Jeremiah 15:17 - Tedim Bible

¹⁷ Mi gualnuam mawkmawkte tawh ka kikhawl kei a, zong ka lungdam kei hi. Nangmah in na khut ka tungah hong nga-in, hehna tawh hong kidimsak na hih manin, kei guak bek ka tu hi.

Tedim Bible Revision 2017

¹⁷ Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka om den hi.

Jeremiah 15:17 Referans Kwoze

Kah la 3:28

Gimna i thuak ciangin damtakin tu hithiat-in i thuak zo ding hi.

Late 1:1

Mi nuamsa i cih in, migilote’ thu a zui lo mi, mimawhte’ lampi-a ding lo mi, mi a thusim lote’ phual-a tu lo mi;

2 KORIN NIHNA 6:17

Tua ahih ciangin: “Tua mite lak pan paikhia un la, a tuamin om un. A siangtho lote na lawng kei un.

Jeremiah 13:17

Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Jeremiah 6:11

Tua ahih ciangin Topa aw, na hehna tawh ka dim a, ka thuak zo nawn kei hi,” ka ci hi. Tua ciangin Topa in hong hopih-a, “Ka hehna kongzing lak-a naupangte’ tungah bua in la, tangvalte’ kikhopna-ah zong bua in. Papite leh nupite zong kilakhia ding a, pitek putekte zong a kipai khiatpih ding hi.

Late 102:7

ihmu thei loin ka om a, innkhum dawn-a vasa khatguak om tawh ka kibang hi.

Daniel 7:28

Hih tangthu a beita hi. Hih thu ka ngaihsut ciangin kei, Daniel ka lau mahmah a, ka meel a daang gawp hi. Ahih hangin hih thu keima lungsim sung bekah ka koih hi.

Jeremiah 16:8

Pawi kibawlna innah na pai kei ding a, amau tawh nekhawm dawnkhawm dingin na tu kei ding hi.

Jeremiah 1:10

Gam khempeuh leh kumpi khempeuhte’ tungah a botkhia ding leh a phelkhia dingin ahi zongin, a susia ding leh a suankhia dingin ahi zongin, a lam ding leh a phut dingin ahi zongin, tu ni-in za, nang kong pia zo hi,” hong ci hi.

Zekhariah 1:12

Tua ciangin Topa’ vantungmi in, “Vanglianpen Topa aw, Jerusalem khuapi leh Judah gam khuapite tungah kum sawmsagih sung na heh khin ta hi. Amaute hehpih loin bang tan vei om lai ding na hi hiam?” ci hi.