Jeremiah 13:27 - Tedim Bible

²⁷ Na kihhuainate, na ang kawmna, na hukna leh gamlak mual tunga numei paktat banga milim pasian peuh na biak kawikawinate ka mu zo hi. Jerusalem aw, gimna ngah ta in! Na sian’tho nadingin bang tanvei sawt ding ahi hiam?”

Tedim Bible Revision 2017

²⁷ Na kihhuainate, na angkawmna, na hukna le gamlak mual tungah numei paktat bangin milim pasian peuh na biak kawikawinate ka mu zo hi. Jerusalem aw, gimna ngah ta in. Na siantho nadingin bang tanvei sawt ding ahi hiam, a ci hi.

Jeremiah 13:27 Referans Kwoze

Hosea 8:5

Samaria khuapi mite in a biak kham bawngno ka deih kei hi. Tua a bia mite tungah ka heh hi. Amaute in mihoih a suah nading uh bang tan vei ngak lai ding uh ahi hiam?

Ezekiel 24:13

Jerusalem aw, na gamtat hoih lohnate in nang hong ninsak khin hi. A sian’suah dingin kong hanciamciam hangin a nin mahin na om lai veve hi. Ka heh mahmahna na thuak khit matengin na siang kik ngei kei ding hi.

Ezekiel 6:13

Milimte lak leh biakna tau kim-ah siluang hawm kithehthang ding a, mual sang tung teng, mualdawnzang teng, singniim nuai citeng, tawsaw kung lian nuai khempeuh, leh milim biakna-in paknamtui a halna uh mun khempeuh ah siluang hawm om ziazua kawikawi ding hi. Tua ciangin Topa ka hih lamtak mi khempeuh in thei ding uh hi.

Hosea 4:2

Mite in thuciamna bawl napi-in a thuciamte uh palsat uh hi; zuau genin, mi thatin, guta-in, nu-le-pa mawhna bawl uh hi; a sia khat khit a sia khat a ban banin gamta-in a mawhna uh kibehlap lap hi.

Ezekiel 36:37

“Tu-a teng bek hi loin a dang zong ka hih lai ding hi. Keima tung pan Israel mite huhna ka ngensak ding a, tuuhonpi bangin Israel mite ka tamsak ding hi.

Paunak 1:22

”Mihaite aw, bangtanvei hai omom nuam lai na hi uh hiam? Bangtanvei pilna thudon loin om ding na hi uh hiam? Pilna ngaihsutin nei ngei lo ding na hi uh hiam?

Mangmuhna 8:13

Tua lai takin ka et ciangin muvanlai khat in van kim lai-ah leengin, “A om lai vantungmi thumte tum ding peengkulte’ awte hangin leitungah a om mite tungah gimna, gimna, gimna a om ding hi!” ci-in nakpi-a kiko ka za hi.

Jeim 4:4

Apangtatte aw, leitung tawh kipawlna in Pasian tawh kilem lohna ahih lam thei lo na hi uh hiam? Tua ahih leh, leitung tawh a kipawl mi peuhmah in Pasian’ gal a suak hi.

2 KORIN NIHNA 12:21

nidang hunin khialin kihhuai gamtatna, numei tawh mawhna, huk luatna, lan luatnate hih kha-in, tu dongin kisik lo-a om mi tampi hangin lungsim nuam loin ka thuum a, note mai-ah ka Pasian in kei hong niamkhiatin amaute hanga hong kidahsak khak ding ka lau hi.

2 KORIN NIHNA 7:1

Tua ahih ciangin ka itte aw, tua thuciamna eite tawh kikum ahih ciangin i pumpi kihhuainate leh lungsim kihhuainate khempeuh panin kisiangthosakin, Pasian kihta-in, a siangtho gamtatna tawh dimin om ni.

Mattiu 11:21

“Khorazin khuapi aw, nangmah in gimna na thuak ding hi. Bethsaida khuapi aw, nangmah in gimna na thuak ding hi. Bang hang hiam na cih uh leh, note sungah hong kilak vangliatnate in Tai-ar khuapi leh Sidon khuapi sungah kilak ngei leh, amau in sawtpi pekin khautang puan silhin, vut tawh kibuakin a kisik kik zo ding uh hi.

Zefaniah 3:1

Ama mite mah nengniamin, thumang loin a tatsia, Jerusalem khuapi in gimna ngah ding hi.

Hosea 1:2

Topa in Hosea tung tawnin Israelte tungah thu a na gen cil lai-in, amah in Hosea kiangah, “Hih gam mite kei tungah citak loin pasian dangte bia uh ahih manin, nang zong hong tulpih lo ding numei paktat khat ten’pih in la, tua nu tawh ta nei in,” a ci hi.

Ezekiel 36:25

Note tungah tui siangtho kong theh ding a, na milim biakna uh leh note hong ninsak na dang khempeuh panin kong siangsak ding hi.

Ezekiel 24:6

“Topa Pasian ahi keimah in ka gen thu in hih bang ahi hi: Mi thahna tawh a kidim khuapi tu-in a sia ding hita hi! Amah in a kang-op a kinawtkhia ngei lo beel tawh kibang hi. Beel sunga sate khat khatin kilakhia a, a vekpi-in bei khin ta hi.

Ezekiel 20:28

Amaute tungah piak dingin ka ciamna gamah amaute ka paipih hi. Amaute in mual sang ahi a, singniim khatpeuh peuh ahi zongin a muh uh ciangin tua bang mun khempeuh ah biakna pia uh hi. Meihal biakna a piakna uh leh tuiphih biakna a piaknate uh tawh kei hong hehsak uh hi.

Ezekiel 2:10

Tua ciangin tua khut in tua lai kizial hong phel a, a lang nih tuakah lai kigelhin, dahna kahna thu leh thuumna tauna thute vive a kigelh ka mu hi.

Isaiah 57:7

A lian a sang mual tungah nu-le-pa mawhna na bawl uh a, tua munah biakna pia dingin na paito uh hi.

Late 94:4

Gamtatsiate, bang tanvei kihisak lai ding uh a, a siat gamtatna uh bang tanvei kisialhpih lai ding ahi uh hiam?

Jeremiah 3:6

Kumpipa Josiah a maan’ laitakin Topa in kei hong hopih a, “A zulhzau Israel, mual sang tung khempeuh-ah pai a, sing liim nuai khempeuh ah numei paktat banga om kawikawina na mu khin zo hiam?

Late 94:8

Thei tel un, mi lungsim mawl pente aw! Lung pillote aw, cik ciangin pil ding na hi uh hiam?

Jeremiah 11:15

Ka itte in siatna a bawl khit uh ciangin ka biakinn sungah bang thu nei thei nawn ding uh ahi hiam? Nong kamkhapte uh leh na kithoihna sate un na kisiat nading uh hong kipelh sak thei ding ahi hiam? Tua ciangin note na lungdam thei ding uh hiam?

Ezekiel 16:23

Topa Pasian in hih bangin ci hi: Gimna na thuak ding hi. Hih bang siatna nam khempeuh na gamta khin a,

Ezekiel 24:12

Ahi zongin bang zahin hanciamin a kisep hangin, a kang-op in bun lua ahih manin siang zo lo ding hi.