Jeremiah 16:3 - Tedim Bible

³ Bang hang hiam cih leh hih mun-a a suak tanu tapate leh a nute a pate uh tawh kisai-in Topa in ka cih-inah:

Tedim Bible Revision 2017

³ Bang hang hiam cih leh hih mun a suak tanu tapate le a nute uh tawh kisai-in Topa in ka cih in ah:

Jeremiah 16:3 Referans Kwoze

Jeremiah 16:9

Bang hang hiam cih leh a vanglian Topa, Israel mite’ Pasian in hih bangin kong ci hi: En un, hih mun panin note’ muh tektekin, note’ theih hun sung mahin gualnopna, lungdamna awte leh zi nei thakte, pasal neithakte’ awte ka gingsak nawn kei ding hi.

Jeremiah 16:5

“Bang hang hiam cih leh Topa in kong cih-inah, mi’ kahna inn sungah lut kei un la, thuum-in kuamah va kah se kei un. Bang hang hiam cih leh lungnopna lianpi leh ka hehpihna hih mite kiang panin ka lakhia khin zo hi, Topa in kong ci hi.

Jeremiah 6:21

Tua ahih manin Topa in kong cih-inah, En un, hih mite puk nadingin a mai uhah suangtum ka koih ding-a, pate leh tate, inn vengte leh lawmte pukin a si ding uh hi,” a ci hi.

Jeremiah 15:8

Tuipi-a sehnel om zah sangin nupi meigong ka tamsak zaw ding hi; na tangvalte uh a khan’ cin laitakin ka that ding a, a nute uh ka thuaksak ding hi. No’ tungah thakhat thu-in lungkhamna leh launa kong tungsak ding hi.

Jeremiah 16:2

“Hih bang munah zi nei kei in la, tanu tapa zong nei kei in.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.