Jeremiah 14:11 - Tedim Bible

¹¹ Topa in kei hong hopih a, “Hih mite’ thupha ngah nadingin thu hong gen nawn kei in.

Tedim Bible Revision 2017

¹¹ Topa in kei kiangah, “Hih mite in thupha a ngah nadingin thu hong ngen nawn kei in.

Jeremiah 14:11 Referans Kwoze

Jeremiah 7:16

“Jeremiah aw, hih mite adingin thu ngetsak kei in. Amau adingin kapin kei’ tungah hong thuumsak kei in. Bang hang hiam cih leh nong thuumna kong ngai kei ding hi.

Jeremiah 11:14

“Tua ahih manin Jeremiah aw, hih mite ading thungetsak kei in la, amau’ taangin thuumsak kei in. Bang hang hiam cih leh amau gim ngah a, hong sap uh ciangin ka ngai kei ding hi.

Jeremiah 15:1

Tua ciangin Topa in kei hong hopih a, “Moses leh Samuel nangawn ka mai-ah a hong ding zawzen zongun ka lungsim hih mite lam a nga tuan kei ding hi. Ka muhna panin hawlkhia un la, paikhia sak un!

Paikhiatna 32:10

tua ahih ciangin tu-in amaute'tungah ka hehna so-in amaute ka beisak theih nadingin kei guak hong omsak in; ahih hangin minam lian khatin nang kong bawl ding hi,” a ci hi.

1 JOHAN MASA 5:16

Mi khatpeuh in a sanggampa in sihna thuak ding a kilawm lo mawhna a bawl a muh leh, thungen ta hen. Sihna a thuak ding a kilawm lo mawhna a bawl mite ading Pasian in nuntakna a pia ding hi. Sihna thuak ding a kilawm mawhna a om hi. Tua bang mawhna maisak nading thungen ding ka ci kei hi.