Jeremiah 15:19 - Tedim Bible

¹⁹ Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Tedim Bible Revision 2017

¹⁹ Tua ahih manin Topa in, “Na hong kilehkik leh kong koihna ngei ah kong koihkik dinga, ka na na semkik ding hi. Thu manpha lo gen loin thu manpha bek na gen leh, ka kamsang dingin ka hong zang ding hi. Nang kiangah amaute hong pai ding uh a, nang na hih leh amauʼ kiangah na pai kei ding hi.

Jeremiah 15:19 Referans Kwoze

Zekhariah 3:7

Vanglianpen Topa in hih bangin ci hi: “Ka thukhamte zui a, kong sawl thute na sep leh, ka biakinn sung leh biakinn huang sung teng na uk ding a, hih ka kianga om vantungmite’ thu ka ngaih bangin nangma thu zong ka ngai ding hi.

Luka 21:15

Bang hang hiam na cih uh leh, na galte khempeuh un hong nial theih loh hong sel theih loh nadingin gen theihna kam leh pilna note kong pia ding hi.

Siampi Laibu 10:10

Note in a siangtho leh a mawkmawk, leh a nin leh a siang a khen ding na hi uh hi;

Ezekiel 44:23

“Amaute in ka mite tungah, biakna na a siangtho leh a mawkmawk nate, leh a nin leh a siang nate a kilamdan’na hilh ding uh hi.

Ezekiel 22:26

A siampite un ka thukham palsatin, a siangtho biakna nate ninsak uh hi. A siangtho biakna nate leh a mawkmawk nate khenna mel nei lo uh a, a tate uh tungah a siang leh a nin a kilamdan’na zong hilh lo uh hi. Sabbathte zong donin nei lo uh hi. Tuate khempeuh hangin Israel mite in kei hong zahtak lo uh hi.

Juda 1:24

Note na kipuk loh nadingun hong kemin, mawhna om loin, lungdam mahmahin note ama’ minthan’na mai-ah hong koih thei, i Topa Zeisu Khazih hangin eite’ Honpa Pasian khat bek tungah minthan’na, thupitna, vangliatna leh ukzawhnate tu-ma hun khempeuh, tu laitak leh a tawntungin om ta hen! Amen.

Galati 1:10

Tu-in keimah in mi’ deihna zui ka hi hiam? Ahih kei leh, Pasian’ deihna zui ka hi hiam? Mite’ pahtak ding hanciam ka hi hiam? Mite’ pahtak nading hanciam ka hih leh, Khazih’ sila ka hi kei hi.

Hebru 5:14

Ahih hangin an tak in a sia a pha khen theihna pilna a nei, zakna muhnate zangin zongsang a, amau leh amau a kiseksa, a picing mite’ ading ahi hi.

Sawltak 20:27

Bang hang hiam na cih uh leh, Pasian’ thu buppi note kiangah gen dingin ka pelh kei hi.

Luka 10:16

Note thu a ngaite in ka thu a ngai hi. Note hong nolhte in kei zong hong nolh hi. Kei hong nolhte in kei hong sawlpa zong a nolh hi,” ci-in Zeisu in a gen hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Paikhiatna 4:12

Tua ahih ciangin tu-in pai in, keimah in na thugenna-ah kong huh ding a, na thugen ding nang kong hilh ding hi,” ci hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Luka 12:12

Bang hang hiam na cih uh leh, na gen ding uh thu tua hun lai takin, Kha Siangtho in hong hilh ding hi,” ci-in a gen hi.

Luka 1:19

vantungmi in, “Keimah in Pasian kiangah a ding Gabriel ka hi hi. Nangmah hopih a, hih lungdamna thu hong zasak dingin hong sawl hi.

Jeremiah 20:9

Keimah in, “Ama’ thu ka gen kei ding a, ama’ min ka lo nawn kei ding hi,” ci mah taleng zong, ama’ thu ka lungsim sungah meikuang bangin hong om a, ka guh ka tang sungah kikhum cip ahih manin ka ki-ip ipna-in ka gim lua a, gen loin ka om thei kei hi.

Galati 2:5

Thuman thu ahi Lungdamna Thu in nomau sungah kip-a, a om nadingin kote in tua mite thu mitphiat sung nangawn ka mang ka ngai kei uh hi.

Luka 21:36

Ahih hangin, note in hong piang ding tua thute khempeuh tawh na kipelh theih nading uh leh, Mihing Tapa mai-ah na din’ theih nadingun a tawntungin thungen un la, na ngak ta un,” ci-in a gen hi.

Paunak 22:29

Ama nasepna-ah a siam mahmah mi na thei kha hiam? amah in mi mawkmawkte’ na sem lo ding a, kumpite’ na sem ding hi.

1 KUMPI MASATE 17:1

Tu-in Gileah gamsung Tishbe khua panin Tishbe mi Elijah in Ahab kiangah, “A mai-ah ka din’na Israel Pasian, Topa in a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

2 KORIN NIHNA 5:16

Tua ahih ciangin tu-a kipan kote in ci-le-sa pawlte ngaihsunin kuamah ka thei kei uh hi. Ci-le-sa pawlte ngaihsunin Khazih ka theih ngei uh hangin tu-a kipanin tua bang ka thei ngei nawn kei uh hi.

Jonah 3:2

“Kithawi in la, a lian mahmah Nineveh khuapi-ah va pai-in kong gen sa thu va tangko in,” a ci hi.

Jeremiah 4:1

Topa in, “Israel mite aw, na kilehkik uh leh kei’ kiangah hong kilehkik un. Na kihhuainate uh kei kiang pan na paihkhiat uh a, na tai kawikawi kei uh leh,

Jeremiah 6:29

Nakpi takin pum a kizap hangin a ninte tui thei loin luangkhia lo hi. Pum a kizapzap hangin a mawkna a suak hi, bang hang hiam cih leh mi gilote om lai veve hi.

Jeremiah 35:19

a vanglian Topa, Israel mite’ Pasian in kong cih-inah: Rekhab’ tapa Jonadab’ suante’ lak panin ka mai-a a ding ding ka nasem ding pasal khat beek nei loin a om ngei kei ding hi, hong ci hi,” ci-in a gen hi.

Kah la 1:11

Amaute in thuum kawmsa-in annek zong dingin a paikhia uh hi. A nuntak theih nadingun a sum a pai uh tawh an a khek uh hi. Khuapi in “Hong en in Topa aw, ka thuakna teng hong mu in” ci-in a kiko hi.

Siampi Laibu 14:57

bang hunin nin a, bang hunin siang hiam ci-a lah nading ahi hi. Hih in phak natna tawh kisai-in ngeina ahi hi.

Jeremiah 1:9

Tua ciangin Topa in a khut tawh hong zam phei-in ka muk hong lawn sak-a hong hopih hi. “En in, ka thute na kam sungah kong koih khin zo hi.