Jeremiah 14:14 - Tedim Bible

¹⁴ Tua ciangin Topa in, “Tua kamsangte in kei’ min suang-in zuauthu hong gen uh hi. Amaute ka sawl kei a, thu ka pia kei a, zong ka hopih kei hi. Note kianga hong gen uh thute a manlo mangmuhna, bangmah kimang lo aisanna leh amau leh amau’ lungsim kikhem tawmna thute ahi hi.

Tedim Bible Revision 2017

¹⁴ Tua ciangin Topa in, “Tua kamsangte in keiʼ min suangin zuau thu hong gen uh hi. Amaute ka sawl kei a, thu ka pia kei a, zong ka hopih kei hi. Note kiangah hong gen uh thute a man lo maangmuhna, bangmahin a kimang lo aisanna le amauʼ ngaihsut tawm thute ahi hi.

Jeremiah 14:14 Referans Kwoze

Ezekiel 12:24

Israel mite lakah maangmuhna man lo ahi a, genkholhna man lo ahi zongin om nawn lo ding hi.

Jeremiah 29:31

“Sal tang mi khempeuhte kiangah Nehelam khuami Shemai-ah tawh kisai-in Topa in kong cih-inah: Kong sawl lohpi Shemai-ah in note kiangah thu hong gen a, zuauthu hong um sak ahih manin,

Kah la 2:14

Na kamsangte un zuau thu longal thudang gen ding nei lo uh a, a thu hilhna uh khemna thu bek ahih manin, a khial na hih lam uh a hong hilh tel kei uh hi. Amaute in lam hong lak khial uh a, kisikkik theih na’ng hun a hong pia kei uh hi.

Micah 3:11

Khuapi ukte in sumgolh ngah nading bekin thu khenin, siampite in sum ngah nading bekin thu gen uh a, kamsangte in zong sum ngah theih nading bek mahin, mailam thu genkhol uh hi. Tua bang hi napi-in amaute in Topa, muan’in nei uh a, “Topa in eite hong ompih a, i tungah siatna hong tung lo ding hi,” ci uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Ezekiel 21:29

No Ammon mite aw, a siangtho lo, mi gilote, a daantuah nading uh hun tungta ahih manin, sumai gawp un, ci-in a hong hanthawn, na mangmuhnate uh zuaupi hi a, na ai phate uh a mawkna hi.

1 TIMOTI MASA 4:2

amau lungsim uh kisuan’na-ah sik sa tawh ciamtehna a ngah khit uh ciangin, zuauthu a gen thei mite’ simtatna hangin mi kimkhat in upna thu zui nawn loin, a kheem thei khate ahi zongin, dawigilote’ thuhilhna ahi zongin a ngai ding uh a, kiteen’ loh nading ahi zongin, thuman thutak um-a a thei mite in hehpihna phat-a a neek ding uh Pasian’ bawlsa an pawl pawlte tan’ ding ahi zongin, a kham ding uh hi.

Zekhariah 13:3

Mi khatpeuh kamsang a kineih lai teitei leh, a pian’na a nu leh a pa mahmah in kho ding uh a, ‘Topa’ min paulamin zuauthu gen na hih manin na si ding hi,’ ci ding uh hi. Tua bangin thu a gen teitei leh, a nu leh a pa mahmah in tem tawh sun lum ding uh hi.

Zekhariah 10:2

Mihingte in milim peuh, thudotin nei uh a, a thu ngahte uh, zuauthu leh a mawkna hi lel hi. Mang khia thei-a kineite in lamlak khial uh a, amau’ hehnepnate, a mawknapi hi lel hi. Tua ahih manin, tuu bangin mite mangthang uh a, makai a neih loh manun gimna ngah uh hi.

Ezekiel 13:23

Tua ahih ciangin tu-in na zuau maangmuhnate uh leh mi lam a khialsak thei na thugen kholhnate uh bei ta ding hi. Note’ khut sung panin ka mite ka honkhia ta dinga tua ciangin Topa ka hihna thu na thei ding uh hi,” hong ci hi.

