Jeremiah 15:4 - Tedim Bible

⁴ Judah kumpipa Hezekiah’ tapa Manasseh in Jerusalem khua-a a bawl thu hangin leitung gam khempeuhte’ lau nadingin ka koih ding hi.

Tedim Bible Revision 2017

⁴ Judah kumpi Hezekiahʼ tapa Manasseh in Jerusalem khua ah hih bangin a bawl thu leitung gam khempeuhte in mu-in a lau ding uh hi.

Jeremiah 15:4 Referans Kwoze

Jeremiah 24:9

Amaute ka hawlkhiat nading mun khempeuh mite in kihaamsiatna a, a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Jeremiah 29:18

Amaute namsau, kialpi leh pulnatna tawh ka nung delh ding a, ka hawlkhiat nading mun khempeuh ah mite in kihaamsiatna-a a zat dingun simmawhna leh zahkonate ka thuaksak ding a, amaute’ thuakna hangin leitung gam khempeuh ka lausak ding hi.

Ezekiel 23:46

“Topa Pasian in hih bangin ci hi: Amaute lausak gawpin a nate uh a sut gawp dingin mihon khat pai sak in.

Thu-hilhkikna 28:25

“Topa in na galte uh mai-ah note hong lel sak ding hi; amaute do dingin lam khatah na kuan ding uh a, amau mai-ah lam sagih ah na taikeek ding uh hi; leitung kumpi gamte khempeuh muhna ah note in a cikzet-huai na hi ding uh hi.

Jeremiah 34:17

Tua ahih manin Topa in kong cih-inah “Mi khempeuh in na sanggam na mipihte uh khahkhia loin suahtakna pia lo-a ka thu hong mang lo na hih uh leh en un, Topa in kong cih-inah, note kong khahkhia-a, suahtakna kong pia ta hi. Namsau tawh kithahna, pulnatna leh kialpite tawh na sih nadingun note kong khah khia a, kong suaktasak hi. Leitung gam khempeuhte’ hong lipkhap dingin kong bawl ding hi.

2 KUMPI NIHNATE 21:2

Topa in Israel mite’ mai-ah a hawlkhiat minamte’ gamtatna a kihhuaite mah bangin Topa’ muhna ah amah in a sia gamta hi.

Siampi Laibu 26:33

Keimah in minamte lakah note kong thehthang ding a, keimah in namsau a paai panin dokin note kong delh ding hi; na leitang uh gamkhing hi ding a, na khuapite uh a sia hi ding hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 9:16

Amaute le a pute a pate’ theih ngei lohna gamdangah ka kithehthang sak ding a, a sih khit dong uh namsau ka nungdelh sak ding hi,” a ci hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

2 KUMPI NIHNATE 21:1

Manasseh in uk ding a kipatin kum sawm-le-nih pha a, amah in Jerusalem ah kum sawmnga-le-nga sung uk hi. Ama nu’ min in Hefzibah ahi hi.

2 KHANG TANGTHU NIHNATE 33:1

Manasseh in uk ding a kipatin kum sawm-le-nih pha a, amah in Jerusalem ah kum sawmnga-le-nga sung uk hi.

2 KHANG TANGTHU NIHNATE 33:2

Topa in Israel mite mai-ah a hawlkhiat minamte’ zat a kihhuai gamtatnate mah bangin, amah in Topa’ muhna ah a sia gamta hi.

Ezekiel 18:19

“Ahi zongin, ‘Bang hangin a pa’ mawhna a tapa in thuak lo ding ahi hiam?’ nong ci kha ding hi. A tapa a hoih, a manin a gamtatna hang ahi hi. Amah in ka thukhamte kemin hoih takin zui hi. Tua ahih manin pel loin amah nungta ding hi.

2 KUMPI NIHNATE 21:15

bang hang hiam cih leh amaute in a pu a pate uh Izipt panin hong paikhiat akipan tu ni dongin keima muhna ah a sia gamta-in kei hong hehsak uh hi,” a ci hi.