Jeremiah 15:10 - Tedim Bible

¹⁰ Gimna ka thuak hi, ka nu aw, gamsung khempeuh-a mite tawh kitawng kisel ding a, kei nong suahsak se se! Ka sumte kuamah lah leitawi sak loin kuama’ aa lah leitawi lo napi a vekpi-un kei hong haamsiat teitei uh hi.

Tedim Bible Revision 2017

¹⁰ Gimna ka thuak hi; ka nu aw, gam sung khempeuh a mite tawh a kitawng a kiseel dingin kei nong suaksak hi. Ka sumte kuamah lah leitawisak loin kuama-aʼ lah leitawi la lo napi, a vekpi-un kei hong hamsiat teitei uh hi.

Jeremiah 15:10 Referans Kwoze

Luka 6:22

Mite in Mihing Tapa hangin note muhdah uh a, hong hawlkhiat uh a, hong kosiat uh a, na min uh hong siatsak ciangin, thupha na ngah ding uh hi.

Paikhiatna 22:25

“Note tawh a om, a zawng keima' mite khat peuhpeuh' tungah sum leitawi na piak uh leh, ama' tungah sum leitawi a piapa bangin na om kei ding uh a, ama' tung panin a meet na dok kei ding uh hi.

Luka 2:34

Simeon in amaute thupha a piak khit ciangin a nu Mari kiangah, “Hih naungeek in Israel mi tampite kipuk nading ahi zongin, thawh nading ahi zongin, mi tampi a lungngaihna a kilat nading ahi zongin, nialna a thuak nading lim a pian’ nading ahi zongin a kikoih hi.

Mattiu 24:9

“Tua ciangin amaute in note hong bawlsiat nadingun hong pia ding uh a, hong that ding uh hi. Keima min hangin mi khempeuh in note hong mudah ding uh hi.

Mattiu 5:44

Ke’n kong cih-inah vantungah a om na Pa uh Pasian’ tate na suah nadingun na galte na it un. Hong bawlsiate ading thu na ngetsak un.

Jeremiah 15:20

Hih mite tungah sumngo tawh a kibawl khua kulhpi kong bang sak ding a, amaute in a hong sim uh hangin a hong zo kei ding uh hi. Bang hang hiam cih leh a hong honkhia ding leh a hong suahtak dingin nang kong om pih hi, Topa in kong ci hi.

Paunak 26:2

Thu om lopi-in hong kisamsiatna in bangmah hong cih thei lo a, khawlna mun mel a nei lo a lengsuk a lengto Phialphiah tawh kibang lel hi.

Late 109:28

Amaute in kei hong samsiatsiat hen, ahih hangin nangmah in kei thupha nong pia ding hi. Ka langte zahhuaisak in la, na nasempa keimah hong kipaksak ta in!

Late 15:5

a meet-in ama sum kha lo a, thutangte’ lang ah golhguk a la lo mi ahi hi. Hihte khempeuh a hih mi pen liing ngei lo ding hi.

1 KUMPI MASATE 22:8

Tua ciangin Israel kumpipa in Jehoshafat kiangah, “Topa thu i dot theih ding, Imlah’ tapa Mikaiah kici mi khat om lai hi; ahih hangin amah in kei’ thu a hoih gen ngei loin a sia gen ahih manin amah ka mudah hi,” a ci hi. Tua ciangin Jehoshafat in, “Kumpipa in tua bangin ci kei in,” a ci hi.

1 KUMPI MASATE 21:20

Ahab in Elijah kiangah, “Ka galpa aw, kei hong mu na hi hiam?” a ci hi. Amah in dawngin, “Topa muhna ah a sia gamta dingin nangmah kipia tawm na hih manin nangmah kong mu hi.

Siampi Laibu 25:36

Na sanggampa uh no kiangah hong ten’ theih nadingin ama tung panin ameet akhang la kei un la, na Pasian uh zahtak un.

Sawltak 28:22

Ahih hangin hih biakna in gam khempeuh ah kosiatna a thuak cih thei ka hih manun, na upna thu nangma kiang pan ka ngai nuam uh hi,” a ci uh hi.

Siampi Laibu 25:37

Note in ama tungah a meet-in sum leitawi pia loin, ama tungah a meet-in na an uh zong na pia kei ding uh hi.

Late 69:4

Thu omlopi-a kei hong mudah mi, ka lu tunga samzangte sangin tamzaw uh hi; kei hong susia ding, zuauthu tawh hong dote hat mahmah uh hi. Kei’ guk lohpi, ke’n loh ding ka hi hiam?

Habakkuk 1:3

Bang hangin hih bang siatnate leh lungkhamnate hong musak na hi hiam? Kisuksiatna leh kisukgawpna in hong umcih a, kitotna leh kiseelna, mun citeng ah om hi.