Jeremiah 13:22 - Tedim Bible

²² ‘Bang hang-a hih thute kei’ tungah hong tung ahi hiam?’ ci-a na ngaihsut leh na mawhna a liatluat hang ahi hi. Tua hangin na nik hong kihawk gawp sak a, a hong kibuan gawp hi.

Tedim Bible Revision 2017

²² Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawk gawp a, a hong kibuan gawp ahi hi.

Jeremiah 13:22 Referans Kwoze

Nahum 3:5

Tua ahih manin Vanglianpen Topa in hih bangin ci hi: “Nineveh khuapi aw, daan kong pia ding hi. Na nik kong hawkkhiatsak ding a, minamte in guak tanga na omna hong mu ding a, na zumhuaina teng mu ding uh hi.

Jeremiah 5:19

Na mipihte un, ‘Bang hangin Topa i Pasian in hih bangin ei’ tungah hong bawl hiam? a cih uh ciangin nangmah in, ‘Topa nusia-in na gam sung uhah gamdang pasiante’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Hosea 2:10

Tua ciangin ama it pasal dangte’ muhna-ah a puante hawk khiatsakin a guak tangin ka om sak ding a, kuamah in kei’ khut sung panin amah honkhia zo lo ding hi.

Kah la 1:8

A minthan’na teng a bei hi, a guaktang in om ahih manin a maizum hi. Thuum in tau a, a zum manin a mai a hum hi. Jerusalem in mawhna lian bawl ahih manin a kihhuai mahmah hi.

Jeremiah 13:26

Keimahmah in na nik kong hawksak ding a, kong maizum sak ding hi.

Thu-hilhkikna 7:17

“Na lungsim uhah, ‘Hih minamte ei sangin tamzaw hi; amaute bangci suankhiat theih ding i hi hiam?’ na cih khak uh leh,

Isaiah 3:17

Topa in Jerusalem numeite lutang meima sakin, Topa in amau’ lutang kolhsak ding hi.

Zefaniah 1:12

Tua hun lai takin Jerusalem khua sung, meivak tawh ka zong ding a, thu phawk loin amau’ ngeina bang bangin om cip a, ‘Topa in a pha hita leh a sia hita leh, bangmah bawl ngei lo hi,’ a ci mite, daan ka pia ding hi.

Hosea 12:8

Israel mite in, “Tu-in ka hau uh a, kote’ adingin neihsa tampi ka ngah uh hi,” ci uh hi. Ahi zongin a hauhna teng un a mawhna teng uh loh zo lo hi.

Hosea 2:3

A gamtat hoih lohna khawl kei leh, a nu sung pan a suah lai-in a guaktangin a om mah bangin, a puan teng hawk khiatsakin a guaktangin ka om sak ding a, a keu, bangmah a po zawh lohna gamlak bangin ka bawl ding a, dangtakin a si ding hi.

Isaiah 47:8

Tua ahih ciangin tu-in, a nuam bek a ut, lungmuang tak-a a tu hit-hiat, na lungsim sungah, “Keimah hi’ng, kei sim loh midang om kei’ meigongin om kei ning, ta-khuai cih zong sin kei ning,” a ci khuapi aw, hih thu za in:

Isaiah 20:4

Assiria kumpipa in, Izipt gam mite’ maizumna ahi, a moi a hamin, tangguak kheguakin, tawbo dawksa-in, Izipt mite gal-in manin, Ethiopia mite sal-in manin paikhiatpih ding hi.

Thu-hilhkikna 18:21

Na lungsim sungah, ‘Topa gen a hilo thu bangci theih ding i hi hiam?’ na cih uh leh-

Thu-hilhkikna 8:17

Na lungsim uhah, ‘Ka vangliatna uh leh ka thahatna un hih hauhna hong ngahsak hi,’ ci kha ding na hih manun kingaihsun un.

Jeremiah 14:16

A hilh uh mite in zong kial leh namsau thuak-in amaute-a kipan a zite uh, a tapate uh leh a tanute uh Jerusalem khua kongzing lakah kipaaithang dinga, kuamah in a vui kei ding hi. Bang hang hiam cih leh amau’ gitlohna amau tung mahah ka buaksuk ding hi,” hong ci hi.

Ezekiel 23:26

Na puante hong hawkkhiatsakin, a manpha na kizepnate zong hong laksak ding uh hi.

Hosea 2:5

A nu uh a paktat hi a, tua ahih manin amaute, tua a paai numei in zumna mel thei loin a gamta ahi hi. Amah in, “Ka it pasal dangte kiangah ka pai ding hi; amaute in an leh tui, samul puan leh saihadial puan, leh oliv thau leh zu hong pia uh hi,” a ci zaw lai hi.