Jeremiah 13:21 - Tedim Bible

²¹ Nangma’ lawm ding a, na bawl mite teekteek in nang hong uk ni ciangin bang na ci ding hiam? Numei nau suakte in na a sak uh bangin nang zong na na sa ding hi.

Tedim Bible Revision 2017

²¹ Nangma lawm dingin na bawl mite teekteek in nang hong uk ni ciangin bang na ci ding hiam? Numei nausuakte in na a sak velval uh bangin nang zong na na sa ding hi.

Jeremiah 13:21 Referans Kwoze

Isaiah 13:8

amaute lau ding uh hi. Amaute in gim mahmahna leh nat velvalna thuak ding uh a, numei nausuak ding bangin na sa ding uh hi. Amaute khat leh khat lamdang sakna tawh ki-en ding uh a, a maitangte uh meikuang bang ding hi.

Jeremiah 4:31

Nau suak ding numei kiko bang khat ka za hi, tacil a suak numei khat’ tauna tawh kibang hi. Zion’ tanu husam liang-a a kikona aw hi a, a khut tegel zakin, “Gimna ka thuak ding hi! Kei hong that ding uh hi!” a ci hi.

Jeremiah 38:22

En in, Judah kumpipa’ inn sunga a kinusia numei khempeuh Babilon kumpipa’ uliante kiangah kipaipih uh a, tua numeite in Zedekiah’ kiangah, ‘Na lawm muan’te in hong khem uh a, nang hong zo ta uh hi; na khe buan sungah tum ahih manin, hong nungngat ta uh hi,’ ci-in a gen uh hi.

Jeremiah 5:31

Kamsangte in thuman gen lo uh a, siampite in amau’ ut bangun a uk uh hi; ka mite in phamawh a sa kei sawnsawn uh hi, a tawpna hun hong tun’ ciangin bang na cih ding uh hiam?

Isaiah 10:3

Dan piak ni hun, gamlapi panin siatna hong pai ciangin note in bang cih ding na hi uh hiam! Huhna ngenin kua kiangah tai ding a, na neihsa uh koi-ah koih ding na hi uh hiam?

1 THESALONIKA MASA 5:3

Amaute in, “Nopsakna a om hi, launa om lo hi,” ci-in a gen lai takun, ta gai numei tungah ta suah hun gimna a tun’ bangin amaute tungah kisiatna gal in thakhatin tung ding a, suahtakna neukha beek a ngah kei ding uh hi.

Ezekiel 28:9

Nang hong that ding hong kuan ciangun, kei, pasian bang hi’ng, na ci lailai diam? Nang hong thatte na tuah ciangin, mihing na hih lelna kilang ding hi.

Jeremiah 48:41

Khuapite kila-in kulhpite zong kila ding hi. Tua ni ciangin Moab galkapte in nupi nausuak dingte bangin a lau ding uh hi.

Jeremiah 30:6

Tu-in ngaihsun dih un. Pasalte nau a suak ngei uh hiam? Tua ahih leh bang hangin pasal khempeuh in numei nausuak dingte bangin, a taai uh hum ahi hiam? Bang hangin a mai uhah si teeng lo ahi hiam?

Jeremiah 22:23

Lebanon gam pan-a kila taamtaak inn sungah nuam takin na teeng uh hi. Ahih hangin gimna hong tun’ ciangin bang zah takin na tau ding uh hiam? Numei nausuak dingte na bang ding uh hi.

Jeremiah 6:24

Tua thu i za khin zo a, bangmah i cih thei kei hi. Lungkhamna in hong hencip a, nupi nau suak ding bangin na i sa hi.

Isaiah 21:3

Tua ahih ciangin ka pumpi na hi; nausuak numei in na a sak bangin na ka sa hi; khuaza thei lo zah dongin a kuncip-in ka om a, ka muh nate hangin lamdang sa in ka om hi. khua mu thei lo zah dongin lungkia-in ka om hi.

2 KUMPI NIHNATE 16:7

Tua ciangin Ahaz in Assiria kumpipa Tiglath-pileser kiangah kamtaite sawlin, “Keimah in na nasempa leh na tapa ka hi hi. Hong kuanto in la, keimah a hong sim Siria kumpipa leh Israel kumpipa’ kiang panin kei hong honkhia in,” a ci hi.

Mattiu 24:8

Tuate khempeuh in gimna kipat cilna ahi hi.”

Jeremiah 2:25

Na khe guakin lam pai kei in la, na dang taksak kei in, kong cih hangin, nangmah in, ‘Bang phamawh hiam? Khual mite ka it a, amau’ nung ka zui ding hi,’ na ci hi.

Jeremiah 4:30

A kisia ding nangmah in bang cih ding na hi hiam? Puan san silh-a kham tawh na kizep liatluat hangin, na mitte zemin na golsak hangin, a mawkna-a kizem na hi ta hi. Na lawm ngaihte in nang hong paaikhia uh a, hong that nuam uh hi.