Jeremiah 15:15 - Tedim Bible

¹⁵ Topa aw, nang’ na thei hi, hong phawk in la, hong veh in; kei hong bawlsiate tungah phu hong laksak in. Hong thuak in kei hong lakhia kei in la, nangma’ hangin minsiatna thuak ka hih lam hong thei in.

Tedim Bible Revision 2017

¹⁵ Tua ciangin keimah in: Topa aw, nang na thei hi. Hong phawk inla hong veh in. Kei a hong bawlsiate tungah phu hong laksak in. Ka galte tungah na lungduaina hangin keiʼ sih nading piangsak kei in. Nangma hangin min siatna a thuak ka hih lam hong thei in.

Jeremiah 15:15 Referans Kwoze

Jeremiah 12:3

Ahih hangin Topa aw, nangmah in kei nong thei a, ka gamtatnate nong mu a, nang bang zah-a hong it cih nong entel hi. Amaute gawh dinga kikoih tuu bangin kaikhia in la, a kigawh ni a tun’ mateng tuam koih in.

Luka 21:17

Keima min hangin mi khempeuh in note hong mudah ding uh hi.

Jeremiah 20:12

A thuman mite a en tel, lungsim leh ngaihsutna a mu a vanglian Topa aw, amaute na thuh kikna hong musak in. Bang hang hiam cih leh nangma’ kiangah ka thu kong ap khin hi.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Nehemiah 13:22

Tua ciangin sabbath ni a siangtho-in a omsak theih nadingun amaute kisian’suah tawmin kongpite hong cin’ nadingun Levi mite ka sawl hi. Ka Pasian aw, hih thu ah zong hong phawk in la, na itna tawh kizui-in siatna panin kei hong pengsak in.

Mattiu 10:22

Keima min hangin, mite khempeuh in note hong mudah ding uh hi. A tawp dongin a thuak zote in gupna a ngah ding uh hi.

Jeremiah 20:8

Bang hang hiam cih leh thu ka gen simin, “Ngongtatna leh kisiatna!” ci-in ka kiko den hi. Bang hang hiam cih leh Topa’ kammal ka genkhiatna hangin ni simin simmawhna leh zahpihna ka thuak lawh hi.

Late 119:84

Na nasempa in bang tanvei ngak lai ding ka hi hiam? Kei hong bawlsiate cik ciangin thu khen ding na hi hiam?

Late 106:4

Topa aw, nangma teel mite’ daupaina ka muh theih nading, nangma minamte’ kipakna sungah ka lungdam theih nading, nangma luahte tawh ka minthan’ khawm theih nadingin, na mihingte tungah maipha na lah ciangin kei hong phawk in la, amaute na hotkhiat ciangin kei hong huh in.

Nehemiah 5:19

Pasian aw, hih mite’ adingin ka bawlna khempeuh kei’ adingin a hoih lamin hong phawk in.

Mangmuhna 18:20

Vantung-a kipan misiangthote, sawltakte, kamsangte aw, tua khuapi hangin nuam un! Bang hang hiam na cih uh leh, Pasian in note tawh kipawlin ama tungah thu a khen zo hi!” a ci hi.

Mangmuhna 6:10

Amaute in zong, “A siangtho, a dik Vanglianpen Topa aw, leitungah a om mite, kote’ sihna sisan hangin thu khenin daantat loin bang tan vei sawtpi na om ding hiam?” ci-in nakpi a kiko uh hi.

2 TIMOTI NIHNA 4:14

Sumsungpa Alekzander in keimah tungah a hoih lo tampi hong bawl hi. Amah in a hihna bangin ama tungah Topa in a thuk ding hi.

2 KORIN NIHNA 5:11

Tua ahih leh, Topa kihtakna kote in thei-in midangte ka zol lai takun Pasian mai-ah ka kilang uh hi. Note lungsim mai-ah zong ka kilang uh hi ci-in ka um uh hi.

