Jeremiah 13:14 - Tedim Bible

¹⁴ Pate leh tate-a kipan amaute khat leh khat ka kiphusak ding a, Topa in kong cih-inah, hehpih lo, dawm lo, it loin ka siasak ding hi, a ci hi,’ va ci in.”

Tedim Bible Revision 2017

¹⁴ Pate le tate a kipan amaute khatlekhat ka kiphusak dinga, Topa in kong cih in ah, hehpih lo, lainat lo, it loin ka sisak ding hi, ci hi,’ va ci in,” hong ci hi.

Jeremiah 13:14 Referans Kwoze

Thu-hilhkikna 29:20

Topa in amah maisak lo ding a, Topa’ hehna tawh hazatna meikhu tua mipa’ lang khatah khu zawin, hih laibu sunga kigelh samsiatnate ama tungah tung ding a, Topa in vantung nuai panin ama min phiat ding hi.

Late 2:9

Siktawn khat tawh amaute na satkham ding a, beelseekpa’ beel den’khap bangin amaute lei-ah na dengzan ding hi,” hong ci hi.

Jeremiah 21:7

Tua khit ciangin, Topa in kong cih-inah, Judah kumpipa Zedekiah leh a nasemte leh, pulnatna, namsau leh kial-a si lo a nungta lai teng pen, amaute a that nuam Babilon kumpipa Nebukhadnezzar leh a galte uh’ khut sungah ka pia ding hi. Amah in amaute namsau tawh a that ding a, hehpih loin, zong a siit kei ding a, itna lungsim a nei kei ding hi,’ va ci un,” a ci hi.

Jeremiah 6:21

Tua ahih manin Topa in kong cih-inah, En un, hih mite puk nadingin a mai uhah suangtum ka koih ding-a, pate leh tate, inn vengte leh lawmte pukin a si ding uh hi,” a ci hi.

Isaiah 27:11

A hiangte a keu ciangin kitan hi: nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsakpa in amaute tungah maipha lak lo ding hi.

Marka 13:12

Unau khat leh khat sih nadingin a kiheek ding uh a, pa in zong a ta a lehheek ding hi. Tate in a nu leh a pate galin a do ding uh a, thah dingin a lehheek ding uh hi.

Mattiu 10:21

Unau khat leh khat ahi zongin, pa in a tapa ahi zongin, sih nadingin a kiheek ding uh hi. Tate in a nu leh a pate galin do ding uh hi. Tate in a nu leh a pate galin do ding uh a, thah dingin a pia ding uh hi.

Ezekiel 24:14

Topa ahi keimah in thu ka gen khin hi. Tu-in ka gamtat hun ding hong tung ta hi. Kong kiphawkmawh bawl nawn kei ding a, ki-ip nawn loin, zong kong khasiat ngaihsut kei ding hi. Na gamtatna bangin daan hong kipia ding hi, Topa Pasian in ci hi,” hong ci hi.

Ezekiel 9:10

Tua ahih manin amaute kuamah ka zah kei ding a, kuamah ka khasiat kei ding hi. Amaute’ gamtatna, amaute tung mah ka tusak ding hi,” hong ci hi.

Ezekiel 9:5

Tua ciangin Pasian in a midangte kiangah, “Khua sung khempeuh ah amah va zui un la, mi va that un. Kuamah hingkhawi kei un la, kuamah khasiat kei un.

Ezekiel 8:18

Tua ahih manin amaute in ka heh mahmahna thuak ding uh a, amaute ka zah kei ding a, zong ka khasiat kei ding hi. Amaute in a tha neih tawpun kei tungah thu hong nget uh hangin amaute’ thungetna ka ngai kei ding hi,” hong ci hi.

Ezekiel 7:9

Note kong zah kei ding a, zong kong khasiat kei ding hi. A muhdahhuai na gamtatnasate uh hangin daan a hong pia ding ka hi hi. Tua ciangin Topa ka hihna leh note a hong daantatpa ka hihna na thei ding uh hi.

Ezekiel 7:4

Note kong zah kei ding a, zong kong khasiat kei ding hi. A muhdahhuai na gamtatnasa uh tawh kizui-in daan kong tat ding a, tua ciangin Topa ka hih lamtak na thei ding uh hi,” hong ci hi.

Jeremiah 48:12

“Tua ahih manin, en un, Topa in kong cih-inah, Moab mite leenggahzu buak banga a bua khia ding mi kong paisak hun hong tung ding hi. Amaute in a thawl a hawm dong bung khia-in tua khit ciangin thawl a sukham zan ding uh hi.

Jeremiah 47:3

Sakol khe gingte za-in, sakol leeng gingte leh a pei kigawi gingte a zak uh ciangin, pate in a khut uh zaw lua ta ahih manin a tate uh a don zo nawn kei uh hi.

Jeremiah 16:5

“Bang hang hiam cih leh Topa in kong cih-inah, mi’ kahna inn sungah lut kei un la, thuum-in kuamah va kah se kei un. Bang hang hiam cih leh lungnopna lianpi leh ka hehpihna hih mite kiang panin ka lakhia khin zo hi, Topa in kong ci hi.

2 KHANG TANGTHU NIHNATE 20:23

Bang hang hiam cih leh Ammon mite leh Moab mite in Seir Mual-a teengte do dingin kipanin amaute susia mang uh a, Seir-a teengte a beisak khit uh ciangin amaute khat leh khat kisusia uh hi.

1 SAMUEL MASA 14:16

Benjaminte’ gam sunga Gibeah-a Saul’ galvilte in en uh hi; en in, alang alangah mihonte kikhin maimai hi.

JOB (Job) 27:22

Amaute in a suahtak theih nading a hanciam tantan kim lai mah, hehpih ngaihsut loin len khia mang ding hi.

Jeremiah 15:5

“Kua in nang a hong hehpih ding hiam? Jerusalem aw, kua in nang hong kah ding hiam? Kua, hong lam baangin dam-le-nat kitheih sakna-in hong hawh ding ahi hiam?

Kah la 2:21

Khangno leh khanghamte kongzing tengah si uh hi. Galte in nungak tangval teng namsau tawh a thatlum uh hi. Amaute hehpih loin na heh ni-in na thatlum sak hi.

Hosea 2:4

Ama tate, paktatna pana piang tate ahih manin, tua a tate zong ka hehpih kei ding hi.

Zekhariah 11:6

Tua ahih ciangin hih gam-a a teeng mite ka hehpih nawn kei ding hi. Amaute a ukpa leh a kumpipa’ khut nuai-ah mi khempeuh ka koih ding hi. Gam uk mite in gam sung teng susia gawp dinga amau’ suksiatna panin kuamah ka honkhia kei ding hi,” hong ci hi.

Jeremiah 15:6

Nangmah in kei nong taisan zo hi, Topa in kong ci hi, kei nong nungngat niloh hi; tua ahih manin ka khut kong zan-a kong susia hi—ka hehna ka ki-ipip zo nawn kei hi.

Jeremiah 25:16

Amaute in a dawn ding uh a, amaute kiang-a ka sawl namsau hangin hoi dangdangin a hailawh ding uh hi,” hong ci hi.

Ezekiel 7:3

Israelte aw, tu-in na bei nading uh hong tung ta a, note in ka hehna tu-in na thuak ta ding uh hi. Na gamtatnasa uh tawh kizui-in thu kong khen ding a, na gamtatsiatna uh tawh kizui-in daan kong tat ding hi.