Jeremiah 14:19 - Tedim Bible

¹⁹ Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.

Tedim Bible Revision 2017

¹⁹ Topa aw, nangmah in Judah gam nial siang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Dam nading hun ka lamen uh a, lauhuaina bekbek ka mu uh hi.

Jeremiah 14:19 Referans Kwoze

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

Jeremiah 8:15

Nopna i zonga nopna hong pai lo hi. Cidamna i lamen-a siatna bek i ngah hi.

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Jeremiah 6:30

Amaute a kideih lo ngun a kici ding uh hi, bang hang hiam cih leh Topa in amaute ka deih kei hi.”

Jeremiah 30:13

Note a hong don ding kuamah om lo a, na liamma uh ading zatui om loin, note’ dam nading om lo hi.

Jeremiah 15:18

Bang hangin ka natna dai thei lo a, ka liamna dam thei loin dam ding ut lo ahi hiam? Kei adingin nang, tui a kang lui tawh kibangin hong lungkia sak ding na hi hiam?

Jeremiah 12:8

Ka luah ding a ka teelsa mite in gamlak-a humpinelkai bangin kei’ lang khatah pangin hong hawksan uh a, tua ahih manin ka mudah hi.

Late 78:59

Pasian in a zak ciangin hehna tawh kidim a, amah in Israel nial siangtho hi.

JOB (Job) 30:26

Lungdamna leh khuavakna ka lamet lai takin, lungkhamna leh khuamialna hong tung zawsop hi.

Kah la 4:17

Huhna ngenin ka khawdakdak uh a, khawdak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.

Kah la 2:13

Ka it Jerusalem khuapi aw, bang ci ding ka hi hiam? Bang hong ci hehnep thei ding ka hi hiam? Nang thuak banga thuak kuamah a om kei hi. Na tuahsiatna in tuipi cia pha a, a lamet huai bangmah a om nawn kei hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Jeremiah 8:22

Gilead-ah zatui om lo ahi hiam? Zato siam om lo ahi hiam? Bang hanga ka mite dam thei lo uhahi hiam?

Jeremiah 7:29

Jerusalem mite aw, na lu uh mettol un la, na sam uh paaimang un; mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khin zo hi.

Late 89:38

Ahih hangin tu-in nangmah in amah lawnkhia-in na nial a, na sathau nilhpa tungah hehna tawh na kidim hi.

2 KHANG TANGTHU NIHNATE 36:16

ahih hangin a mite tungah Topa’ hehna a suah ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paaimang ta hi. Ka it mahmah ka mite, a galte’ khut sungah ka pia ta hi.

Micah 1:12

Topa in Jerusalem kulh kongpi ciang dongah, gimna lianpi tungsak ta ahih manin Maroth khuamite in thuhoih lamenin gim uh hi.

Paunak 29:1

Kihilhhilh napi-a a mang nuam lote, bawl phatkik zawh nawn loh dongin kisia ding hi.

Jeremiah 30:12

“Bang hang hiam cih leh Topa in kong cih-inah: Na liamna uh dam thei lo a, na meima uh nasia mahmah hi.

Jeremiah 51:5

Bang hang hiam cih leh Israel leh Judah mite Israel mite’ Siangtho Pa tungah a mawh uh hangin, amaute’ Pasian, a vanglian Topa in taisan nai lo hi.

Kah la 2:22

Kei hong dipkua sak dingin ka galte pawisiim ding bangin na sam a, amaute in hong umcih uh a, na heh ni-in a suakta zo khat beek a om kei hi. Ka hawmthawh ka it ka tate hong thahsak uh hi.