Jeremiah 14:16 - Tedim Bible

¹⁶ A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Tedim Bible Revision 2017

¹⁶ A hilh uh mite in zong kial le namsau thuakin amaute a kipan a zite uh, a tapate uh le a tanute uh Jerusalem khua kongzing lakah kipaithang dinga, kuamah in a vui kei ding hi. Bang hang hiam cih leh amauʼ gitlohna amauʼ tung mahah ka buak suk ding hi,” hong ci hi.

Jeremiah 14:16 Referans Kwoze

Jeremiah 7:33

Misiluangte huih laka leeng vasate leh leitunga om ganhingte’ an suak ding uh a, tuate a delhmang ding kuamah om lo ding hi.

Paunak 1:31

na gamtatna bangun na thuak ding uh a, nomau’ gamtatna mah in note hong gimsak ding hi.

Jeremiah 18:21

Tua ahih manin a tate uh kial tawh puksi sak in la, amaute namsau-in si sak in. A zite uh tasel sak in la, meigong suaksak in. A pasalte uh pulnatna tawh si sak in la, a tangvalte uh gal sungah namsau tawh kithatlumsak in.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Mangmuhna 16:1

Tua vantungmi sagihte kiangah, “Note pai un la, Pasian’ hehna hai sagihte leitungah bua un,” ci-in biakinnpi sung pan nakpi kiko aw ka za hi.

Mattiu 15:14

Tua mite amau ut bangin om sak un. Amau in mittaw lamhilhte ahi uh hi. Mittaw leh mittaw lam kihilh leh, a nih un leihawm sungah a kiakhawm ding uh hi,” a ci hi.

Jeremiah 9:22

“Topa in, ‘Gamlaka kitha ek bangin misiluang a kipaaithang ding a, buhlom atsa kinusia bangin kuamah in a khawm kei ding hi,’ ci-in a gen hi, va ci in,’ hong ci hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Jeremiah 4:18

Na lungsim leh na gamtatnate hangin hih thu nang’ tungah hong tung hi. Hih in nangma’ gitlohna hang hi a, kha-in na lungtang hong vut hi.”

Isaiah 9:16

bang hang hiam cih leh hih minam a makaihte in lam khialsak a, amaute’ makaite in lampialsak uh hi.

Isaiah 51:20

Na mite gim khin a, ngenthang sunga sanang a awk bangin lamlian kiu khempeuh ah amaute lum uh hi; Topa’ hehna, na Pasian’ taiina amaute in thuak uh hi.

Jeremiah 8:1

“Tua hun ciangin, Topa in kong cih-inah, Judah gam kumpite’ guhte uliante’ guhte, siampite’ guhte, kamsangte’ guhte le Jerusalem khuamite’ guhte a han sung uh panin kilakhia ding a,

Jeremiah 8:2

amaute in a it uh, a na a sepsak uh, a delh uh, a zon’ uh leh a biak uh ahi ni leh kha leh van-a om nate khempeuh’ mai-ah a kipho khia ding hi. Tua guhte kikhawm nawn loin a kiphum nawn kei ding a, lei laka ek kinusia bang ahi lel ding hi.

Jeremiah 27:15

Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Ezekiel 39:14

Kha sagih a cin’ khit ciangin, a gam sung teng uh a siangthosak theih nadingun a kimangngilh kha siluang hawmte zongin a phum dingin gam sung tengah a zong kawikawi ding mi pawlkhat seh ding uh hi.

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Jeremiah 9:20

Numeite aw, Topa’ kammal ngai dih un, a kam pan-a hong gingkhia thu na bil uhah lut sak un; na tanute uh kahdan hilh un la, na inn vengte ciat uh kah la hilh un.

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.