Jeremiah 15:1 - Tedim Bible

¹ Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Tedim Bible Revision 2017

¹ Tua ciangin Topa in kei hong hopih a, “Moses le Samuel nangawn ka mai ah hong dingin hong thum uh zongin hih mite ka hehpih tuan kei ding hi. Ka muhna panin hawl khia unla, pai khiasak un.

Jeremiah 15:1 Referans Kwoze

Ezekiel 14:14

Noah, Daniel leh Job, hih mihing thumte nangawn, amaute’ lakah a om hi leh, amaute’ hoihna in amau’ nuntakna ciat bek mah suaktak zo ding uh hi. Topa Pasian in ci hi.

Jeremiah 14:11

Topa in kei hong hopih a, “Hih mite’ thupha ngah nadingin thu hong gen nawn kei in.

Jeremiah 11:14

“Tua ahih manin Jeremiah aw, hih mite ading thungetsak kei in la, amau’ taangin thuumsak kei in. Bang hang hiam cih leh amau gim ngah a, hong sap uh ciangin ka ngai kei ding hi.

Late 106:23

Tua ahih ciangin amaute a suksiat nading a hehna panin a heikhia dingin ama mai-ah a teelpa Moses ding hi kei leh—amaute ka susia ding hi, amah in ci hi.

Late 99:6

Moses leh Aaronte in ama siampi hi uh a, amah a biate lakah Samuel zong kihel hi. Topa tungah amaute kiko uh a, amah in amaute a dawng hi.

1 SAMUEL MASA 12:23

Tua tham loin kei zong, note adingin Topa tungah thunget lohna tawh ka na khial het kei ding hi; keimah in a hoih a man lampite note kong hilh ding hi.

2 KUMPI NIHNATE 17:20

Tua ciangin Topa in Israel suan-le-khakte khempeuh nialin amaute gimsak a, ama muhna panin amaute a paihkhiat dongin a siasak mite khut sungah amaute pia hi.

1 SAMUEL MASA 7:9

Tua ahih ciangin Samuel in nawi a ne lai tuuno khat la-in Topa tungah a bup-a meihal biakna-in pia hi; Israelte’ adingin Topa tungah Samuel kiko a, Topa in amah na dawng hi.

Jeremiah 52:3

Topa in Jerusalem khua leh Judah mite ama’ kiang panin a hawlkhiatna zah ding dongin a hehna a lian hi. Zedekiah kumpipa in Babilon kumpipa a langpan’ hi.

Jeremiah 23:39

en un, keimah in note leh na pu na pate ka piaksa khuapi ka domto ding a, ka omna panin ka lawnkhia taktak ding hi.

Jeremiah 18:20

Hoihna pen siatna tawh a kituak ding mah ahi hiam? Ka kiat nadingin dum a to uh hi. Nangma mai-ah kong ding a, amau ading thuhoih kong gensak a, na hehna amau tungah na tun’sak loh nading kong gennate hong phawk in.

Jeremiah 15:19

Tua ahih manin Topa in, “Nong kilehkik leh kong koihna ngei ah kong koih ding a, ka na na semkik ding hi. Thu manpha lo gen loin thu manpha na gen leh, ka kamsang-in kong zang ding hi. Amaute nang kiangah hong pai ding uh a, nang na hih leh amau’ kiangah na pai kei ding hi.

Paunak 14:35

A hoih-a gamta mite tungah kumpipa lungdam a, a gina-a gamta lote daan pia hi.

Hebru 9:24

Tua mah bangin a siangthona mun taktak lim ahi, mi khut tawh kibawl a siangtho mun sungah Khazih tum lo hi. eite taang dingin tu-in Pasian mai-ah a pumpi a lah nadingin vantungah a tum hi.

Jeremiah 35:19

a vanglian Topa, Israel mite’ Pasian in kong cih-inah: Rekhab’ tapa Jonadab’ suante’ lak panin ka mai-a a ding ding ka nasem ding pasal khat beek nei loin a om ngei kei ding hi, hong ci hi,” ci-in a gen hi.

Thukhente 5:9

Mite lak panin utna tawh amau a kipia tawm Israel a ukte lamah ka lungsim pai hi.

Piancilna 19:27

Topa mai-ah a dinnasa munah zingsang tungin Abraham va pai hi;

Zekhariah 3:3

Joshua ahih leh vantungmi’ mai-ah ding a, puan a nin mahmah silh hi.

Thu-hilhkikna 9:26

Topa tungah thu ka ngen a, ‘Topa Pasian aw, nangmah in na liatna tawh na tatkhiatsa, a vangliatna tawh Izipt panin na paikhiatpih ahi na mite leh na luahte susia kei in.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte’ adingin Topa tungah thungen in; bang hang hiam cih leh ka khialhnasate uh banah kote adingin kumpi khat ngenin hih siatna ka behlap lailai uh hi,” a ci uh hi.

Jeremiah 9:19

Bang hang hiam cih leh Zion khua pan-a kiza kahna aw ging in, ‘I kisia khin zo hi! I zumhuai mahmah khin zo hi; bang hang hiam cih leh amau in i innte hong suksiat sak uh ahih manin, i gam i nusia ding hi,’ ci-in a gen hi,” a ci hi.

Jeremiah 10:18

Bang hang hiam cih leh Topa in, “En un, tu-in hih gam sunga teeng mite ka lawnkhia ding a, a theih nadingun a tung uhah lungkhamna ka tungsak ding hi,” a ci hi.

Jeremiah 16:5

“Bang hang hiam cih leh Topa in kong cih-inah, mi’ kahna inn sungah lut kei un la, thuum-in kuamah va kah se kei un. Bang hang hiam cih leh lungnopna lianpi leh ka hehpihna hih mite kiang panin ka lakhia khin zo hi, Topa in kong ci hi.

Jeremiah 16:13

Tua ahih manin hih gam panin note leh na pu na pate un na theih ngei nai loh uh gamah kong nawhkhia ding hi. Tua lai-ah sun-le-zan-in pasian dangte’ na na sem niloh ding uh hi; bang hang hiam na cih uh leh note kong ang-van nawn kei ding hi,” a ci hi,’ na ci ding hi.

Jeremiah 22:28

Jekoniah in kuama’ deih loh a kipaimang beel kitam tawh kibang ahi hiam? Bang hangin amah leh a tate kilawnkhia a, a theih loh gamah kipaai mang ahi hiam?

Ezekiel 22:30

Keimah in ka hehna tawh ka suksiat ding hun ciangin kulh a ciang zo ding, kulh a kicipna munah a ding zo ding, leh gamsung a hu zo ding mi khat amaute lakah ka zong a, ahi zongin tua bang ding mi khat beek ka mu kei hi.

Jeremiah 14:12

An a tan’ uh hangin amau’ thuumna ka ngai kei ding a, meihal biakna leh an tawh biaknate hong piak uh hangin ka sang kei ding hi. Amaute namsau tawh ahi zongin, kial tawh ahi zongin, pulnatna tawh ahi zongin ka sisak zaw ding hi,” hong ci hi.

Hosea 9:15

Topa in hih bangin gen hi. Amau’ gamtatsia khempeuh Gilgal phual pan akipan hi a, tua mun-a kipanin amaute ka muhdah a kipan ahi hi. Amaute’ gamtatsiatna hangin ka gam sung panin ka hawlkhia ding hi. Amaute ka it nawn kei ding hi. A uliante un kei hong langpang uh hi.