Jeremiah 15:18 - Tedim Bible

¹⁸ Bang hangin ka natna dai thei lo a, ka liamna dam thei loin dam ding ut lo ahi hiam? Kei adingin nang, tui a kang lui tawh kibangin hong lungkia sak ding na hi hiam?

Tedim Bible Revision 2017

¹⁸ Bang hangin ka natna dai thei lo a, ka liamna dam thei lo a, dam nuam het lo ahi hiam? Tui a kang lui tawh kibangin lungkiatna hong thuaksak ding na hi hiam, ka ci hi.

Jeremiah 15:18 Referans Kwoze

Jeremiah 30:15

Bang hangin na sa-in kapkap na hi uh hiam? Na natna uh a dam thei ding hi lo hi. Na khialhnate uh lian lua-in, na mawhnate uh nasia lua ahih manin hih bangin note kong thuak sak hi.

JOB (Job) 34:6

kei thuman napi thuzuau genin hong seh hi, kei khial lo napi-in gimna thuakin ka cimawh hi,’ a ci hi.

Micah 1:9

Bang hang hiam cih leh Samaria’ meima kidamsak thei lo a, Judah in zong tua bangmah a thuak ding ahi ta hi. Ka mite’ teen’na Jerusalem khua kongpi mahmah, tua siatna in hong ban ta hi.

Jeremiah 30:12

“Bang hang hiam cih leh Topa in kong cih-inah: Na liamna uh dam thei lo a, na meima uh nasia mahmah hi.

Jeremiah 20:7

Topa aw, kei nong khem a, khemna ka thuak takpi hi. Kei sangin nang na hatzaw a, keimah nong zo hi. Ni simin mite’ nuihsat lel ka hi a, Mi khempeuh in hong zahko uh hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Jeremiah 14:3

Uliante in a nasemte uh tui tawi dingin sawl uh a, tuikhuk a zuat uh leh tui na om lo hi. A beel hawm uh tawh hong kilehkik uh a, lungkhamin cih nading thei loin a lu uh puan a khuh uh hi.

Late 6:3

Ka hin’ gim mahmah hi. Topa— bang tanvei hong sawt lai ding na hi hiam?

Micah 1:14

Tu-in no Judah mite aw, Moreseth-gath khua, mangpha khak un. Israel kumpite tungah Akzib khua in a zuauthei khat ahi hi.

JOB (Job) 14:11

Gun tuite leh tuipi tuite a kan hun om thei ding hi.

Jeremiah 20:18

Gimna leh dahna mu ding leh ni sim-a maizum den dingin bang hangin a gil sung panin suak khia sese ka hi hiam?