ROM (Romans) 12:19

Ka itte aw, midangte in note tungah hong khialh leh, a mawhna na thuk kei un. Pasian’ hehpihna na pia un. Bang hang hiam na cih uh leh, “Thukkikna in keima aa ahi hi. A mawhna tawh kituakin ka thuk ding hi, Topa in a ci hi,” ci-in Lai Siangtho in a gen hi.

Mattiu 19:29

Kei min hangin a inn, a sanggampa, a sanggamnu, a nu a pa, a tate, tua teng a nusiate khempeuh in a zah zakhat ngah a, nuntak tawntungna a luah ding uh hi.

Jeremiah 15:10

Gimna ka thuak hi, ka nu aw, gamsung khempeuh-a mite tawh kitawng kisel ding a, kei nong suahsak se se! Ka sumte kuamah lah leitawi sak loin kuama’ aa lah leitawi lo napi a vekpi-un kei hong haamsiat teitei uh hi.

Isaiah 38:3

“Topa aw, lungsim khempeuh leh thuman tak tawh nangma mai-ah gamta-in, nangma muhna ah a hoih nate ka sepna thu, tu-in nong phawk nadingin kong thuum hi,” a ci hi. Hezekiah nakpi takin kap hi.

Late 102:24

Keimah in, “Khang tawntungin a kip ka Pasian aw, kei hong khan’sih sak kei in!” ka ci hi.

Late 39:13

Ka man’than’ hun matengin ka lungnop theih nadingin kei hong en kei in!”

Late 17:3

Keima lungsim hong sin in la, zan-in nangmah ka kiangah hong hawh in la, keimah hong ze-et lecin, ka sungah gitlohna na mu kei ding hi; ka kam in khial lo hi.

JOB (Job) 10:7

Ka mawh lohna na thei a, nang kiang panin kei hong hon ding a om lohna na theihsa mah ahi hi.

Nehemiah 13:31

Tua ciangin a kiseh hunin zat dingin cih ding sing tawh biakna leh anpal tawh biak nading ka vaihawmsak hi. Ka Pasian aw, a hoih lamin kei hong phawk in.

Nehemiah 6:14

Ka Pasian aw, amau’ sepnate’ hangin Tobiah leh Sanballat thei in la, keimah lausak dingin a hanciam kamsangnu Noadiah leh kamsang dang khempeuh zong thei in.

ROM (Romans) 8:35

Khazih hong itna tawh eite kua in hong kikhensak zo ding ahi hiam? Gimna, kahna, bawlsiatna, gilkialna, puan neih lohna, kihtakna, namsaute in Khazih hong itna tawh eite hong kikhensak thei ding hiam?

Thukhente 16:28

Tua ciangin Samson in Topa samin, “Topa Pasian aw, kei hong phawk in, kong thuum hi, tu-a ka mittang nihte’ tang dingin Filistia mite ka thuk theih nadingin hong thahat sak in, tu-a bek kong thuum hi,” a ci hi.

Late 44:22

Nangma hangin sunthapai-in kote hong kithat a, gan gote tuu gawh ding bangin hong kikoih hi.

Jeremiah 15:20

Hih mite tungah sumngo tawh a kibawl khua kulhpi kong bang sak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding leh a hong suahtak dingin nang kong om pih hi, Topa in kong ci hi.

Jeremiah 20:11

Ahih hangin Topa in a kihtak huai gal hangpa bangin, kei tawh hong omkhawm gige hi. Tua ahih manin kei hong bawlsiate a tuk ding uh a, kei hong zo lo ding uh hi. A tawntunga a mindaina uh kimangngilh ding hi.

Jeremiah 18:23

Ahih hangin Topa aw, amaute in thah dinga a hong sawmna uh nang na thei hi. Amau’ khialhna na maisak kei in la, nangma’ muhna panin amau’ mawhnate phiatmang sak kei in. Nangma’ mai-ah amaute guallelsak in la, na heh ni mahin hih ek in.

Kah la 3:64

Topa aw, amau gamtatna bangin thukkik in.

Kah la 3:66

Amaute delh kek in la, leitung panin nuaimang gawp in.