Jeremiah 13:19 - Tedim Bible

¹⁹ Negeb gam khua kongpite lah kikhak a, kuamah lut thei nawn lo hi; Judah mite zong salin kikai a, a vekpi-un salin kikai khin uh hi.

Tedim Bible Revision 2017

¹⁹ Negeb gam a om khua kongpite lah kikhak a, kuamah lut thei nawn lo hi. Judah mite zong salin kikai a, a vekun sal suak khin uh hi,” hong ci hi.

Jeremiah 13:19 Referans Kwoze

Jeremiah 52:27

Babilon kumpipa in zong Hamath gam Riblah khua-ah amaute sat-in a thatlum hi. Tu-a bangin Judah mite a gam panun sal dingin a kila khia hi.

Jeremiah 52:30

Nebukhadnezzar a maan’ zawh a kum sawmnih leh thum kumin kumpi cing galkap mangpa Nebuzaradan in sal dingin Judah mi zasagih sawmli-nga a pai khiatpih hi. A vekpi-in mi tulli leh zaguk a pha hi.

Jeremiah 39:9

Tua ciangin kumpi cing galkap mangpa Nebuzaradan in khuapi sunga a kinusia lai mite tawh, ama kianga a tai mite tawh, a omlai mite tawh, Babilon-ah sal dingin a paipih hi.

2 KUMPI NIHNATE 25:21

Tua ciangin Babilon kumpipa in amaute vat a, Hamath gam sung Riblah ah amaute that hi. Tua ahih ciangin amau’ gam panin sal-in Judah mite kilakhia hi.

Thu-hilhkikna 28:52

Na gam sung uh a, a om na muan’ uh a sang a muan’ huai na kulhpite uh a cip khit dong matengin na khuapite khempeuh sungah amaute in note hong umcih ding uh hi; Topa na Pasian un note hong piaksa na gam sung khempeuh uhah a om na khuapite khempeuh sung uhah note hong umcih ding uh hi.

Jeremiah 33:13

Mual tunga khuapite, Shefelah zanglei-a khuapite leh leitaw lam Negeb gama khuapite, Benjamin gam, Jerusalem khua kimkot leh Judah gam khuapite ah, Topa in kong cih-inah tuucingte in a tuute uh a sim ding uh hi.

Jeremiah 20:4

Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Jeremiah 17:26

Mite in Judah gam khuapite leh Jerusalem khua kim panin ahi zongin, Benjamin gam, Shefelah zanglei gam, mualtung gam leh leitaw lam Negeb gamte panin ahi zongin meihal biakna leh kithoihnate, an tawh biakna, paknamtui leh lungdam biak piaknate Topa’ biakinn-ah hong keng uh hi.

JOB (Job) 12:14

Pasian in phelkeek leh kuamah in lamkik zo lo a, Pasian in thong-ah mi koih leh kuamah in suaktasak zo lo hi.

Joshua 18:5

Amaute in seh sagihin khenin, leitaw lam ama gam mah-ah Judah om suakin, Josef innkuante leilu lam amau’ gamah om ding hi.

Thu-hilhkikna 28:15

“Ahih hangin note in Topa na Pasian uh thu mang loin, tu ni-a note kong piak ama thupiaknate leh ama thukhamte khempeuh lim takin na zuih kei uh leh, hih samsiatna khempeuh note tungah hong tung ding a, note hong ban ding hi.

Jeremiah 32:44

Benjamin gam, Jerusalem khua kimkot leh, Judah gam khuapite-a kipan mual tunga khuapite, Shefelah zanglei-a khuapite leh leitaw lam Negeb gama khuapite-ah sum tawh lo kilei ding a, a theihpih mite tawh thukimna min gelhin gip tawh a kikhen ding hi; bang hang hiam cih leh keimah in amaute a gam mah uhah ka om sak kik ding hi, Topa in kong ci hi,” a ci hi.

Kah la 1:3

Judahmite, a huh ding nei lo silate bangin a inn panun a kihawl khia hi. Amaute gamdang ah teeng uh a, amau gam ding a om kei hi. Galte in umcih uh a, a suahtak theih na’ng uh lampi a om kei hi.

Zekhariah 7:7

Jerusalem cithei-in a khua sungah mi tampi omin, leitaw lam gam, nitumna lam gam, a kim a pam khuapite-ah mi tampi teengin a om hun lai takin, tu-a mah bangin Topa in a kamsang masate’ tung tawnin a gensa thu ahi hi.

1 KHANG TANGTHU MASATE 9:1

Tua ahih ciangin Israel khempeuh khangsimna ah kiciamteh hi; Israel Kumpite’ Laibu sungah hihte kigelh hi. Amau’ thuman’lohna hangin daan piakna-in Babilon ah salin Judah mite kipaipih hi.

Jeremiah 24:1

Babilon kumpipa Nebukhadnezzar in Jerusalem khua panin Jehoiakim’ tapa Judah kumpipa Jekoniah leh Judah kumpi uliante, khutsiamte leh siksek siamte, Babilon khua-ah sal dingin a pai khiatpih khit ciangin Topa in hih mang hong musak hi. Topa’ biakinnpi mai-ah theigah bawm nih dim ka mu hi.

Jeremiah 28:4

Jehoiakim’ tapa Judah kimpipa Jekoniah leh Judah gam pana Babilon-a sal a, a paite khempeuh zong hih munah ka la kik ding hi, Topa in hong ci hi. Bang hang hiam cih leh Babilon kumpipa’ hakkol ka kuaitan ding hi, a ci hi,” hong ci hi.

Jeremiah 52:28

Nebukhadnezzar in sal ding a, a paipih mi phazah in hih bang ahi hi: a kum sagih kumin Judah mi tulthum sawmnih thum,