Jeremiah 14:18 - Tedim Bible

¹⁸ Lo lai-ah paikhia leng, namsau-a kithat lumte bekbek ka mu a, khuapi sungah lut leng, kial-a puksite bekbek ka mu hi! Kamsangte leh siampite in koi-ah pai ding cih thei lo pi-in gam sungah an ngenin a vak kawikawi uh hi,’ ci-in va gen in.”

Tedim Bible Revision 2017

¹⁸ Lo lai ah paikhia leng, namsau tawh a kithat mi bekbek ka mu a, khuapi sungah lut leng, kialin a puksite bekbek ka mu hi. Kamsangte le siampite in koi ah pai ding cih thei lopi-in gam sungah an ngenin a vak kawikawi uh hi,’ ci-in va gen in,” hong ci hi.

Jeremiah 14:18 Referans Kwoze

Ezekiel 7:15

Khua pua lamah gal kidona om a, khua sungah cinatna leh gilkialna om hi. Gamlak-a om mi khempeuh gal sungah si ding uh a, khua sunga om khempeuh cina leh gilkialin si ding uh hi.

Kah la 1:20

Topa aw, ka thuaknate, ka lung gimnate hong en in. Ka mawhna hangin dah ka hih manin ka lungtang a kitam hi. Kongzing lakah kithahna om a, innsung nangawn ah sihna a om hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Jeremiah 6:13

Bang hang hiam cih leh a neupen pan a lianpen dongin, thuman lopi tawh sum zongin a huaiham uh hi. Kamsangte-a kipan siampite dongin thuman lo khin uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Thu-hilhkikna 28:36

“Note leh na pu na pate un a theih ngei nai loh minam khat kiangah Topa in note leh note tungah na koih uh na kumpipa hong tun’pih ding hi; tua lai-ah sing leh suang tawh a kibawl pasian dangte’ na na sem ding uh hi.

2 PETER NIHNA 2:3

Amaute huaiham luatna in zuau thu genna tawh note hong kheem ding uh hi. Amaute tungah thukhenna in tang lai-a kipanin ol lo, zekai lo a, amaute kisiatna in zong a ihmu kei hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Kah la 4:9

Nek ding nei lo-a puksih sangin galsunga site hampha zaw lai hi. Annek ding nei lo-a site a puksi ahi uh hi.

Jeremiah 23:21

Topa in, “Keimah in ka sawlkhiat hi lo napi-in tua kamsangte a kuankhia teitei uh hi. Thu bangmah ka gen lohpi, kei’ min-in thu a gen mawkmawk uh hi.

Jeremiah 2:8

Siampite in, ‘Topa koi-ah a om hiam?’ ci-in dong lo uh hi. Thukham theite nangawn in kei hong thei lo uh hi. Kumpi uliante kei’ tungah hong khial khin uh a, kamsangte in Baal min tawh thu genin, kiman’na nei lo nate’ nung a zui uh hi.

Isaiah 28:7

Hih mite zong leenggahzu tawh hoi-in kham theih zu tawh awn uh hi: siampite leh kamsangte nangawn zu khamin hoi uh hi. Kamsangte in zu kham lua ahih manin Pasian’ muhsak mangmuhnate thei thei lo uh a, siampite in zong zu kham lua uh ahih manin a thukhen dingte uh khen thei lo uh hi.

Thu-hilhkikna 28:64

Topa in leimong khat panin mong khat, minamte’ lakah note hong thehthang ding hi; tua lai-ah note leh na pu na pate un a theih nai loh sing leh suang tawh a kibawl pasian dangte’ na na sem ding uh hi.

Jeremiah 6:25

Gamlakah paikhia kei un la, lampi ah zong pai dah un; bang hang hiam cih leh i galte in namsau a tawi uh a, i kimkot khempeuh lauhuai khin hi.

Amos 4:6

Na khuapi khempeuh uhah kial tungsakin, an nek ding nei loin note a hong koihpa in keimah hi napi-in, keima lamah nong kihei tuan kei uh hi, Topa in ci hi.

Kah la 2:19

Zanin tho themthum in la, Pasian tungah kiko in. Na tate in hehpihna ngah nadingin na lungsim khempeuh pia in. Kongzing khempeuh ah naupangte puksi khin dektak uh hi.