Jeremiah 16:17 - Tedim Bible

¹⁷ Bang hang hiam cih leh a omdan khempeuh uh ka mit-in ka mu a, kei’ kiang pana a kiseel bangmah om lo hi. A khialhna khempeuh uh zong ka mit panin a kiseel kei hi.

Tedim Bible Revision 2017

¹⁷ Bang hang hiam cih leh a om dan khempeuh uh ka mitin ka mu a, keiʼ kiang panin a kiseel bangmah om lo hi. A khialhna khempeuh uh zong ka mu hi.

Jeremiah 16:17 Referans Kwoze

Paunak 15:3

Topa’ mit in mun khempeuh mu a, misia, mipha, hong encik kim hi.

Jeremiah 23:24

Mi khat peuhpeuh kei’ muh loh dingin busim thei ding ahi hiam? Topa in kong ci hi. Leitung, vantung mun khempeuh ah ka om lamtak thei lo na hi uh hiam? Topa in kong ci hi.

Paunak 5:21

Bang hang hiam cih leh Pasian in na gamtatna khempeuh hong mu a, na paina khempeuh hong en kawikawi hi.

Late 90:8

Nangmah in kote’ mawhnate na mai-ah na koih a, ka khialh simnate uh na maitang ah na koih hi.

Hebru 4:13

Tua tham loin, eite thu hong khenpa mai-ah a kilang lo na khat beek a om kei hi; na khempeuh a liah a dal om loin Pasian mai-ah kipho laakin a om hi.

1 KORIN MASA 4:5

Tua ahih ciangin khuamial lakah a kiselte leh lungsim sungah hanciamnate a kilangsak ding, Pasian hong pai dong matengin, a hun hong tun’ ma-in thu na khen kei un. Tua hun ciangin Pasian kiang pan phatna thu a ngah ciat ding uh hi.

Jeremiah 32:19

na ngimnate lian mahmah a, na sepnate thupi mahmah hi. Mite’ nuntakzia khempeuh na mu a, amau’ nuntakdan leh a nasepna gahte tung tawnin mi khempeuh’ tungah thaman na pia kim hi.

2 KHANG TANGTHU NIHNATE 16:9

Bang hang hiam cih leh ama lamah a lungsim a paubang lo mite’ tangin ama vangliatna a lak dingin Topa’ mit in leitung khempeuh en kawikawi hi. Hih thu-ah na hai gamtat khin hi; bang hang hiam cih leh tu-a kipanin galdonate na nei ding hi,” a ci hi.

Ezekiel 9:9

Tua ciangin amah in hong dawng a, “Israel mite leh Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Isaiah 29:15

Topa’ kiang panin ama’ thu vaihawmna a seel cip, khuamial sungah a gamta, “Kua in hong mu ding hiam? Kua in hong thei ding hiam?’ a cite in gimna ngah ta hen.

Late 139:3

Nangmah in ka sep laitak ahi a, ka khawl laitak ahi zongin nong mu a, ka gamtatnate khempeuh na thei hi.

Ezekiel 8:12

Tua ciangin amah in, “Ezekiel aw, Israel mite in a kimu lo mun-a a gamtatnate uh tu-in na mu hiam? Amaute in milim a dimna inn sungah biakna bawl uh hi. Amaute in, ‘Topa in hong mu lo hi. Topa in hih gam nusia khin ta hi,’ ci-in paulap zong uh hi,” hong ci hi.

Late 51:9

Ka mawhna na mai panin seel in la, ka khialhna khempeuh hong phiatkhiat sak in.

Late 109:15

Topa’ mai-ah tua mawhnate om-omsak in la, leitung panin amah a kiphawkna bei ta hen!

Jeremiah 2:22

Vuttui tawh na kisil-a satpiang tampi na zang zongin na mawhna nin ka mu lai veve hi, Topa Pasian in kong ci hi.

Jeremiah 29:23

Bang hang hiam cih leh amaute Israel gamah hai gamtat uh hi: a innvengte’ zite mawhpih uh a, thu ka piak lohpi ka min tawh zuauthu a gen uh hi. Keimah Topa in ka mu a, teci ka hi hi, hong ci hi,” ci-in a gelh hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Zekhariah 4:10

A ma uh a telh loh manin ka mite lungkia uh a, ahi zongin Zerubbabel in biakinn lam nasep a makaihna a muh uh ciangin a lung uh damkik ding hi,” hong ci hi. Vantungmi in, “Meivak sagihte in, leitung khempeuh a etna Topa’ mittang sagih ahi hi,” hong ci hi.

JOB (Job) 10:14

Ka khialh khakna hong ensim niloh na hih manin ka mawhna nong maisak nuam kei hi.

JOB (Job) 31:4

Pasian in ka gamtatna khempeuh thei a, ka kalsuanna khempeuh hong mu hi.

Late 33:15

amau lungsim khempeuh a bawlpa in, amau gamtatna khempeuh en gige hi.

Isaiah 66:18

Bang hang hiam cih leh amau nasepnate leh amau ngaihsutnate ka thei a, minam khempeuh a khawm dingin ka hong pai hi; amaute hong pai-in ka minthan’na mu ding uh hi.

Jeremiah 7:11

Ka min tawh a kilo hih biakinn no’ ngaihsutna-ah misuam buluhte’ bukna mun bang-a ngaihsun na hi uh hiam? Keimah in note’ hih khempeuh kong mu khin hi, Topa in kong ci hi.