Jeremiah 13:10 - Tedim Bible

¹⁰ Ka thu hong ngai nuam lo-a, amau’ ngaihsutna bang bek-a a pai tentan nuam, pasian dangte’ nasem ding leh bia dinga a nung zuih hih mi gilote in zat theih ding ahi nawn lo, hih dialkaih bang ahi ding uh hi.

Tedim Bible Revision 2017

¹⁰ Ka thu hong ngai nuam loin amauʼ ngaihsutna bang bekin a pai tentan nuam, pasian dangteʼ na a sem ding le a bia dingin a nung a zui hih migilote pen zat theih ding ahi nawn lo, hih dialkaih bang ahi ding uh hi.

Jeremiah 13:10 Referans Kwoze

Jeremiah 16:12

Note in na pu na pate sangun na siahuai zaw uh hi. Bang hang hiam cih leh, en un, note’ utna bang ciat na zui tentan uh a, ka thu nong ngai nuam kei uh hi.

Jeremiah 9:14

amau’ lungsim’ deihna zui tentan-in a pu a pate-uh’ hilhna bangin Baal nung a zuih man uh ahi hi.

Gamlak-vakna 14:11

Topa in Moses kiangah, “Hih mite in bang tanvei kei hong simmawh ding ahi hiam? Amaute lakah ka hihsa limte khempeuh om napi-in, amaute in bang tanvei kei hong um lo ding ahi hiam?

Sawltak 7:51

“Lungkhauh a, lungsim leh bil tawh vunat loh mite aw, note in Kha Siangtho a tawntungin na nial uh hi. Na pute na pate uh a gamtat bangin na gamta uh hi.

Jeremiah 13:7

Tua ciangin kei zong Eufrates gunah ka pai-a dialkaih ka seelna mun khuat kik-in ka la hi. Dialkaih a na ngot gawp zo a, zat theih ding ahi nawn kei hi.

Jeremiah 3:17

Tua hun ciangin Jerusalem khua pen Topa’ kumpi tokhom kici ding a, Jerusalem khua Topa’ omna ah Topa’ min pahtawi dingin, gam khempeuh hong kikhawm ding uh hi. Amaute in amau’ mawh nopna lungsim uh a zui tentan nawn kei ta ding uh hi.

Hebru 12:25

Note in thu hong piapa’ kam na nial loh nadingun kikem un. Bang hang hiam na cih uh leh, leitungah thu genkholhna hong pia mi’ kam a nial mi in mawhna tawh kipelh lo ahih leh, tua tham loin vantung pan thu hong pia kholpa kiang pan eite in pialkhia lehang, mawhna pan i suakta kei zawtham ding hi.

Jeremiah 16:4

Natna lian tawh si ding uh a, kuamah in kah loin kuamah in lah a vui kei ding uh hi. Lei laka ek kitha bang ahi lel ding uh hi. Namsau kial tawh a si ding uh a, a siluangte uh huih laka leeng vasate leh lei laka ganhingte in a ne ding uh hi.

Jeremiah 11:18

Ka galte in kei hong sawmna uh Topa in nong hilh a, tua ciangin ke’n ka thei pan hi.

Jeremiah 8:5

Tua ahih leh bang hangin hih mite lam khial-in nungkin paisuak lawmlawm uh ahi hiam? Amau in pasian zuau milimte lenkip uh a, hong kilehkik nuam lo uh hi.

Jeremiah 5:23

Ahih hangin hih mite lungsim khauhin hong langpan’ zen uh hi; hong kihei san uh a, hong paisan uh hi.

Isaiah 3:24

Paknamtui tangin uihna; kawnggak tangin khauhualpi; lim tak-a kizem sam tangin lu kolhna; puan hoih tangin puanhampi; mel hoihna tangin maizumna hun hong tung ding hi.

Thuhilh-sia 11:9

Khangnote aw, na khangno uh nuam sa un la, na khangno lai-un lungdam un. Na hih nop peuhpeuh uh hih un la, na ut bang bangun gamta un. Ahi zongin na gamtatna uh tawh kizui-in, Pasian in thu hong khen ding lamtak phawk gige un.

Jeremiah 7:6

nam dang mite, pa nei lote leh meigongte na nuaisiah kei uh a, hih munah mawh nei lo mite that nawnloin, note’ gim nading mah ahi pasian dang peuh na biak nawn kei uh leh,

Jeremiah 9:6

Khat khit khat-in mite a bawl sia uh a, zuau zong a phuakphuak uh hi. Kei hong thei nuam lo uh hi, Topa in ci hi.

Jeremiah 11:10

Ka thu a ngai nuam lo a pu a pate uh’ mawhna lamah a kileh hei khin zo uh a, pasian dangte’ na sem dingin a zui khin zo uh hi. Israel mite leh Judah mite in a pu a pate uh tawh ka bawlsa uh ka thuciamna a palsat khin zo uh hi.

Jeremiah 20:4

Bang hang hiam na cih leh Topa in hong cih-inah, ‘En in, keimah in nang leh nang’ lau nadingin ahi zongin na lawmte’ lau nadingin ahi zongin nang kong bawl ding hi. Amaute a galte in namsau tawh a thahlup na mu ding hi. Judah gam khempeuh Babilon kumpipa’ khut sungah ka pia ding a, amah in sal dingin amaute Babilon khua-ah a paipih ding a, namsau tawh a thatlum ding hi.

Jeremiah 22:21

Na daupai laitak-un kong hopih hangin na hong ngai nuam kei uh hi. Na neu tung-ua kipan nong tua cih ngitnget uh a, ka thu nong mang ngei kei uh hi.

Jeremiah 23:17

Keimah Topa’ thu genna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.

Jeremiah 35:15

Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna-uh panin kihei un la, na gamtat hoihlote uh kipuah pha un. pasian dangte nung delh loin, ama’ na na sep kei uh leh note leh na pute na pate’ kianga kong piak gam sungah na teeng ding uh hi,’ ci-in hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.

Jeremiah 44:5

Ahih hangin amaute in ka thu hong ngai loin a bil uh hong dawh lo uh a, a gitlohna uh panin kihei loin, pasian dangte’ kiangah paknamtui hal veve uh hi.

Jeremiah 44:16

“Topa’ min a, nong gen thute kong mang kei ding uh hi.

Jeremiah 7:13

Tu-in zong, hih nate khempeuh na hih uh a, kong gengen hangin hong ngai tuan loin kong sap hangin hong dawng lo na hih manun, Topa in kong cih-inah,

Jeremiah 9:13

Topa in, “Amaute in a mai uh-a ka lah ka thukham a nusia uh a, ka thu hong mang loin ka cih bangin ta lo uh a,