Jeremiah 37:19

Nang’ kiang a, ‘Babilon kumpipa in nang leh hih gam hong sim lo ding hi,’ ci-a thu a hong genkhol, na kamsangte tu-in koiah om uh ahi hiam?

Jeremiah 29:21

A vanglian Topa, Israel mite’ Pasian in kei’ min tawh note’ kianga zuauthu a hong hilh Ko-laiah’ tapa Ahab leh Ma-aseiah’ tapa Zedekiah-te tawh kisai-a kong gen-inah: En un, keimah in amaute Babilon kumpipa Nebukhadnezzar’ khut sungah ka pia ding a, amah in no’ muhin amaute a thatlum ding hi.

Jeremiah 28:15

Tua ciangin kamsangpa Jeremiah in zong Hananiah kamsangpa kiangah, “Na ngai in, Hananiah aw! Topa in nang hong sawl lohpi, hih mite zuauthu na umsak hi.

Jeremiah 28:13

“Pai in la, Hananiah kiangah, ‘Topa in hih bangin hong ci hi: Nangmah in sing tawh kibawl hakkol na kuaitan zo hi. Ahih hangin keimah in sik tawh kibawl hakkol khat tawh ka laih ding hi.

Isaiah 9:15

Upate leh a zahtak huai mite pen a lutang hi a, zuauthu a hilh kamsangte pen a mei ahi hi;

1 JOHAN MASA 4:1

Ka itte aw, kha khempeuh um kei un. Khate in Pasian tawh kipawl hiam, kipawl lo hiam dongtelin, en un. Bang hang hiam na cih uh leh, zuauthu a gen kamsang tampi leitungah a paikhia zo uh hi.

Thu-hilhkikna 18:20

Ahih hangin keimah in thu gen dingin thu pia lo napi-in keima min tawh thu a gen kamsangpa hita leh pasian dangte’ min tawh thu a gen kamsangpa hita leh, tua bang kamsangte si ding hi,’ hong ci hi.

Isaiah 56:10

Ama galvilte mit taw uh a, amaute khempeuh in bangmah thei lo uh hi, amaute khempeuh ui a ham thei lote hi uh a, amaute in tawng thei lo uh hi, mot paupau, lum lum, lu su-su-in om nuam sa uh hi.

Jeremiah 8:11

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.

Jeremiah 20:6

Pashhur aw, nang leh na inn sung uh a, omte khempeuh sal dingin Babilon khua-ah na pai ding uh a, tua lai munah nang na si ding hi. Nang leh a man lopi-a na thuhilh a ngai na lawmte khempeuh tawh hong kivui ding uh hi,” a ci hi.

Jeremiah 28:11

Hananiah in zong mi khempeuhte’ om lai takin thu gen a, “Topa in, tu-a bangin Babilon kumpipa Nebukhadnezzar’ hakkol, kum nih sungin gam khempeuhte’ ngawng panin ka kuaihtan sak ding hi, a ci hi,” ci-in a gen hi. Tua ciangin Jeremiah a paikhia hi.

Kah la 2:9

Kulh kongpite cim gawpin lei in vukcip a, kongpi kalhna zawlte a kitan gawp hi. Kumpipa leh miliante salin a om khin uh hi. Thukham kihilh nawn lo a, kamsangte in Pasian kiang pan mang a mu nawn kei uh hi.

Jeremiah 8:10

Tua ahih manin a zite uh midangte ka piaksak ding a, a lote uh zong midangte ka luahsak ding hi. Bang hang hiam cih leh a neupen pan a lianpen dongin thuman lopi tawh sum zongin a huaiham uh hi. Kamsangte akipan siampite dongin thuman lo khin uh hi.

Ezekiel 13:2

“Ezekiel aw, Israel kamsangte mawhsakna gen in. “Topa’ thugen ngai in,’ ci khemin amau’ lungsim bangin thu a gente’ tungah gen in.