Jeremiah 16:18 - Tedim Bible

¹⁸ Amaute’ khialhna leh a mawhnate uh a zah nih-in ka thuk ding hi; bang hang hiam cih leh amaute in a muh thadah huai siluang hawmte tawh kibang milimte tawh ka gam a ninsak uh a, kihhuaina tawh ka gam a dimsak uh hi,” hong ci hi.

Tedim Bible Revision 2017

¹⁸ Amauteʼ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadah huai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Jeremiah 16:18 Referans Kwoze

Isaiah 40:2

Dam takin Jerusalem hopih un. Ama gimna hun bei ta a, ama mawhna kimaisakin, ama khialhnate khempeuh hangin Topa in a zah nih in daantat khin zo hi, ci-in ama tungah gen un.

Mangmuhna 18:6

Amah in mi a piak bangin piakik in. Ama gamtatna a zahnih thukkik in. Ama bawl hai, amah ading a zahnih bawlsak in.

Ezekiel 11:21

Ahi zongin a nin a muhdahhuai milim bia nuamte ahih leh daan ka pia ding hi. Amau’ gamtatna tawh kizui-in daan ka pia ding hi. Topa Pasian ahi keimah in hih thu ka hong gen hi,” hong ci hi.

Jeremiah 17:18

Kei a hong bawl siate na zahhuaisak in la, ahih hangin kei hong zahhuai sak kei in. Amaute na lungamsak in, ahih hangin kei hong lungamsak kei in. Amaute’ tungah siatna ni tungsak in la, a zah nih-in susia in!

Jeremiah 2:7

Singgah leh a hoih nate na nek theih nadingun an tamna munah kong tun’pih hi. Ahih hangin no nong pai uh ciangin ka gam na nin sak uh a, ka neihsa gam a kihhuai mun na suak sak tazen uh hi.

Ezekiel 11:18

Amaute hong ciahkik ciangin a nin nate khempeuh leh a muhdahhuai milimte khempeuh a nilkhia ding ahi uh hi.

Jeremiah 3:9

Tua bang hih ding amah in baih ngaihsut lel ahih manin suangtum leh singtawng peuh bia-in a khial a, gam a ninsak hi.

Isaiah 61:7

Note’ maizumna tangin nopna a zah nih na ngah ding uh a, note’ mindaina tangin nomau’ ngahna sungah na lungdam ding uh hi; tua ahih ciangin na gam sung uhah a zah nih na luah ding uh hi; note’ aa pen tawntung lungdamna hi ding hi,

Micah 2:10

Tu-in ding un la paikhia un. Na khialhna hangun a lauhuai suksiatna tuak ding na hih manun, hih lai mun in note adingin tawlngakna mun hi lo hi.

Isaiah 24:5

Ama tunga teengte in leitung ninsak uh hi; bang hang hiam cih leh amaute in thukhamte mang loin, ngeina kipte palsat uh a, tawntung thuciamna peel uh hi.

Late 106:38

amaute in, Kanaan gam milimte a biakna-un, mawhna nei lo a tanute uh leh a tapate uh that uh a, hih mi thahna hangin gamsung a nin a suak hi.

Siampi Laibu 26:30

Keimah in mual dawn-a na biaknate uh susia-in, na paknamtui biakna taute uh phukin, na milim’ siluang hawmte uh tungah na luanghawmte uh ka paii ding hi; keimah in note kong kih ding hi.

Isaiah 65:6

En un, amaute daan piak ding ka khentat khin a, amaute’ thuak dingte lai sungah kiciamteh khin hi. Amau’ mawhnate mawk koih in, ka dai om kei ding a, a bit-in ka thukkik ding hi. Amau’ mawhna leh a pu a pate’ mawhnate a phei tungah ka thukkik ding hi; amaute in mual liante tungah paknamtui hal-in mual neute tungah kei hong simmawh uh ahih ciangin amau’ gamtatna tawh kizui-in a bit-in ka thuk ding hi, ci hi.

Jeremiah 7:30

“Bang hang hiam cih leh, Topa in kong cih-inah, Judah mite in hoih ka sak loh nate a hih khin zo uh hi. Ka min tawh a kilo ka biakinn a nit sak nadingun kihhuai milimte a koih uh hi.

Jeremiah 44:4

Ahih hangin note kiangah ka nasem kamsangte khempeuh kong sawl a, ‘Ka muhdah hih a kihhuai na na hih nawn kei un,’ ci-in kong gensak tawntung hi.

Ezekiel 5:11

Tua ahih ciangin Topa Pasian ahi keimah in a nungta ka hih mah bangin, note in siatna nam khempeuh leh a muhdahhuai gamtatna tawh ka biakinn ninsak na hih manun cikze het loin note kong sukmang taak kei leh, ci-in ka kiciam hi.

Hosea 9:7

Daan tahna hun hong tung ta a, thukkikna hun hong tung ta hi. Tua hun ciangin Israel mite in na thei ding uh hi. Note’ mawhna hang leh note in kei nong muhdah luat manun, “Hih kamsangpa mi hai hi; hih thumu-pa lungsim kicing lo hi,” nong ci uh hi.

Ezekiel 36:18

Tua ahih manin gam sungah amaute’ mi thahna leh a milimte uh tawh gamsung teng a nitsakna hangun ka hehna teng ka thuaksak hi.