Jeremiah 16:16 - Tedim Bible

¹⁶ “En un, Topa in kong cih-inah, nga beng tampi ka khah ding a, amaute ka mansak ding hi. Tua khit ciangin sa beng tampi ka khah ding a, amaute in mual tung khempeuh leh suanghawmte panin amaute a bengmang ding uh hi.

Tedim Bible Revision 2017

¹⁶ “En un, Topa in kong cih in ah, ngabeng tampi ka khah dinga, amaute ka mansak ding hi. Tua khit ciangin sabeng tampi ka khah dinga, amaute in mual tung khempeuh le suanghawmte lakah amaute a beng ding uh hi.

Jeremiah 16:16 Referans Kwoze

Amos 4:2

Topa Pasian a siangtho ahih mah bangin, amah in kamciamna khat bawl khin a, “Amaute in sikkawi tawh note hong kaihkhiat hun ding, ni khat ni ciangin hong tung taktak ding a, note khempeuh sikkawi-a awk ngasa na bang ding uh hi.

Micah 7:2

Leitungah mihoih teng bei khin ta a, Pasian tungah a thuman mi kuamah om nawn lo hi. Mi khempeuh in mi thah ding bek ngaihsun uh a, a kuamah peuh in a sanggampa ngen tawh beng hi.

1 SAMUEL MASA 26:20

Tua ahih ciangin tu-in Topa’ omna panin gamdang leitangah kei hong si sak kei in; bang hang hiam cih leh mual tungah vaka a bengpa bangin Israelte kumpipa keimah that dingin nong kuankhia hi,” a ci hi.

Piancilna 10:9

Amah in Topa’ mai-ah a vanglian sabengpa zong ahi hi; tua ahih ciangin, “Nimrod bangin Topa’ mai-ah a vanglian sabengpa,” ki ci hi.

Jeremiah 25:9

en un, leilu lam-a om minam khempeuhte leh ka nasempa ahi Babilon kumpipa Nebukhadzezzar ka vaikhak ding a, hih gam leh a sunga teeng mi khempeuh leh hih kim-a om gam khempeuh a sim dingin ka va la ding hi. Keimah in amaute ka susia khin mang ding a, amaute a tawntungin siacip-in simmawhna ka thuaksak ding hi, ci-in Topa in kong gen hi.

Amos 5:19

Humpinelkai kihta-in a taikhiat hang, vompi a tuakpa tawh kibang ding hi. Tua ahih kei leh, mi khat inn-ah hong tai a, a kawm-ah a khut a ngak ciangin gul in a tuk tawh kibang ding hi.

1 SAMUEL MASA 24:11

En in, ka pa aw, ka khut sunga na puantualpi mong en in; kei tungah khialhna ahi a, kumpi dona ahi zongin a om lohna, na puantualpi mong at khia napi-in nang kong thah lohna thu tawh thei-in na mu ding hi. Kei thah dingin nong zon’ hangin nang tungah ka khial kei hi.

Isaiah 7:19

Tuate khempeuh hong pai-in, keenhawmte sung leh suangpi heengte sung leh lingkung kawmte leh ganhing tatna mun khempeuh ah dim ding uh hi.

Jeremiah 4:29

Sakol tunga tuangte leh thal tawite’ aw a kizak ciangin mi khempeuh galtai mang uh a, gamlak-ah tai-in, suang lakah a kahto uh hi; khuapi khempeuh kinusia khin a, kuamah teeng nawn lo hi.

Jeremiah 6:9

A vanglian Topa in kei hong hopih-a, “Lenggah lo-a a sanghte a kilawh kik bangin Israel mi a omlai sun teng losiang vet in,” hong ci hi.

Jeremiah 49:5

En in, a vanglian Topa Pasian in kong cih-inah, na kim na pam panin nang tungah gimna kong tung sak ding hi. Nang hong kihawlkhia ding a, mi khempeuh amau’ tum ciatin a tai kek ding uh a, hong kaikhawm kik ding kuamah om lo ding hi.

Kah la 4:18

Galte in hong vilsim uh ahih manin kongzing lakah ka vakkhia ngam kei uh hi. Ka hun uh a beita hi. A beina hun a tung zo hi.

Hosea 10:10

Hih mi mawhte thuhilh nadingin daan ka pia ding a, a thuap thuap-a a mawhna hangun thuhilh nadingin minam dangte in amaute hong sim ding uh hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Kah la 4:19

Mu ak bawh sanga manlang zawin, amaute in a hong delh uh hi. Amaute in mualtung panin hong nawhsuk uh a, theihkholh lohin a hong man khin uh hi.