Biblia Todo Logo
Bib sou entènèt

- Piblisite -




Jeremiah 13:16 - Tedim Bible

16 Topa in khua mialsak a, khuamialna mual tungah na tuk ma-un na lamet uh khuavak pen khua mial bikbek a suah ma-in, Topa na Pasian uh pahtawi un.

Gade chapit la Kopi

Tedim Bible Revision 2017

16 Topa in khua mialsak a, khua mialna mual tungah na tuk ma un, na lamet uh khuavak pen khuamial bikbek a suah ma-in, Topa na Pasian uh pahtawi un.

Gade chapit la Kopi




Jeremiah 13:16
36 Referans Kwoze  

Tua ahih ciangin, thutang eite tawh kigamla-a, eite hong gimsakte kiang panin Pasian in hong hotkhiat lohna thu i thei hi. Eite in khuavak i lamen a, ahi zongin khuamial bekbek i tuak hi.


amaute in lei lak a et suk hangun, lungkhamna leh khumialna, lungzing-a gimna bek om hi; khuamial ngeungau sungah amaute kihawlkhia ding hi.


Khuamial in leitung tuam a, minam dangte khuamial in tuamcip ding a, ahi zongin nangma tungah Topa’ khuavak hong taang ding hi. Ama minthan’na in nang hong ompih ding hi.


Tua ni ciangin amaute in tuipi ging bangin Israel tungah ngik ding uh hi. Mi khatpeuh in leitang en leh, khuamialna leh lungzin’na bek om hi; meiite in khua mialsak hi.


Migilote’ lampi ahih leh zan khuamial bangin mial a, amaute a tuksak, a suihkhak nate nangawn mu thei lo uh hi.


Tua ciangin Joshua in Akhan kiangah, “Ka tapa aw, Israel Topa Pasian min thangsak in la, amah phat in; tu-in na gamtatnasa kei tungah hong gen in; kei tungah hong iim kei in,” a ci hi.


Tua ahih manin amaute’ lampi in, khuamial lak lam nal-a pai tawh a kibang ding a, amaute kinawhkhia gawpin a tuk ding uh hi. Bang hang hiam cih leh amaute’ thuakna hun hong tun’ ciangin amaute’ tungah gimna ka tung sak ding hi, Topa in kong ci hi.


Leitung ka et leh lim-le-mel nei lo a, vantungah lah khuavak om lo hi.


Tua ahih ciangin note in na gamsung uh hong sugawp na uilut limte uh leh na simbeng limte uh bawlin, Israelte’ Pasian’ tungah zahtakna na lak ding uh hi; note leh na pasiante uh leh na gam uh tungah amah in hong gawtna hong zangsak kha ding hi.


Tua ciangin Topa in Moses' kiangah, “Mite in khuamial sung a zawt nading, Izipt leitang tungah khuamial a om theih nadingin vantung lamah na khut zan in,” ci hi.


“A puksak nading suangpi, a khialhsak nading suangpi zong ahi hi,” ci-in a kigelh zo hi. Bang hang hiam na cih uh leh, amaute in ngai loin, Pasian’ thu suikha-in a puk uh hi. Tua thu tawh a kituak nadingun tua mite a kikoih uh hi.


Tua ciangin Zeisu in, “Khuavakna in note kiangah tawlkhat a om lai ding hi. Khuamial in no hong lap loh nadingin khuavak a om lai takin na pai un. Khuamial lakah a pai mi in a tun’na ding a thei kei hi.”


Huhna ngenin ka khawdakdak uh a, khawdak zo nawn lo zah dongin ka om uh hangin bangmah ka ngah kei uh hi. A hong pia zo lo ding minamte tungah huhna ka ngenngen kha uh hi.


Topa aw, nangmah in Judah gam nial khin siang zo na hi hiam? Zion khua kihhuai sa na hi hiam? Bang hangin kote hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi; dam nading hun ka lamen uh a, lauhuaina bekbek ka mu uh hi.


