Jeremiah 14:9 - Tedim Bible

⁹ Bang hangin mi lungkia gawp bangin omin, a honkhia thei lo galkappa bangin om na hi hiam? Ahih hangin Topa aw, kote’ laizangah nangmah na om-a, nangma’ min-in kote hong kisam hi; hong nusia kei ta in,’ hong ci uh hi.”

Tedim Bible Revision 2017

⁹ Bang hangin mi lungkia gawp bangin omin, a hon khia thei lo galkap pa bangin om na hi hiam? Ahih hangin Topa aw, koteʼ laizang ah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Jeremiah 14:9 Referans Kwoze

Isaiah 63:19

Kote pen, nangmah in cik mah a, na uk ngei loh mite, nangma mi ahi ngei lo mite tawh a kibang ka suakkhin uh hi.

Isaiah 59:1

En un, a honkhia zo lo dingin Topa a ban tom lo a, khua a za thei lo dingin a bil ngong lo hi;

Jeremiah 15:16

Na thute in kei hong kem a, an bangin ka ne hi. Na thute kei adingin kipahna leh lungdamna ahi hi. Bang hang hiam cih leh nangma’ min-in kei hong kilo hi, Aw, Topa, a vanglian Pasian aw,

Late 46:5

Ama laizangah Pasian om a, amah a kiliing kei ding hi; Pasian in phalvak tungin amah huh ding hi.

Gamlak-vakna 11:23

Topa in Moses kiangah, “Topa’ hih theih ding zah kiciangtan sa na hi hiam? Ka thugen a manin hong tun’ leh hong tun’ loh tu-in na mu ding hi,” a ci hi.

Hebru 13:5

Sumduh luatna tawh na kipelh un. Na neihsa zah uh sum tawh lungkim un. Bang hang hiam na cih uh leh, “Keimah in nang kong paisan ngei kei ding hi, zong kong nusia ngei kei ding hi,” ci-in Pasian in hong gen zo hi.

2 KORIN NIHNA 6:16

Pasian’ biakinnpi in milimte tawh bangci kizom thei ding hiam? Bang hang hiam cih leh, eite in a nungta Pasian’ biakinnpi i hi hi. Pasian’ thupiakna in: “Amaute sungah ka teeng ding a, amau sungah ka vak kawikawi ding hi; Amau Pasian ka hi ding a, amaute in zong keima mi ahi ding uh hi,” a ci hi.

Mangmuhna 21:3

Kumpi tokhom sung pan zong, “En in, Pasian buk mite lakah om a, amah in amaute tawh a omkhawm ding hi. Amaute in zong Topa’ mipawlte suakin, Pasian mahmah in amaute tawh omkhawmin amaute Pasian ahi ding hi.

Zekhariah 2:5

Tua khuapi a hu dingin meikulh bangin Topa mahmah a om nading, leh tua khua sungah a minthan’na tawh a teen’ nading thu, Topa in kamciam zo hi, ci-in va gen in,” a ci hi.

Jeremiah 8:19

Ngai un, gamsung mun khempeuh panin ka mite’ tanute kap uh hi: “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawng kik a, “Bang hangin a milim bawl tawmte uh leh a gamdang milimte uh tawh kei hong hehsak uh ahi hiam?” a ci hi.

Isaiah 51:9

Khanglo in, Khanglo in, thakhauh in, Topa’ khut aw; khang sawtpi, hun lui lai-a bangin na vangliatna zangin hong huh in. Rahab a satzan gawppa, gulpi a sunpa nangmah hilo na hi hiam?

Isaiah 12:6

Zion-a teeng mite aw, nomau’ lakah Israelte’ Siangtho Pa lianin om ahih manin awng un la, lungdamin la sa un,” a cih hun uh hong tung ding hi.

Late 27:9

Kei kiang panin na maitang seel kei in. Hehna tawh na nasempa hawlkhia kei in, kei hong huh ngeipa na hi hi. Hong paaikhia kei in la, hong nusia kei in, ka kihotkhiatna Pasian aw!

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

Thu-hilhkikna 23:14

Bang hang hiam cih leh note hong hon ding leh note mai-a na galte uh hong pia dingin Topa na Pasian uh na giahphual laizang uhah hong pai hi; tua ahih ciangin note lakah a kilawm lo nate a muh loh nading leh note kiang panin amah a paikhiat loh nadingin na giahphual uh siangtho ding hi.

Sawltak 15:17

A sia gawpsate zong, ka bawl kik khit ciangin Ka dingsak kik ding hi,

Ezekiel 48:35

Khuapi kimkot a sauna tong tul sawm leh tul giat pha a, tu-a kipanin hih khuapi min in, ‘Hih lai-ah Topa om hi,’ (Jehovah Shammah) kici ding hi,” hong ci hi.

Habakkuk 1:2

Topa aw, bang tan vei huhna hong ngen ding a, hong za lo niloh ding na hi hiam? Gimna thuak ung, ci-in bang tan vei hong kiko ding a, hong hon loin om niloh ding na hi hiam?

Thu-hilhkikna 28:10

Topa’ min tawh note hong kisapna thu leitung mi khempeuh in thei ding uh hi; amaute in note hong kihta ding uh hi.

2 KHANG TANGTHU NIHNATE 7:14

keima minin a kisam ka mite amau mahmah kiniamkhiatin, thu ngenin ka mai hong zong a, amau’ gitlohnate panin a kihei uh leh, tua ciangin keimah in vantung panin ka za ding a, amaute’ khialhna maisakin a leitang uh ka hoihsak kik ding hi.

Late 10:1

Topa aw, bang hanga gamla din’ na hi hiam? Haksat hunin bang hanga nang bu khong na hi hiam?

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Kah la 5:20

Bang hanga sau veipi hong pampaih na hi hiam? Kote hong phawkkik nawn lo ding na hi hiam?

Zekhariah 8:3

Ka khuapi Zion ah ciahkikin Jerusalem ah ka teeng ding hi. Tua ciangin Jerusalem pen a citak khuapi ci-in minthang ding a, Vanglianpen Topa’ mual in mual siangtho kici ding hi.