Jeremiah 14:21 - Tedim Bible

²¹ Nangma’ min hangin kote hong nolh kei in; a vanglian na tokhom mindai sak kei ta in. Kote tawh nong thuciamna phawk in la, hong ciam pel kei ta in.

Tedim Bible Revision 2017

²¹ Nangma min na khualna-in kote hong nolh kei inla, a vanglian na tokhom mindaisak kei ta in. Kote tawh nong thuciamna hong phawk inla, hong ciampel kei ta in.

Jeremiah 14:21 Referans Kwoze

Jeremiah 14:7

Ka mite in kei tungah, “Topa aw, ka mawhna-un in kote’ lang khatah hong pang ahi ta zongin, nangma’ min hangin hong hehpih in. Kote in tam veipi kong nungngat uh a, nang tungah kong khial zo uh hi.

Late 106:45

Amaute ading a ngaihsutna-in ama thuciamna a phawk a, ama itna kip lianpi tawh kizui-in a kolsak hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Jeremiah 17:12

I biakinnpi in a kipat cila mual tunga om a minthang kumpi tokhom tawh kibang hi.

Mangmuhna 11:2

Biakinnpi pua lamah a om gawl sung teh kei in, siit in. Bang hang hiam na cih leh, tua gawl sung mun Gentailte ading a kipia zo hi. Amaute in Khuapi Siangtho zong kha sawmli leh kha nih tawntung a sik gawp ding uh hi.

Efesa 2:7

Bang hang hiam na cih uh leh, Khazih Zeisu hangah eite hong hehpih a, a kicing mahmah ama hehpihna thupha a nung ciangin a kilatsak nading ahi hi.

Luka 21:24

Amaute in tem tawh sihna a thuak ding uh a, gam khempeuh ah salin kipaipihna a thuak ding uh hi. Gentailte’ hun a cin’ matengin, Gentailte in Jerusalem khuapi khe tawh a tuancil ding uh hi.”

Luka 1:72

A siangtho ama kamciamsa thu a ngaihsut nading ahi zongin, i pu i pate tungah hehpihna thupha hong bawl nading ahi zongin,

Amos 6:8

Topa Pasian thupi takin kiciam khin a, Topa, mihonte’ Pasian in hih bangin ci hi: Israelte’ kiphatsakna ka hua a, a munmuanhuaite uh ka mu nuam kei hi. Tua ahih manin a khuapi leh a sunga om teng, galte khut sungah ka pia ding hi.

Daniel 9:7

Topa aw, nang na hih leh na dik a, ahih hangin kote ka hih uh leh a zumhuai-in ka gamta uh hi. Judah gam leh Jerusalem khua sunga teeng Israel mite khempeuh na tungah hong thuman lo uh ahih manin, a nai a gamla gam tuamtuamah na thehthang zo hi.

Ezekiel 43:7

“Ezekiel aw, hih lai munah ka kumpi tokhom om hi. Israel mite lak hih lai munah ka teeng ding a, amaute ka uk tawntung ding hi. Israel mite leh a kumpite un pasian dang biakna tawh ahi a, a kumpi sisate uh phawk nading mual bawlna tawh ahi zongin ka min siangtho daisak ngei nawn lo ding uh hi.

Ezekiel 39:25

Topa Pasian in kei kiangah, “Tu-in Jakob suan leh khakte saltan’na panin ka pikhia kik ding a, Israelte khempeuh ka hehpih ding a, amaute a cithei-in ka bawl kik ding hi. Keima min siangtho ka hu ta ding hi.

Ezekiel 24:21

Israel mite kiangah hih bangin thu gen in hong ci hi. Ama cihna in: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nung-a a om lai na tate uh, namsau-in si ding uh hi, ci hi.

Kah la 2:20

Topa aw hong en in. Na bawlsiat mite hong en dih in. Nupite in a it a tate’ sa uh ne tanghial uh hi. Siampite leh kamsangte in Biakinnpi sung mahmah ah thahna thuak uh hi.

Kah la 1:10

A galte in a neih a lam khempeuh a laksak hi. Biakinnpi sungah lut uh a, Topa in Gentailte pai nading a khamna munah a lut uh a mu uh hi.

Jeremiah 14:19

Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Late 106:40

Tua ciangin ama mite tungah Topa’ hehna hong kikuantawh a, amah in ama luah minamte a kih hi;

Late 51:11

Na omna panin kei hong paikhia kei in la, kei kiang panin na Kha Siangtho la kei in.

Thu-hilhkikna 32:19

“Topa in tua thu thei a, a tapate leh a tanute in hehsak ahih manin tua ama tate a nolh hi.

Siampi Laibu 26:11

Keimah in note lakah omna ka bawl ding a, keimah in note kong kih kei ding hi.

Paikhiatna 32:13

Amaute' tungah nangmahmah kiciamin amaute' tungah, ‘Na suan-le-khakte uh vantung aksi bangin tamsakin, keimah in ka ciamsa hih leitang khempeuh na suan-le-khakte uh' tungah ka pia ding a, amaute in luah tawntung ding uh hi,’ na cihna na nasemte Abraham, Isaak leh Israel phawk in,” a ci hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim sak hi.

Late 25:11

Topa aw, ka mawhna lian ahih manin, nangma min hangin keima mawhna hong maisak in.

Late 145:11

Amaute in na kumpi a minthan’na genin, na vangliatna thu sut ding uh a,

Isaiah 62:6

Jerusalem aw, na kulhte tungah galvilte ka koih khin hi; sun tawntung leh zan tawntungin amaute tawlnga ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitungah phatna-in a bawl kik matengin amaute tawlnga lo ding uh hi.

Ezekiel 20:22

Ahi zongin tua bangin hih leng, Izipt gam panin Israel mite ka pai khiatpih hong mu mite lakah ka min dai ding ahih manin amaute ka susia kei hi.