Jeremiah 13:23 - Tedim Bible

²³ Ethiopia mivomte in a vun uh a khek thei uh hiam? Kamkei in a gial a khek thei hiam? A khek theih uh leh siatna bawl ding a zongsang khin note in zong hoihna na bawl thei ding uh hi.

Tedim Bible Revision 2017

²³ Ethiopia mi vomte in a vun uh khek thei a, kamkei in a gial khek thei ahi hiam? A khek theih uh leh siatna bawl ding a zongsang khin note in zong a hoih na bawl thei ding uh hi.

Jeremiah 13:23 Referans Kwoze

Jeremiah 2:22

Vuttui tawh na kisil-a satpiang tampi na zang zongin na mawhna nin ka mu lai veve hi, Topa Pasian in kong ci hi.

Jeremiah 9:5

Mi khempeuh in a innvengte uh khem ciat uh a, thuman gen kuamah om lo hi; a leii uh zuauthu gen dingin kisinsak uh a, mawhna a bawl manun tawllua-in a kisikkik zo nawn kei uh hi.

Jeremiah 17:9

“Lungsim in na khempeuh lakah a khem hatpen hi a, a kisia pha mahmah hi; kua in a thei thei ding hiam?

Jeremiah 5:3

Topa aw, nangmah in thuman en gige hilo na hi hiam? Nangmah in amaute na sat hangin a awlmawh tuan kei uh hi; na sukgawp hangin na thu hilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeremiah 2:30

Na tate uh thu hilh-in ka sat hangin a mawkna suak zo hi, amaute kibawlpha tuan lo uh hi; na namsaute un humpi an zong bangin na kamsangte uh a that khin zo uh hi.

Isaiah 1:5

Bang hangin note hong kisat beh lailai nadingin lehdo teitei na hi uh hiam? Israel aw, na lutang khempeuh liamma dim a, na lungsim leh na ngaihsutna gim mahmah hi.

Paunak 27:22

Mihai khat a sih dek dongin na satsat hangin, a hai ngei mah-in hai veve lai ding hi.

Jeremiah 4:22

Topa in, “Ka mite hai uh a, kei hong thei lo uh hi; naupang haite bang uh a, bangmah thei lo uh hi. Siatna bawl siam bek uh a, hoihna, bawl thei lo uh hi,” a ci hi.

1 SAMUEL MASA 19:21

Hih thu Saul kiangah a kigen ciangin, amah in midang sawl leuleu a, amaute in zong mailam thu mah genin om uh hi. Tua ciangin Saul in mi a thumveina sawl a, amaute in zong mailam thu genin om veve uh hi.

2 KUMPI NIHNATE 17:40

Ahi zongin hih mite in tua thu ngai lo uh a, a ni danga ngeina bangin gamta uh hi.

Thuhilh-sia 1:15

A kawisate kimamsak thei lo a, a om lopi a omin kiseh thei lo hi.