Jeremiah 15:11 - Tedim Bible

¹¹ Topa aw, amaute’ hoih nadingin nang tungah kong thuumsak kei a, gimna leh haksatna hun ciangin ka galte adingin nang tungah kong ngetsak kei leh tua haamsiatnate kei tungah hong tung ta hen!

Tedim Bible Revision 2017

¹¹ Topa aw, amauteʼ hoih nadingin nang tungah kong thumsak kei a, gimna le haksatna hun ciangin ka galte adingin nangʼ tungah kong ngetsak kei leh tua amauʼ hong hamsiatnate keiʼ tungah hong tung tahen!

Jeremiah 15:11 Referans Kwoze

Paunak 16:7

Topa’ deih bang-a gamtatna in, galte nangawn lawm-a kaih zawhna hi.

Late 106:46

Amaute a man mi khempeuhte in a khasiatpih zah dong dingin amah in amau tungah a piangsak hi.

Jeremiah 37:3

Zedekiah kumpipa in kamsangpa Jeremiah’ kiangah, Shelemiah’ tapa Jehukal leh Ma-aseiah’ tapa siampipa Zefaniah sawl a, “Topa i Pasian’ kiangah kote’ adingin thu hong ngetsak in,” ci-in a gen sak hi.

Thuhilh-sia 8:12

Mawhnei khat in zavei dong siatna bawl napi-in, a khan’ sau veve hi. Ahi zongin, “Pasian a zahtakte adingin, thu khempeuh nuam ding hi.

Jeremiah 42:2

kamsangpa Jeremiah’ kiangah, “Kong thuumna uh hong ngai in la, hih a hong kinusia teng adingin Topa na Pasian’ kiangah, thu hong ngetsak in. Bang hang hiam cih leh khat vei lai-in mi tampi ka hih uh hangin tu-in nong muh mah bangin, mi tawmno khat bek ka hi ta uh hi.

Jeremiah 21:2

“Kote adingin Topa’ kiangah thu hong dot sak in. Babilon kumpipa Nebukhadnezzar in hong sim hi. Topa in a nalamdangte khat kei tungah hong sem leh amah a kilehkik sak kha thei ding hi,” ci-in a dong sak hi.

Paunak 21:1

Topa’ khut sungah kumpipa om a, lo sunga tui lak bangin a deihna peuhah hei kawikawi thei hi.

Late 138:3

Nang kong sap ciangin kei nong dawng a, na thahatna tawh kei nong thakhauhsak hi.

Isaiah 41:10

nang tawh hong om ka hih manin lau kei in, na Pasian ka hih manin lungkia kei in; nang hong thakhauh sakin kong huh ding a, nang hong hu-in ka dikna khut taklam tawh kong honkhia ding hi.

Jeremiah 37:17

kumpipa Zedekiah in a samsak hi. Kumipa in zong a inn sungah samin, “Topa’ hong thugenna kam khat beek a om hiam?” ci-in a dong sim hi. Jeremiah in zong, “Om mah hi,” a cih khit ciangin, “Babilon kumpipa’ khut sungah nang hong kipia ding hi,” a ci hi.

Jeremiah 38:14

Kumpipa Zedekiah in kamsangpa Jeremiah a vaikhak a, Topa’ biakinn lutna kongkhak tumna-ah a sam hi. Kumpipa in Jeremiah kiangah, “Thu khat kong dong ding hi: bangmah hong im kei in,” a ci hi.