Jeremiah 15:21 - Tedim Bible

²¹ Mi gilote’ khut sungpan nang kong suahtak ding-a mi lauhuaite’ khut kol pan nang kong tankhia ding hi,” hong ci hi.

Tedim Bible Revision 2017

²¹ Migiloteʼ khut sung panin nang kong suaktasak dinga, mi lauhuaiteʼ khut sung panin nang kong hon khia ding hi,” a hong ci hi.

Jeremiah 15:21 Referans Kwoze

2 KORIN NIHNA 1:10

Tua Pasian in tua zah-a lian sihna sung pan hong gumkhia a, hong gumkhia lai ding hi.

Jeremiah 50:34

Ahih hangin amaute a Tankhiapa hat a, a vanglian Topa kici hi. Amah in leitungah kilemna a om nading leh Babilon mite in gimna a ngah nadingin, amaute adingin a sem ding hi.

Isaiah 54:17

nangmah do nading a, a kibawl hiam peuhmah mavang lo ding a, thukhenna sungah nangma langa a pang mi khempeuh na nial gawp zo ding hi. Hih in, Topa’ nasemte’ gamluah leh keima kiang pan-in amaute’ dikna a kilahna ahi hi, Topa in ci hi.”

Isaiah 29:20

Bang hang hiam cih leh kampauna tawh a khialh nadingun mite bawlin, kongtual sungah mi a panpihpa thang siahin, a thuman mipa pen zuau teci tawh a thutanna a heikhia, thukhual lo mite beimang in, mi a thu sim lo mite bei-in, siatna hih ding a sawm mite khempeuh kisusia ding hi.

Late 37:40

Amaute in Topa bel ahih manin amah in amaute huhin honkhia hi; migilote kiang panin amaute honin suaktasak hi.

Late 27:2

Ka langpangte leh ka galte ahi, siatna bawlte in hong do a, kei hong gensiat ciangun, amaute kisuikha-in puk ding uh hi.

Piancilna 48:16

siatna khempeuh panin kei hong tankhia vantungmi in hih tangvalte thupha pia in; amaute' sungah keima' min leh ka pa Abraham leh Isaak’ min kizomsak in; leitung laizang ah amaute mi honpi khatin khangsak in,” ci hi.

ROM (Romans) 16:20

Nopna hong pia Pasian in a sawt loin note khe nuai uh ah Satan a bawlsia ding hi. Eite Topa Zeisu Khazih’ hehpihna thupha in note tungah om ta hen.

Mattiu 6:13

Kheemna hong thuaksak kei in. Gilopa kiang pan hong honkhia in,” ci-in tua bangin thu na ngen un,

Isaiah 29:5

Ahih hangin nangma gal honpite leivui neel leeng bang ding uh a, thukhual lo mi honpite ansi leeng bang ding uh hi. Tua ciangin tomkha sungin thakhat thu-in,

Late 97:10

Topa in gitlohna a mudahte it a, amah in a mi siangthote’ nuntakna kem hi; amah in migilote khut sung panin amaute honkhia hi.

Isaiah 49:26

Nang hong nengniam mite pen amau’ satak mah ka ne sak ding a, zukham bangin amau’ si mah kham ding uh hi. Tua ciangin, kei pen, Jakob’ Vanglian Pa, nang hong Tankhiapa, nang hong Honpa Topa ka hihna mi khempeuh in thei ding hi,” a ci hi.

Isaiah 60:16

Nupi khat in a ta nawi pia-in limtakin a kep bangin, ninamte leh kumpite in nang hong vakin hong kem ding uh hi. Tua ciangin kei pen Topa, nangmah Honpa, nangmah Tankhiapa, Jakob’ Vanglian Pa ka hihna na thei ding hi.

Jeremiah 16:1

Topa in kei hong hopih a,

Jeremiah 20:13

Topa’ tungah la sa un la, Topa phat un! Mi gilote’ khut sung pan amah in mi cimawhte a honkhia hi.

Jeremiah 31:11

Bang hang hiam cih leh Topa in Jakob ka tankhia khin zo a, a zawhzawh loh khutte sung pan ka lakhia khin zo hi.

Jeremiah 38:28

Tua hi a, Jerusalem khua a kilak ciang dong Jeremiah zong thong huang sung mahah a om lai hi.

Jeremiah 39:11

Babilon kumpipa Nebukhadnezzar in Jeremiah’ thu tawh kisai-in kumpi cing galkap mangpa Nebuzaradan thu pia a,

Jeremiah 39:12

“Jeremiah la un. Limtak-in kem un la, bawlsia kei un. Ama’ deih bangbangin na gamta un,” a ci hi.

Daniel 3:17

Mei phualpi sung panin hong honkhia thei pasian a om leh ka biak ka Pasian uh hi ding a, na khut sung panin a hong honkhia ding hi.

Daniel 3:25

“Tua ahih leh bang hanga meikuang sungah mihing li a kawi paipai mu ka hi hiam? Amaute lah kihen cip lo a, liam zong liam tuak beek lo uh hi — a lina penpa hoh pasian khat tawh a kibang hi,” ci-in a dawng hi.

Jeremiah 26:24

Ahih hangin Shafan’ tapa Ahikam in Jeremiah hu ahih manin mite’ khut sungah kipia loin thahna a thuak kei hi.