Jeremiah 14:15 - Tedim Bible

¹⁵ Tua ahih ciangin ka sawl lohpi, ‘Hih gam sungah namsau ahi zongin, kial ahi zongin hong tung lo ding hi,’ ci-a kei’ min suanga thu a gen kamsangte tawh kisai-in Topa in ka cih-inah, namsau leh kial tawh hih kamsangte a si khin ding uh hi.

Tedim Bible Revision 2017

¹⁵ Tua ahih ciangin ka sawl lohpi, ‘Hih gam sungah namsau ahi zongin, kial ahi zongin hong tung lo ding hi,’ ci-in keima min suangin thu a gen kamsangte tawh kisai-in Topa in ka cih in ah, namsau le kial tawh hih kamsangte a si khin ding uh hi.

Jeremiah 14:15 Referans Kwoze

Ezekiel 14:10

Kamsangpa leh kamsang thu a dongpa a daantuahna uh kibang ding hi.

Mangmuhna 19:20

sahang tawh, sahang mai-ah nalamdangte lakin, sahang ciamtehna nei-in, sahang milim a bia uh mite a kheem, a zuau kamsangpa in kimatna a thuak khit ciangin, amau nih in kat meiphual sungah a hing tangin kikhiatna a thuak uh hi.

Amos 7:17

Amaziah aw, tua bangin kampau na hih manin Topa in nang kiangah, “Na zi pen khua sungah numei paktat suak ding a, na tate, gal sungah si ding uh hi. Na gam kiphelkhamin midang tungah kipia ding a, lawkite gam sungah nang na si ding hi. Israel mite, gal matin kipai khiatpih ding hi,” ci hi,” a ci hi.

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh hi; kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi, Topa in kong ci hi.

Jeremiah 6:15

Hih a kihhuai nate a sep uh ciangin a maizum beek uh hiam? Maizum beek lo uh hi, kisuang thei beek lo uh hi. Tua ahih manin a site’ lak mahah amau zong a si ding uh a, ka daantah ni ciangin a kilawnkhia ding uh hi,” Topa in hong ci hi.

1 KUMPI MASATE 22:25

Tua ciangin Mikaiah in, “En in, nangmah a bu dingin inndei sungnung ah na pai ni ciangin na mu ding hi,” a ci hi.

Jeremiah 23:30

Tua ahih ciangin, en un, Topa in kong gen-inah, ka thu gente khat leh khat tung pana a gusim kamsangte’ langkhat-ah kei ka pang hi.

Jeremiah 27:15

Topa in kong cih-inah, keimah in amaute ka sawl kei hi. Ahih hangin amaute in kei’ min tawh a man lopi-in thu hilh uh a, tua hangin note leh note’ kianga thu hong hilh kamsangte kong hawlkhia khawm ding a, na si ding uh hi,” ci-in ka gen hi.

Kah la 1:19

Ka kipawl pihte ka sapsap hangin a hong huh nuam kei uh hi. A nuntak nading uh an a zon’na lamun siampite leh makaite kongzing lakah a si uh hi.

Kah la 2:20

Topa aw hong en in. Na bawlsiat mite hong en dih in. Nupite in a it a tate’ sa uh ne tanghial uh hi. Siampite leh kamsangte in Biakinnpi sung mahmah ah thahna thuak uh hi.

Ezekiel 13:14

A tungtham na zut uh kulh sukhamin, thehthangin, a bul dawksak ding a sawm ka hi hi. Tua bangin ka suksiat ciangin note a hong deng lum ding hi. Tua ciangin Topa ka hihna thu mi khempeuh in thei ding uh hi.

Ezekiel 14:9

Kamsang khatpeuh peuh kikhemin a man loin thu hong dawn’ leh, Topa ahi keima’ khem hi ding hi. Israel mite lak panin tua kamsangpa ka la khia ding hi.

Micah 3:5

Sum a pia zo mite kiangah thunuam gen a, a pia lo mite kiangah, gal tuah ding a gen, kamsangte in mite lam khialsak uh hi. Topa in tua bang kamsangte kiangah,

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

Jeremiah 8:13

Topa in kong cih-inah, amaute ka susia khin ding a, a lote uhah lenggah a om nawn kei ding hi; thei in zong gah a nei nawn kei ding hi. A tehte nangawn a keu ding a, amaute ka piaksa nate a bei ding hi.

Ezekiel 13:9

Zuau thu tawh maangmu kineihin, mite a khialh theih nadingin zuau thu a gen khol no kamsangte daan a hong pia ding ka hi ta hi, Ka mite a kikhop uh ciangin tuate lakah na kihel kei ding uh a, Israel mite’ min a kigelhna lakah note’ min kigelh lo ding hi. Na gam uhah na ciahkik ngei kei ding uh hi. Tua ciangin Topa Pasian ka hihna thu na thei ding uh hi.

Ezekiel 13:15

Tua bangin kulh leh a zut note in ka hehna na thuak ding uh hi. Tua ciangin keimah in, ‘Tu-in kulh maimang ta a, tua mah bangin kulh a zut mite—

Ezekiel 33:6

Ahi zongin galvilpa in galte hong pai mu napi-in patau kohna peengkul a tum kei a, galte hong pai-in mi a thah leh, tua a site amau’ mawhna hangin a si ahi hi. Ahi zongin amaute’ sihna sisan pen galvilpa ka ngawh ding hi.