Jeremiah 13:17 - Tedim Bible

¹⁷ Ahih hangin ka thu nong ngaih kei uh leh na kisaktheihna uh hangin ka kapsim ding a, khitui luangin nakpi takin ka kap ding hi. Bang hang hiam cih leh Topa’ tuu honte sal dingin kikai zo hi.

Tedim Bible Revision 2017

¹⁷ Ahih hangin ka thu nong ngaih kei uh leh na kisaktheihna uh hangin ka kap sim dinga, khitui luangin nakpi takin ka kidik ding hi. Bang hang hiam cih leh Topaʼ tuuhonte sal dingin kikai khia zo hi.

Jeremiah 13:17 Referans Kwoze

Malakhi 2:2

Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.

Jeremiah 14:17

“Jeremiah aw, amaute’ kiangah hih bangin va ci in: ‘Sun-le-zanin ka khitui luangluang hen la, kang ngei kei ta hen; bang hang hiam cih leh ka mite in nakpi-in liamna a thuak uh a, nakpi takin a kisat hi.

Jeremiah 9:1

Aw, ka lu tuikhuk hi-in, ka mitte khitui nak hi tazen leh pawh, ka mite’ kithahlupna hangin a sun a zanin kapkap mai ning!

Late 80:1

Tuuhon bangin Josef a paipih, Israel Tuucingpa aw, ngai in! Nang, Kherubte tunga tu-pa aw,

Ezekiel 34:31

No ka tuute aw, an ka hong vak, tuuhon ahi keima mite na hi uh a, keimah in note’ Pasian ka hi hi. Topa Pasian ahi keimah in hih thu kong gen khin hi,” hong ci hi.

Kah la 2:18

Jerusalem aw, na kulhpite mahmah Topa tungah kiko sak in! Sun-le-zanin na khitui guntui luang bang sak in. Dahna leh kahna tawh na hun beisak in.

Kah la 1:16

Tua ahih manin ka mit sung pan khitui a dim letin a luang hi. Hong hehnem ding leh hong hanthawn ding kuamah a om kei hi. Galte in hong zo khin a, ka mite a cimawh uh hi.

Late 119:136

Mite in nangma thu zui lo ahih manin ka khitui hawk luan’in a luang hi.

1 SAMUEL MASA 15:35

Samuel in ama sih ni dong Saul mu kik lo hi; ahih hangin Saul hangin Samuel dah hi. Israelte tungah kumpi-in Saul a koih manin Topa kisik hi.

Ezekiel 36:38

Tu hun-in a sia-a a omcip khuapite pen, a kiseh pawi hun ciangin biak nadingin a kipaipih, Jerusalem-a tuu honpi om muamua bangin, mi tampi tawh kidim ding uh hi. Tua ciangin Topa ka hihna thu hong thei ding uh hi,” hong ci hi.

Kah la 1:2

Amah zan khuavakin kap a, a khitui a biang tungah a tak kauhkauh hi. Amah a it ngeite khempeuh a hehnem ding khat beek a om nawn kei hi. A kipawl pihte khempeuh in kheemin, tu in a langpan’ khin ta uh hi.

Jeremiah 23:1

Topa in a gen-inah: “Ka mite sisak a, a kikhenthang sak gam ukte in gimna ngah ta hen!” a ci hi.

Jeremiah 22:5

Ahih hangin note in hih kammalte na ngaih kei uh leh keimah Topa in kong gen-inah, hih in gamlak suaksak dingin ka kiciam hi.

Jeremiah 17:16

Ahih hangin amaute tungah gimna na tun’ sak ding kong ngen kei a, siatna ni hong tun’ ding ka deihsak loh lam zong nong thei hi. Ka kam pan-a hong gingkhia thu khempeuh na thei khin hi.

Isaiah 63:11

Tua ciangin amaute in hun lui lai, ama nasem Moses’ hun phawk uh hi. Ama tuuhonte a cing tuucingpa, tuipi sung pan a, a paikhiatpih Topa koi-ah om ta ahi hiam? Amaute’ tungah a Kha Siangtho a piapa,

1 SAMUEL MASA 15:11

“Kumpi-in Saul ka koih ka kisik hi; bang hang hiam cih leh amah in keimah zuihna panin kihei kik a, ka thupiaknate sem lo hi,” a ci hi. Tua ciangin Samuel heh hi; zan tawntung Topa’ tungah kiko hi;

Jeremiah 15:17

Mi gualnuam mawkmawkte tawh ka kikhawl kei a, zong ka lungdam kei hi. Nangmah in na khut ka tungah hong nga-in, hehna tawh hong kidimsak na hih manin, kei guak bek ka tu hi.

Jeremiah 23:2

Tua ahih manin ka mipihte a kem gam ukte tawh kisai-in Topa, Israel mite’ Pasian in hong gen-inah, “Note in ka mite kikhenthang sakin na hawlkhia mang uh a, amaute na don kei uh hi. En un, Topa in kong cih-inah, na gamtat siate uh hangin daan kong pia ding hi.

Kah la 1:9

A kihhuaina teng kimu khia pah hi napi, gimna thuak ding ahih lam bang mah a awlmawh thei tuan kei hi. Tua ahih manin gimna a thuakna lian lua mahmah a, kuamah in a hehnem zo kei hi. A galte in zo ahih manin Topa kiangah hehpihna a ngen hi.

Ezekiel 9:4

“Jerusalem khua sung khempeuh ah pai kawikawi in la, hih khuapi sungah a muhdahhuai gamtatnate a kisepna hangin dahin a lungkham mi khempeuhte’ taltang-ah ciamtehna va bawl in,” ci-in sawl hi.

Ezekiel 24:16

“Ezekiel aw, na it penpen mi khat thakhatin a hong laksak ding ka hi hi. Na thuum na tau kei dinga zong kap loin, na khitui zong na luangsak kei ding hi.

Kah la 3:48

Ka mite a kisiat manin, ka khitui guntui luang a bang hi.