Jeremiah 12:9 - Tedim Bible

⁹ Ka mite in, sa sial ne vasa gial khat sa sial ne vasa dangte in a kimkot pan a tuk nainai uh tawh kibang hi. Gamsate aw hong kikhawm un la, pawi hong siim un.

Tedim Bible Revision 2017

⁹ Ka mite pen, sasial ne vasa gial khat, sasial ne vasa dangte in a kimkot panin a tuk huan nainai uh tawh a kibang uh hi. Gamsate aw, hong kikhawm unla, pawi hong siim un.

Jeremiah 12:9 Referans Kwoze

Isaiah 56:9

Lo sunga om ganhing khempeuhte— gamlak-a om ganhing khempeuhte aw, a netum dingin hong pai un.

Jeremiah 7:33

Misiluangte huih laka leeng vasate leh leitunga om ganhingte’ an suak ding uh a, tuate a delhmang ding kuamah om lo ding hi.

2 KUMPI NIHNATE 24:2

Tua ciangin kamsangte ahi ama nasemte tung tawnin a gen Topa’ thugenna bangin Judah a susia dingin ama lang khatah Topa in Khaldea mihonte, Siria mihonte, Moab mihonte leh Ammon mihonte sawl hi.

Mangmuhna 17:16

Nangma muh ki sawm leh sahangte in tua numei gilo a muhdah khit uh ciangin amah belh ding suan ding nei lo suakin ama sa ne-in, amah a kat tum nadingin mei tawh a hal ding uh hi.

Jeremiah 15:3

“Amaute’ sih nadingin gimna nam li ka tungsak ding hi. A kithah nading uh namsau, a keizan gawp dingin ui, a valhtum ding leh a susia gawp dingin huih lak-a vasate leh lei lak-a ganhingte ka koih ding hi.

Jeremiah 2:15

Humpite bangin a galte in amah hawk uh a, nakpi takin a hawkgawp uh hi. A gam uh gam simtham a suah uh a, a khuapite cim-in kuamah teeng lo hi.

Jeremiah 34:20

A galte’ khut sungah amaute ka pia ding a, a that nuam mite’ khut sungah ka pia ding hi. A siluangte uh van-a vasate leh leitunga gam sate’ an a suak ding uh hi.

Kah la 1:17

Hong huh un ci-a khut ka vanvan hangin kuamah in a hong huh nuam kei hi. Topa in mun khempeuh panin galte hong paisak a, amaute in a kihhuai na khat bangin a hong gimneih uh hi.

Isaiah 2:11

Mite’ kiliatsakna pen kiniam koih ding a, mihingte’ kiphatsakna pen kiniam khiat ding hi; tua ni ciangin Topa bek a lianin kikoih ding hi.

Isaiah 2:12

Bang hang hiam cih leh Vanglianpen Topa in a sehsa ni nei hi, a kiphasak leh a kiliansak khempeuh, a kisangsak leh a sangte khempeuh niamkhiat suk ding hi;

Ezekiel 34:5

Tua tuute in a cing ding nei lo uh ahih manin kithehthang gawp uh a, gamlak sate’ an suak lel uh hi.