Biblia Todo Logo
Bib sou entènèt

- Piblisite -




Jeremiah 14:10 - Tedim Bible

10 Hih mite tawh kisai-in Topa in hih bangin a gen hi: “Amaute in hih bangin kei kiang panin vakkhia kawikawi nuam uh a, a kidek kei uh hi. Tua ahih manin Topa in amaute ka sang kei a, a khialhnate uh phawk-in, a mawhnate uh ka daantat ding hi.”

Gade chapit la Kopi

Tedim Bible Revision 2017

10 Hih mite tawh kisai-in Topa in thu gen a, “Kei kiang panin amaute vak khia kawikawi nuam uh a, a kideek kei uh hi. Tua ahih manin Topa keimah in amaute ka sang kei a, a khialhnate uh phawkin, a mawhnate uh hangin gim ka pia ding hi,” a ci hi.

Gade chapit la Kopi




Jeremiah 14:10
25 Referans Kwoze  

A gamtatna uh gen theih lohin siahuai uh a, Gibeah khua-a a gamtat ngeite uh tawh kibang hi. Pasian in amau’ mawhnate thei-in daan tat ding hi.


Amaute in gan tawh biak ding utin, a biakna sate ne nuam uh hi. Ahi zongin Topa ahi keimah ka hih leh amaute tungah ka lungkim kei a, amaute’ mawhna phawkin tua mawhnate hangin amaute daan ka pia ding hi. Izipt-ah amaute ka sawl kik ding hi.


Nangma thu ka zuih theih nadingin gamtat sia khempeuh ka pelh hi.


Meihal biakna leh an tawh biakna nong paipih uh hangin, tuate kong sang kei ding a, Thu-nuam-a biakpiak nading a, nong paipih uh a thau mahmah ganhingte zong, et-in ka nei vet kei ding hi.


Bang deihna tawh Sheba gam panin paknamtuite hong pai a, gamlapi panin singnamtui hong tung ahi hiam? Na meihal biaknate uh ka sang kei a, nong thoihnate uh deihhuai ka sa kei hi.


Bang hang hiam na cih uh leh, keimah in amaute mawhnate ka thuak ding hi. Amau mawhnate ka ciamteh kei ding hi, ci-in Topa in thu a pia hi,” a ci hi.


Kuamah in midangte leh a sanggamte uh’ kiangah, ‘Topa thei in,’ ci-in a kihilh nawn kei ding uh hi: bang hang hiam cih leh Topa in kong cih-inah, amaute a neupen panin a lianpen dongin, a vekpi-un kei a hong thei ding uh hi. Bang hang hiam cih leh amaute’ khialhnate ka maisak ding a, amaute’ mawhnate zong phawkin ka nei nawn kei ding hi,” a ci hi.


Ka heh manin daan kong pia kei ding a, no Israelte kong susia kei ding hi. Bang hang hiam cih leh keimah in mihing hi loin, Pasian ka hi hi. Kei a Siangtho Pa note tawh kong omkhawm a, a hehsa-in note kiangah kong pai kei ding hi.


Ka mite in kei kiang panin pial ding ngaihsun tawntung ahih manin amaute in kol bulhna thuak ding uh a, kuamah in a kol sutsak lo ding hi.


Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.


Bang hangin na lungsim khel ziauziau na hi hiam? Assiriate in nang hong maizumsak ngei bangin Iziptte in zong hong maizum sak ding uh hi.


Tua ciangin amah in Elijah kiangah, “Pasian’ mipa aw, kei lang khatah bang thu nei na hi hiam? Ka khialhna kiphawk kiksak ding leh ka tapa’ sihna a piangsak dingin kei kiangah nong pai hi!” a ci hi.


Mi honte’ Topa in hih bangin ci hi, ‘Amaute Izipt panin hong paikhiat lai-in amaute in lampi-ah Israelte a nialna uh hangin Amalek mite daan ka tat ding hi.


Na mawhna na phawk ding bek kisam hi, Topa na Pasian na langpan’na, singliim nuai khempeuh-ah khualmite tawh na khialh kawikawina leh ka thu nong man’ lohnate pulak in, Topa in kong ci hi.


Israel mite in muan’ leh suan’ in amaute nei kik ngei nawn lo ding uh hi. Iziptte a tuahsiat ciangin a suang khial kha ahih lamtak uh Israel mite in a phawk ding uh hi. Tua ciangin Topa Pasian ka hihna thu Israel mite in thei ding uh hi,” hong ci hi.


Amau’ gamtatsiatna khempeuh ka phawk lam tak amaute in ngaihsutin nei kha lo uh hi. Amau’ mawhna in amaute gakcip a, ka muhna mahmah-ah om gige uh hi.


Amaute in kei hong taisanin hong lehdo ding uh ahih manin gimna ngahin siatna thuak ding uh hi. Amaute ka hotkhiat nop hangin amaute in kei hong lehgen zawsop uh hi.


Leitung minam khempeuh lakah note bek hong thei-in, note bek ka hong don hi. Tua ahih manin na khialhna khempeuh uh hangin, note daan ka hong pia ding hi.


Ahih hangin tu-in pai in, nang' tunga kong gensa mun-ah mite paipih in; en in, na mai-ah ka vantungmi pai ding hi. Ahi zongin ka thukkik ni ciangin amau' khialhna amau' tungah ka thuk ding hi,” a ci hi.


Kum sawmli sung tua minam ka kih a, “Amaute in a lungsim sungah a khial mi hi a, amaute in ka thupiakte mang lo uh hi,” ka ci hi.


Swiv nou:

Piblisite


Piblisite