hangin zong a hehna dam nai lo a, ama khut kizan lai hi.

Late 78:64

Amau siampite, namsau in puksak a, amau zite in kah zo lo uh hi.

2 KUMPI NIHNATE 9:10

Tua ciangin uite in Jezre-el gam sungah Jezebel ne-in, kuamah in amah vui lo ding hi,” a ci hi. Tua ciangin amah in kongkhak hongin tai hi.

Jeremiah 44:12

Izipt gama teeng ding a, lungsim a khensat khin Judah mi a om laite, a vekpi-un ka si sak khin ding hi. Izipt gamah namsau tawh kithat sakin kial tawh ka puksisak ding hi. A neu penpen-a kipan a golpen dongin namsau leh kialpi tawh a si ding uh a, mite’ lipkhap, mite in kihaamsiatna-in a zat leh, mite’ simmawh ka suaksak ding hi.

Thu-hilhkikna 28:26

Note’ luang hawmte in huih lak a, leeng vasate khempeuh leh leitunga ganhingte khempeuh’ an hi ding hi; amaute a bengkhia ding mihing om lo ding hi.

Jeremiah 19:7

Hih munah Judah mite leh Jerusalem mite’ ngimna ka tangtung sak kei ding a, a galte’ namsau leh a that nuamte’ khutlum-in amaute ka sisak ding hi. Amau’ si luangte huih laka leng vasate leh lei lak a ganhingte’ an dingin ka pia ding hi.

Kah la 4:9

Nek ding nei lo-a puksih sangin galsunga site hampha zaw lai hi. Annek ding nei lo-a site a puksi ahi uh hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Thu-hilhkikna 28:22

Topa in pulnatna, leh cisa natna, meima nasia, leh a sa mahmah natna, leh keutumna, leh huihpi mutgawpna, leh a nom tawh note hong vatgawp ding hi; note na siat mateng uh tuate in hong delh ding hi.

Jeremiah 21:6

Hih khuapi sunga teengte a mi a sa ci loin ka thatlum ding a, pulnatna tawh a gam khin ding uh hi.