Nopna i zonga nopna hong pai lo hi. Cidamna i lamen-a siatna bek i ngah hi.


Mi khat sau veipi a nuntak leh a nuntak sung nuam takin om ta hen. Sau veipi tak a hing zongin, a sih khit hun a sau vei zawkna phawk ta hen. Mai lam-ah a lam-ethuai bangmah a om kei hi.


Khua niim leh khuamial in khuhcip hen. Tua ni-in meiipi zing hen la, tua ni awk in valh tum hen.


Pawlkhatte, khuamial sung leh a ziing sungah tu uh a, sikkol kibulhin gimna thuakin thongkia uh hi,


amah in, khuamial sung leh a ziing sung panin amaute lakhia a, amau a kihennate botsatkhia hi.


Amaute in, ‘Izipt gam panin eite hong paikhiatpih-a sehnel lak leh dum lak, leikeu lak leh a lauhuai khuamial bekbak lak, kuama’ pai ngei lohna mun, kuama’ teen’ lohna gamlak-ah a hong makaih Topa koi-ah a om hiam?’ ci beek lo uh hi.


Tua ahih manin Topa in kong cih-inah, En un, hih mite puk nadingin a mai uhah suangtum ka koih ding-a, pate leh tate, inn vengte leh lawmte pukin a si ding uh hi,” a ci hi.


“Ka mite tuu mangthang bang ahi khin uh hi. Makai tuucingte in mualtung tengah lam khialin a gam man’ pih uh hi. Mual khat panin mual khatah a pai kawikawi uh a, a giahna inn uh a thei nawn kei uh hi.


Tua namsau in ka mite meidawi sakin puk sak hi. Khuaphia bangin a tee zalzal, mi that dinga a kithawi ka namsau tawh a khuapi uh ka ngim hi.


Tuucingte in a kithehthang tuute kaikhawmin a kep bangin keimah in donin ka kem ding hi. Tua bang a lauhuai siat nading hun lai takin a kithehthangna uh mun khempeuh panin ka kaikhawm ding hi.


Minam dangte’ hong ko bawlna za nawn loin, a hong mindaisakna uh na thuak nawn kei ding uh a, na sung uh a, teeng mite’ tate zong, no Israel mual tung gamte in na laksak nawn kei ding uh hi. Topa Pasian in hih thu ka gen khin hi,” hong ci hi.


Bang hang hiam cih leh mualte bawlin, huihte a piangsakpa, ama ngaihsutna mihingte tungah kilangsakin, sun nitaang kimlai zanin a bawlpa, leitung khempeuh a ukpa’ min in Topa, mihonpite’ Pasian ahi hi.


Topa’ ni hong tun’ ding a ngaklah note’ adingin, bangzahin lauhuai ding hiam? Note’ adingin tua ni a hoihna bang om ding hiam? Tua ni in lungzin’ ni hi a, lungtaii ni hi lo hi.


Ama minthan’na Topa’ tungah pia un la, a siangtho kizepna tawh Topa bia un.


Mittaw bangin kawm i zawt a, mit nei lote bangin i mai hi; suntang laipi-in khuamial sung bangin i tuk a, a hat mite lakah mi si tawh i kibang hi.


Tua ni a mial, a lungzin’ huai ni, meii kai-in khuazin’ ni hi ding hi. Mual tungah meiipi a kai bangin, sim zawh lohin kauphe honpi hong leeng hi. Cik mahin hih bang om ngei nai lo a, cik mah ciangin zong omkik nawn lo ding hi.


Na gamtatna uh tawh kei nong zahtak ding uh hi. Ka thugente ngai loin, thupi takin na lak kei uh leh note tungah samsiatna ka hong tungsak ding a, siampi hihna tawh na ngah uh thuphate tungah samsiatna ka tungsak ding hi. A taktakin ci lehang, note in ka thupiaknate thupilak lo na hih manun na thupha ngahte uh tungah samsiatna ka tungsak zo hi.


Swiv nou:

Piblisite


Piblisite